:: هل تنفع الأكورد في البر ؟ ::

**عضو** · 26-10-2007, 02:07 PM

السلام عليكم ورحمة الله وبركاته
أحبتي ..
ودي أعرف كيف أداء الأكورد في البر والطعوس ؟
هل تمشي الحال ولا تغرز وتفشلنا قدام الناس ؟

واللي له تجربة يدش عندنا هني ويعمنا إياها ... :d

شكرا لكم

**الهادف** · 26-10-2007, 02:40 PM

ليست مصممة للسير في الأماكن الوعرة .. واحتمالية التعريز كبيرة جداً .. خل الأكورد للشوارع وابتعد عن البر ..

**عضو** · 27-10-2007, 12:14 PM

المشاركة الأصلية كتبت بواسطة الهادف

ليست مصممة للسير في الأماكن الوعرة .. واحتمالية التعريز كبيرة جداً .. خل الأكورد للشوارع وابتعد عن البر ..

حطمتني :( ... أنا ما قلت أبي أدخل طعوس وأجيب العيد .. أنا قصدي مثلاً أخوياي كاشين وودي أروح لهم .. ,اخاف تفشلني ..
لأنهم يقولون إن الكامري أفضل من الأكورد في البر لأنها خفيفة ..

أشكر لك مرورك العطر

**الجارح** · 26-10-2007, 03:15 PM

هلا ، اخووي ، شوف ، النفود ، القويه ، اكيد تبي تغرز ، بس النفود ، الى على خفيف ، راح ، تمشي بس شوي ، شد عزم ، شوي وراح ، تمشي معك ،

**ل م س 3 3 4** · 26-10-2007, 03:24 PM

انا لي تجربه،،،طال عمرك ايام ماكان الجو زين قلت ياولد مالي الا الثمامه ،،وبالفعل رحت للثمامه ونسمت الكفرات وطعست وفليت امها ،،،طبعا زودتها شوي وكانت النتيجه

^ ^ ^

ملاحظة : حاول اخوي تحمل الصورة على صيغة Jpg وليس Bmp
تحياتي : الهادف

**o-k-r** · 26-10-2007, 11:50 PM

والله اخوي
بيني وبينك
راح تفشلك

لأنه اخوي عندة اكورد 2006 يليت اني ماسقتها للبر لأني ابي اروح محطة البانزين مشكلتها
عند التراب تفصل الدعسة وتوقف

**The Godfather** · 27-10-2007, 01:13 AM

تغرز في احتمال كبير جدا
على حسب مهارتك

و اسأل بي يونيك عن راعي الدينالي ;)

**B Unique** · 27-10-2007, 02:14 AM

**اكوردي 2004** · 27-10-2007, 04:41 AM

المشاركة الأصلية كتبت بواسطة B Unique

بلاش فضايح ياعم:p

**أبو عــزوز ..** · 27-10-2007, 12:35 PM

المشاركة الأصلية كتبت بواسطة BLACK_ACCORD

و اسأل بي يونيك عن راعي الدينالي ;)

وأنت مين قالك ;)

**فهد الشمري** · 27-10-2007, 05:17 AM

<<<يقول ماخلى طعس في المطار الدمام الا طمره بس مهو تطعس بخبال يعني يكون الجو ممطر وتنزل هواها 15 وعليك بدي 2 او 3 وسياسه محنكه وهي للمعلوميه افضل من الكامري بالطعوس
بس وش حدك على الطعوس ناوي تغير مسعدات جديده ؟؟
ولا ودك تربط السياره ؟

**Accord V6** · 27-10-2007, 05:56 AM

ياشباب انا مره على خط الشرقية راجع للرياض وقفت مع الاهل عند جنب نبي نصلي والارض فيها رمل خفيف مره السيارة فصلت وعيت تمشي والسيارة اكورد 6 سلندر 2004

احاول فيها من هنا من هنا مافي فائدة لما جاء واحد معه شاص وسحب لي السيارة لأن اكون حاط على الدي والسيارة معشه بس ما تمشي وحتى الكفرات ما تدور بس مدري اذا الاربعة سلندر نفس الشي او لا

هذي تجربتي على رمل خفيف جداً

**HONDA_Accord** · 27-10-2007, 06:48 AM

بالنسبة لي هات لي اكورد قير اوتو وراح امصخر لك التيوتا الربع عند اكبر طعس

وهاذي صورة للاكورد الي كانت معاي فوق طعس هافمون
ل م س لاحظ الصدام موجود لاني ماجيت مسرع وصدمت الطعس كاني راكب سيارة تصادم
جيته بشويش وخليت السيارة تاخذه بالجنب

وفي مقطع وانا اطعس في هافمون مع ايسوزو ديماكس ديزل تيربو وجيب ربع 94 راح ادوره لكم واجيبه وهاذي بعض النصائح للي بيطعسون
اهم شي تنسم الكفرات الى اخر حد خل الهوى فيها 5 بس واتكلم عن الكفرات الامامية والخلفية مو الامامية بس وتعال للطعس مهدي مو طاير مثل بعض الناس
< يطالع في لمس

وخل القير في الدي ون واذا حسيت انك بتغرز ادعس كل الدعسه خل السيارة تقطع ولاتحسب انك بتغرز بالعكس بتلقااها تشيل نفسها وتمشي واذا تعدل الطريق حطها بالدي تو وخلها كذا ولاتدعس والسياره واقفه علشان ماتغرز اذا وقفت وتبي تمشي مرة ثانية ادعس البنزين بشووويش وحبه حبه الين تمشي
المهم راح انزل لكم المقاطع في اليوتيوب لانها كبيرة حيل واخليكم تتفرجون عليها

اتمنى افدتكم

**ل م س 3 3 4** · 28-10-2007, 01:24 AM

المشاركة الأصلية كتبت بواسطة HONDA_Accord

ل م س لاحظ الصدام موجود لاني ماجيت مسرع وصدمت الطعس كاني راكب سيارة تصادم
جيته بشويش وخليت السيارة تاخذه بالجنب

كلامك صحيح ،،،،تطلع الطعس بشويش لاكن انا انفلت علي الصدام وانا ارجع ريوس

**HONDA_Accord** · 27-10-2007, 06:50 AM

وهذا اول مقطع نزلته وكان الهدف اني اوصل للجيب الي في البيبي شبه جزيرة وتمت العملية بنجاح وبعدين قررت اجربها بالطين
والمقطع الثاني بدوره لكم
استمتعو بالمشاهدة

YouTube - ط§ظƒظˆط±ط¯ ط®ط§طµ ط¨ظ…ظ†طھط¯ظ‰ ظ‡ظˆظ†ط¯ط§ ط§ط±ظٹط¨ظٹط§ www.hondaarabia.com

**عضو** · 27-10-2007, 12:59 PM

الجارح
أشكرك على مرورك العطر ..

ــــــــــــــــــــــــــــــــــــ

ل م س 433

الله يعوضك خير يالغالي ..
طيب تمشي عادي ؟ تتحمل مثل التراب المرتفع .. والنفوذ الخفيفة ..

أشكرك على مرورك العطر

ــــــــــــــــــــــــــــــــــــ
o-k-r
أشكرك على مرورك ..
لكن شكلك رحت لطعس جامد شوي ..

ــــــــــــــــــــــــــــــــــــ
BLACK_ACCORD
B Unique
اكوردي 2004
أشكركم على مروركم والظاهر إن واحد منكم جاب العيد

**HONDA_Accord** · 27-10-2007, 06:11 PM

عضو شوف ردودنا انا وفهد ردود 9 11 و 12 وبتلقى الجواب على سؤالك

**يامطنش** · 28-10-2007, 03:24 AM

شوف الدفع الامامي يمشي في الطعوس احسن من الخلفي بس على حسب خبرتك

**B Useful** · 28-10-2007, 05:40 AM

انا مجرب بأكوردتي 2006 ..

منطقة رملية السيارات تغرز فيها ... لكن مشيت على ( السمبل رولز )

نسم كفراتك ..
حط السيارة على d2 او d1
خذ عزم
امش مع المكان اللي فية ثار ناس مشو قبلك ... ((لا تفكر معك جيب ربع عشان تختار طريقك بنفسك ))
خليك على دعسة وحدة وهذا الاهم ..
وفية اشياء اخرى تسويها لما تضطر لها ..
لا تستخدم الفرامل ابد حتى اذا وصلت للمكان اللي تبية ..
اذا بديت تحس انك راح تغرز ... لاتستخدم الفرامل ... واذا ايقنت انك راح تغرز خلاص فك الدعسة .. وحطها بالريوس وارجع شوي شوي ..

انتظر حتى يجونك القصمان يفيدونك اكثر ..

الاكورد ,,, مصممة للبر .. للبحر .. للأي شي ..

**أبو عــزوز ..** · 28-10-2007, 01:08 PM

المشاركة الأصلية كتبت بواسطة عضو

B Unique
اكوردي 2004
أشكركم على مروركم والظاهر إن واحد منكم جاب العيد

مرينا بتجربه أليمه جداً على أكورد V6 :(

المشاركة الأصلية كتبت بواسطة كوكو كورد

انتظر حتى يجونك القصمان يفيدونك اكثر ..

هل من خدمة

**دحوم** · 28-10-2007, 08:02 AM

البر مستحيل الاكورد مصممة للطرق المسفلته .

**HONDA_Accord** · 28-10-2007, 08:34 AM

ل م س انا صارت لي بس بعدين تعلمت وصرت ما ارجع ريوس ابدا

اخوي كوكو اكورد انا امسك بريك واهدي وادعس عادي مافي اي اشكال انت لاعرفت للسياره خلاص وبعدين لاتمشي باثار ناس قبلك علشان مايتعلق بطن السيارة لان اغلب الي كانو قبلك جيوب وكفراتهم داخلة بالتراب وتجي انت سيارتك نازلة اكيد بيطب بطنها مثل مايقولون وتجلس الكفرات تفر بالهوى
دحوم بعد كل الي جبنالك مقاطع وصور تقول مستحيل ؟

**B Useful** · 28-10-2007, 09:53 AM

البر مستحيل الاكورد مصممة للطرق المسفلته .

اقولك انا طلعت وتمشيت وغرزت وطلعتها ... وبالشرقية قبل سنة نفس الكلام غرزت وطلعتها ... بعد مشورة وتمشية وفلللة ... وانت تقول مستحيل .... تراة رمل ...

وبعدين لاتمشي باثار ناس قبلك علشان مايتعلق بطن السيارة لان اغلب الي كانو قبلك جيوب وكفراتهم داخلة بالتراب وتجي انت سيارتك نازلة اكيد بيطب بطنها مثل مايقولون وتجلس الكفرات تفر بالهوى

عاد الواحد يصير دلخ ما يصير غبي :d ..

انا امشي على اثار السيارات اللي قبل ... لكن عندي عينين اشوف ... اذا شفت الآثار مرة نازلة ... اخلي كفر في الوسط وكفر على الطرف الاخر ... يعني الاثار حقا السيارة اللي قبل وحدة منها تصير تحت السيارة ... وتمشي تمام ...

**B Useful** · 28-10-2007, 01:13 PM

هل من خدمة

ما تعرف تقرا الموضوع الموضوع من اولة لآخرة وتعرف السالفة... بعدين مافية قصيمي الا انت ..؟؟
خخخخخخ :d

**عضو** · 28-10-2007, 01:34 PM

فهد الشمري

حياك الله
وأشكرك على مرورك ..
وما أدراك أنها أفضل من الكامري ؟!
الكامري أخف من الأكورد ؟ ولا ؟!

ويا عمي أنا ماودي أطعس عبث .. قصدي إذا دخلت مع أخوياي مثلاً ماودي أجيب العيد

ــــــــــــــــــــــــــــــــــــــــــــــــــ ــــــ
Accord V6
أشكرك على مرورك وأظن أن السبب خفة الرمل وكثافته ؟ ولا أنا غلطان ..

ــــــــــــــــــــــــــــــــــــــــــــــــــ ـــ
honda - accord
أشكر لك مرورك ومشاكرتك اللطيفة ..
ويبدو لي إنك تحب التطعيس .. شوي شوي عالسيارة

وليتك حذفت الصوت حق الأغاني .. :(
وتراي شفت الردود وأفدتوني .
ــــــــــــــــــــــــــــــــــــــــــــــــــ ــ
يا مطنش
أشكرك على مشاركتك الطيبة ..
ــــــــــــــــــــــــــــــــــــــــــــــــــ
كوكو كورد
أشكرك على مرورك العطر ..
وترجم لي ( السمبل رولز ) تراني بدوي :o
أشكرك مرة أخرى