المشاركة الأصلية كتبت بواسطة D7emoOoh
السـلآمـ عليـكمـ ورحمه الله وبـركـآته ...
هاذي أول مشاركه لي , وعشان كذا أحب أقولكم : يشرفني ويسعدني إني أكون عضو من أعضاء عائله محبي هوندا .. وإن شاء الله نفيدكم بالي نقدر عليه ومانقصر على أحد ..
بدون مقدمات .. بدخل بالموضوع .!
أنا إن شاء الله بكره يوم الثلآثاء بروح الوكاله وبشتري أكورد 2012 v6 فل اوبشن . أبيكم تفيدوني بالي تقدرون عليه , مثل (( الألوان - الصيانه - الأشياء الي لآزم أنتبه لها قبل ما أستلم السياه << غير الاشياء الي موجوده بالموضوع القديم لعضو بالمنتدى هذا الي فيه الشنطه والاسعافات الاوليه والقلم والميداليه .. الله يعطيه العافيه بذل مجهود أكثر من رائع >>
والنقطه المهمه الي أتمنى انكم تفيدوني فيها من واقع تجربه :: أكورد 6 سلندر خرابات !! :: علما ان سيارتي الحاليه لومينا 6 سلندر << أحس صعبه علي النقله من 6 الى 4 سلندر >> أفيدوني بالي تقدرون .. والي حاب يضيف شي يضيفه ,,
(( الله يخليكم الردود بأسرع مايكون .. انا تأخرت بالموضوع .. لآكن إن شاء الله تفيدوني ))
^
مــشــكوؤويـن ..
اللون هذا شي راجع لك، نصيحه لا تشاور احد فيه .. لكن من ناحيتي خذ فيراني.
. . .
قبل استلام السيارة تأكد من الاتي:
1- شف بودي السيارة قبل لا تطلعها من الوكالة تأكد مافيه مشخات او شي لا سمح الله
2- تاكد من دفتر الضمان بياناتك مكتوبة فيه .
3- تأكد من الاستبنه ومعداتها .
4- طفاية الحريق والاسعافات الاولية .
5- ايضاً تأكد من رقم الشاصي المكتوب بدفتر الضمان مافيه اخطاء يعني نفس الي بالسيارة .
6- لا تنسى تاخذ منهم خصم حق شركات الحماية .
. . .
بالنسبة للنقلة من 6 سلندر الى 4 عادي ما فيها اي مشكلة .
انا نقلت من لومينا كوبيه ss معدله الى اكورد 4 سلندر :d والان الحمدالله متعود عليها وخلتني اركد .
وطبعاً الـ 6 سلندر مافيها خرابان، انت اذا حافظت ع الموتر وسويت له الصيانه الدورية صدقني ماراح تواجه مشاكل ان شاء الله .
. . .
شوري لك خذ فل مخمل 4 سلندر بـ 100 الف وركب لها الاتي :
1- شاشه ستيل كول بـ 2000 ريال
2- زينون اصلي 4300 كلفن بـ 1200 ريال
3- حماية للوجهية بـ 2500 ريال
4- تظليل عازل بـ 1500 ريال
طبعاً الفل مخمل فيها كل مواصفات الفل جلد الا المراتب مخمل .
. . .
هذي نصيحتي لك بالتوفيق
رد مع اقتباس
مواقع النشر (المفضلة)