الموضوع: الحذفه و ما ادراك مالحذفه

2012 ووكالة فيها حذفة ورجة بالطاره وطابت النفس منها وبعناها من مبدأ أن أبسط حقوقنا نتمتع بسياره خاليه من العيوب .. وتكررت معنا مره أخرى نفس المشكلة حذفه ورجة وبرضو أكورد 2012 ووكالة بعد !! بس هالمرة غير شوي السيارة فيها خدوش بسيطة قبل أستلامها بتقولون ليش ماشيكت عليها قبل الأستلام بقولكم العامل بالشركة كان يسوي لها تظليل والخدوش البسيطة ما كانت واضحة بسبب رشاش الماء حق التضليل .. بالرغم من انهم يغسلونها قبل تسليم أي عميل يستلم سيارته هي بالنهاية خدوش بسيطة بس مفترض تسليم العميل سياره سليمة من أية أثر .. مشيتها وكان أكبر همي استلم سيارة جديدة مافيها حذفه ورجة ونفس مشاكل السيارة السابقة ( حذفه لليسار ورجة بالطاره وتنسيم من باب السائق وأصوات بالشنطة الخلفية ) وتكررت نفس المعاناة اللي خلتني أبيع سيارتي الأولى .. لا حياة لمن تنادي .. العميل يلاقيها من شركة التأجير ولا من الوكالة وتعامل موظفيها السيئ .. بتقولون ودها للوكالة لانها مختصة بالسيارة بقولكم السيارة السابقة وديتها وسوو لها مركز ميشلان التابع للوكالة ترصيص وتبديل كفرات بالعكس وما أنحلت المشكلة .. ورحنا الوكالة وسوو لها ترصيص ووزن أذرعه وخفت الحذفه نسبيا ورجعت تحذف بعد أقل من أسبوعين من جهة اليمين بعد ماكانت تحذف يسار !! مع العلم أنني حريص من اي مطب وحفر .. وأزيدكم من الشعر بيت القزازة الأمامية أنشعًرت من حالها أثناء سفري عليها ومن دون أي أثر لتعرضها للكسر أو الضرب يعني مافي أحد لمسها نهائيا !! سؤال وأتمنى الآقي أجابة صريحة تتوقعون الوكالة ضاربه لنا حساب ولا أهمية كعملآء ؟! أعتقد الأجابه واضحة من خدماتهم الجبارة وتعاملهم الراقي لنا كعملأء .. وكان الله في العون .. لكم أن تتخيلوا سيارتي جديده ماشية 11000 كيلو حاليًا وما غيرت الزيت لا 5000 كيلو ولا 10000 ومشيت الآن 9000 كيلو يعني طوفت على تغيير الزيت 4000 كيلو واعترف بخطئي بالرغم من ان أخوكم من النوع الحريص على سيارته ومحافظ عليها بس للأسف كرهتها والسبب شركة اليسر للتأجير وسياراتهم المليئه بالعيوب وأكبر دليل على أهتمامهم فينا كعملآء يشترون من الوكيل السيارات الجديدة اللي فيها خدوش بسيطة ويبيعونها علينا على أساس إنها جديدة والهدف يطيح لهم مبلغ بالسيارة بعد هذا كله تتوقعون لنا أي أهمية عند الوكيل الجشع والمحتال الكبير !!!!!!!!!!! لأحياة لمن تنادي .. احترامي وتقديري للعملآء المغلوب على أمرهم ..