الموضوع: هااام بخصوص حرارة السيارة

المشاركة الأصلية كتبت بواسطة غريم الوقت

بسم الله الرحمن الرحيم

أخواني السلام عليكم ورحمة الله وبركاته وبعد :

أسعد الله صباحكم / مسائكم بالخير دوما

قبل أن أبدأ بذكر معاناتي مع محبوبتي الأكورد اتمنى منكم تقديم المساعدة بأي معلومة ممكنه

سيارتي هوندا أكورد 2004 فل كامل صار لها معاي حوالي 6 سنوات وشوي بفضل الله وحدة

لم أشتكي من ارتفاع حرارة السيارة نهائيا وقبل حوالي 4 أو 5 شهور وأنا بطريق المدينة إلا

وأشوف قدامي شكمان المهم حاولت اتفاداه ما قدرت وخش تحت السياره وقتها انا خفت يقلبني بس

الله ستر جنبت وشيكت عالسياره ما لقيت فيها شي وبعد شهرين تقريبا وأنا واقف في اشاره الا تجي عيني

على الحرارة وقتها قلبي وقف فكت الاشارة وجنبت عبيت ماء بعد ما بردت وعلى الصناعية طلعت المشكله من

مروحة الموية اللي مقابل السواق المهم حصلت واحد مستعمل تقريبا حق كامري ركبته وضبط المهم كل شي رجع

طبيعي الين قبل شهر وقفت في بنشر بشيك على هواء الكفارات الا واشوف دخان من الكبوت رجعت للسياره الا والحراره

عالآخر h طفيت السياره ورجعت لها ثاني يوم وديتها للورشه قال لي كل شي عندك سليم والسبب من غطاء

الراديتر غيره وجرب السياره وكل شي طبيعي رحت بأستلمها بعد اتصاله بثلاث ساعات لقيته فاك الكبوت سألته

قال لي رجعت وارتفعت الحراره والسبب من الراديتر فيه تهريب المهم رحت وشريت واحد جديد ركبه

وحط مويه اصلي رجعت له وقالي جربها

الرجاء التركيز في القادم

مسكت خط بدون مكيف لمن أوصل 120 تبدأ ترتفع شوي شوي وكل ما ازيد سرعه ترتفع أكثر ولمن

أهدي تنزل وقفت وشغلت المكيف ومشيت طلعت نفس السالفه رجعت للورشه وقلت له وش اللي صار

قالي بصراحه ما ادري كل شي سليم من مراوح وبلف وطرمبه وخراطيش راح وكلم واحد من الورش

اللي جنبه قال ما دام كل شي سليم ممكن احتمال بسيط يكون الراس او وجه الراس وكل هذا الوقت

والسياره شغاله وتهاوشت معاه ولمن اشيك عالحراره الاقيها طبيعيه .

المهم قفلت معاي ومشيت قلت بوقفها عند البيت واذا جاتني سيوله سويتها

تخيلوا مشيت من عنده والله جربت بمكيف وبدون مكيف مشيت عليها 220

طبقت طبلونها والحراره طبيعيه كأنها من الوكاله حمدت ربي مشيت عليها شهر إلى يوم السبت الماضي

وكل شي طبيعي فجأه توي مشغل السياره بس صخنت ومشيت الا والحراره h وإلى يومك هذا

أحيانا اشيك عالمويه تطلع تمام والف بالسياره ساعه ساعه ونص تكون طبيعه

واحيانا يا دوب امشي ترتفع .

وش الحل تكفون

ملاحظة : لمن اشغل السياره اخليها احيانا 20 دقيقه ومروحة الموية ما تلف ولمن اشغل المكيف

تلف كلها .
آسف على الإطاله بس غصب عني
أخوكم أبو ألين

اسباب ارتفاع الحراره سياره

1 مراوح تبريد
2 قطاء الرديتر
3 بلف الحراره
4 حساس المراوح
5 تهريب في رديتر
6 طرمبة الماء
7 تهريب داخل المكينه
انشالله مايكون تهريب داخل المكينه
اذ الحراره ترتفع عندك بعد ماتسخن سياره فهاذ من بلف الحراره مايفتح واذ ما فتح ماراح تشتغل المراوح تبريد البلف يفتح عشان يدخل مويه بارده في المكينه
شيك على البلف الحراره

اذا الراس مو مشعور اوتنسيم بلوجية حقة الراس بسبب ارتفاع الحرارة للأخر
السبب بلف الحرارة 100%100 لأنة احيانآ يقفل واحيانآ يشتغل وقد صارت مع اخوي وغير البلف
حتى لو انت مغيره جديد بيكون فيه خلل --- والله أعلــم

حبيبي صار لي نفس مشكلتك تقريبآ ...
وكل واحد قال لي سالفة من عندهـ .. ال ان طبيت في واحد محترم
وقال لي سعر الرديتر في الوكالة بـ 1800 رح خذه من أي موزع لقطع هوندا تايوان بـ 290 وتعال اركبه لك بـ 35 ريال
ورحت عنده , بعد ما شريت الرديتر وقال لي هذا من أفضل الرديترات الموجوده سعر وتحمل وكل شي
وركبته والحمد لله له معي تقريبآ 5 أشهر من أحسن ما يكون ورحت فيه وسافرت
جرب تغير رديتر وابدأ بأقل الخسائر


اما سالفة المراوح ما تشتغل الثنتين الا مع المكيف هذا شي طبيعي لا تحمل همه أبد

المشاركة الأصلية كتبت بواسطة أغـار يا هـوندا

حبيبي صار لي نفس مشكلتك تقريبآ ...
وكل واحد قال لي سالفة من عندهـ .. ال ان طبيت في واحد محترم
وقال لي سعر الرديتر في الوكالة بـ 1800 رح خذه من أي موزع لقطع هوندا تايوان بـ 290 وتعال اركبه لك بـ 35 ريال
ورحت عنده , بعد ما شريت الرديتر وقال لي هذا من أفضل الرديترات الموجوده سعر وتحمل وكل شي
وركبته والحمد لله له معي تقريبآ 5 أشهر من أحسن ما يكون ورحت فيه وسافرت
جرب تغير رديتر وابدأ بأقل الخسائر


اما سالفة المراوح ما تشتغل الثنتين الا مع المكيف هذا شي طبيعي لا تحمل همه أبد

رجل يقولك بدل رديتر

اذا السياره واقفه 20 دقيقه والمروحه ماتلف
افحص موية اللديتر لانها اذا ناقصه راح ترتفع الحراره وماراح يقرا حساس تشغيل المراوح الحراره لانه مافي موية تلمس الحساس

الا اذا دعست بنزين فوق 3.5 ضغط ار بي ام

او حساس تشغبل المراوح متعطل او فيه مشكله
وافحص قربه الموية اللي جنب الديتر ممكن اللي الذي يسحب الموية طايح داخل القربه وحصلت معي وارتفعت الحراره لانه مايسحب موية للديتر


شوف بدال الحراره ارتفعت للفل احتياطا
شيك على اللديتر وتاكد مافي تهريب او اي مشكله
وغير بلف الحراره الظاهر سعره 150 او 250 ريال مهو غالي
وغير حساس تشغيل المراوح وتاكد من الموية كامله ومافي تهريب وسعر الحساس ايضا ماهو غالي تحت 200 ريال

واتمني ان الراس سليم وماجاه شي
واكشف عليه بانك تشغل السياره وخلها شوي وافتح غطا الرديتر وشوف هل يظهر فقاعات من فتحه غطا الرديتر اذا فيه فقعات وماكان فيه نقص للموية فمعناه الراس يدخل هوا ولازم خرط او مسح راس
واذا لا مافي فقعات معناه الراس سليم وهذا مااتمناه

وان شاء الله تنحل المشكله

أول شي السلام عليكم ورحمة الله وبركاته

مشكورين حبايبي جميعا لآرائكم التي استفدت منها كثير

تم ولله الحمد علاج المشكلة والتي راح اذكرها في المشاركة

الجاية لأن واحد منكم توقعها وكان متأكد تسلمووووون

المشاركة الأصلية كتبت بواسطة ابوهاشم الشريف

اذا الراس مو مشعور اوتنسيم بلوجية حقة الراس بسبب ارتفاع الحرارة للأخر
السبب بلف الحرارة 1000 لأنة احيانآ يقفل واحيانآ يشتغل وقد صارت مع اخوي وغير البلف
حتى لو انت مغيره جديد بيكون فيه خلل --- والله أعلــم

المشكلة طلعت من بلف الحرارة أخذته أصلي بـ 150 ريال وأخذت ماء أصلي بـ 50 ريال

وركبته وكلفني شغل يد 50 ريال

لي يومين ولله الحمد والحراره زي ماهي وفي عز الظهر

اخوي والله اعلم عندك راس مكينة اذا ترتفع الحرارة معى زيادة السرعة
والسبب انها الحرارة وصلت عندك للـh
اسحب معيار الزيت ولاحظ هل لونه فاتح زي الحليب
وحتى لوماكان فيه شي يمكن يكون مشكلة داخل المكينة
موملاحظ انة الصوت وقت التشغيل متغير

المشاركة الأصلية كتبت بواسطة S c O r P i O n

اخوي والله اعلم عندك راس مكينة اذا ترتفع الحرارة معى زيادة السرعة
والسبب انها الحرارة وصلت عندك للـh
اسحب معيار الزيت ولاحظ هل لونه فاتح زي الحليب
وحتى لوماكان فيه شي يمكن يكون مشكلة داخل المكينة
موملاحظ انة الصوت وقت التشغيل متغير

صباح الليل عرفنا المشكلة وحليناها والسياره لها يومين ماشاٱء الله

الظاهر انك مو مركز حبيبي السالفه كلها طلعت في بلف الحراره

شاكر لك اهتمامك

اكثر سبب للحرارة الاكورد دينمو امراوح اما بطي الدوران او لايدور بتاتا البته :d

الرجل عرف مشكلة الحرارة ... وإن شاء الله إنها توقف المشكلة عند ( بلف الحرارة )

ورأس المكينه ما فيه شيء بإذن الله تعالى

موفق

اسمحلي انا شفت اول الردود ورديت والحمدللة انها مومكينة

السلام عليكم
كيفكم يافالين شباب للأسف السياره سلكت اسبوع ورجعت الحراره مره تطلع ومره تنزل

اليوم الظهر السياره فيها تفتفه وتقطيع قوي بدون ارتفاع الحراره طبعا المكيف شغال

رحت ورشه حصل اثنين من البواجي مغروقه مويه وقال لي احتمال الراس واحتمال

السلمدر وبكذا راح تكلفني فوق 3500 ريال

ياليت تفيدوني بكم العاده شغل اليد والمخرطه كم تاخذ وهل ترجع السياره مثل اول

تكفون اللي يعرف ورشه كويسه في جده يدلني وابغى اعرف متى يروح السلندر لاني خايف

منه

في ورشه ثانيه يقول لي فك الراس 800 ريال من غير المخرطه انقذوني

المشاركة الأصلية كتبت بواسطة غريم الوقت

السلام عليكم
كيفكم يافالين شباب للأسف السياره سلكت اسبوع ورجعت الحراره مره تطلع ومره تنزل

اليوم الظهر السياره فيها تفتفه وتقطيع قوي بدون ارتفاع الحراره طبعا المكيف شغال

رحت ورشه حصل اثنين من البواجي مغروقه مويه وقال لي احتمال الراس واحتمال

السلمدر وبكذا راح تكلفني فوق 3500 ريال

ياليت تفيدوني بكم العاده شغل اليد والمخرطه كم تاخذ وهل ترجع السياره مثل اول

تكفون اللي يعرف ورشه كويسه في جده يدلني وابغى اعرف متى يروح السلندر لاني خايف

منه

في ورشه ثانيه يقول لي فك الراس 800 ريال من غير المخرطه انقذوني

خذلك مكينه من تشليح 4000 ريال ياكثره المكاين في تشاليح
انا عندي قناعه توضيب ماينفع الا لسيارت المريكيه
ماعمري شفت سياره يابنيه وضبه راعيه وستمرت مع
اشتر راحت بالك وخذلك مكينه من تشليح
توضيب مانفع مع الندكروزر والا التيمه والا الكامري والا سفك والا النتره
بس نفع مع الفرد ومع الكابرس ومع الجمس ومع البليزر

شباب لو راح اسوي الرأس اذا طلعت المشكله منه راح يكلفني شغل يد مع مخرطه مع قطع

تقريبا 3500 ريال ولمن لفيت في التشاليح بصراحه حصلت مكاين واجد بس في وحده نفس الموديل

وشكلها نظيف واعطاني ضمان شهر كامل وسعرها مره حلو 3500 ريال ويقول لي ماشيه تقريبا من 120 الى 130 الف

بصراحة اغرتني قلت آخذ رايكم اول وش السواه اصلح اللي عندي والا اشتريها

وانا في راسي لو اشتريتها ما اعطيه اللي عندي رجيع اخليها احتياط لأي طاري

علما اني خلال شهرين راح آخذ لي موتر جديد بس بخلي الاكورد لأخوي

بنتظر ردكم وما راح اسوي شي الين السبت تكفون اللي يدش الموضوع

يكتب له كلمتين النفسيه رايحه فيها.
بنتظر ردكم وما راح اسوي شي الين السبت تكفون اللي يدش الموضوع

يكتب له كلمتين النفسيه رايحه فيها.

ولا تروح النفسية فيها ولا حاجة ... قل الحمد لله إنها جت على كذا

وبالنسبة للي حصلت عنده مكينه بـ 3500 ريال صراحة سعرها مناسب حتى بالرجيع <<< المكينة القديمة

وإذا قدرت تحتفظ بالمكينه اللي عندك تكون إحتياط يكون أفضل

لأن مكائن الأكورد أغلى من مكائن السيارات الأخـــرى .

بس هل قال لك السعر شامل التركيب أو لا ؟؟ .... وحاول إنك تكاسره أخذ وعطاء حتى توصل لسعر أقل .

بس لا تنسى تفحصها وتشوف ما تكون موظبة من قبل ... والله يوفقنا وإيــــــاك

المشاركة الأصلية كتبت بواسطة nasser1430

ولا تروح النفسية فيها ولا حاجة ... قل الحمد لله إنها جت على كذا

وبالنسبة للي حصلت عنده مكينه بـ 3500 ريال صراحة سعرها مناسب حتى بالرجيع <<< المكينة القديمة

وإذا قدرت تحتفظ بالمكينه اللي عندك تكون إحتياط يكون أفضل

لأن مكائن الأكورد أغلى من مكائن السيارات الأخـــرى .

بس هل قال لك السعر شامل التركيب أو لا ؟؟ .... وحاول إنك تكاسره أخذ وعطاء حتى توصل لسعر أقل .

بس لا تنسى تفحصها وتشوف ما تكون موظبة من قبل ... والله يوفقنا وإيــــــاك

السعر هذا بدون تركيب يعني انت رايك آخذ المكينه والا افك اللي عندي واشوف

وش المشكله ممكن تكون بسيطة والا وش رايك

الله يكتب اللي فيه الخير

اخواني بعد لف ومطامر على الورش من الصباح حصلت لي ورشه وفيها

فلبيني واتفقت معاه يفك الراس واذا طلعت المشكله منه يوديه للمخرطه

ويرجع يطبق المكينه طبعا مع تركيب القطع الجديده وسعره حلو بس

ابي رايكم

التكلفه 900 ريال شغل يد مع المخرطه والقطع علي وش رايكم مع العلم

اني اول ورشه قالي 1500 شغل يد و 1500 مخرطه والقطع علي انا

وش رايكم اتوكل على الله والا الف كمان على الورش بصراحة ابي

اخلص من القرف هذا

اذا بتشتري مكينة تأكد انها راكبة على سيارة وخذلك مكينة معى البدل
ترى مكينتك يجفوتها اي كلام ويبيعوها فأنتبة تاخذ مكينة موراكبة على سياره حتى لوقالك جديدة

السلام عليكم

أخوي انت عارف وش المشكلة عندك المشكلة كانت من الرديتر انت لما غيرت جديد لسى ماأخد وضعة الطبيعي وفك كل مجارية لجل كدا كانت الحرارة تطلع وتنزل عندك وانت لو كنت سبتها أكثر من ساعة شغالة بعد التركيب راح تكون أموور ك تمام إن شاء الله وماقدامك الا العافية

يعطيكم العافيه بكرا من بدري راح يبدأ يفك الراس وراح اخبركم

وش بيصير معي دعواتكم

تحياتي لك من اعطاني رأيه يعلم الله كانت مصدر قوه لي لإتخاذ

القرار