الموضوع: شباب بخصوص فلتر المكيف والتكييف

المشاركة الأصلية كتبت بواسطة تألمت بس تعلمت

سلام عليكم

ياشباب اليوم شريت فلتر مكيف بس يوم ركبته واتفاجأ بالفاتورة مكتوب فلتر مكيف 03-07

هل الموديلات السابقة نفس فلتر الأكورد 2009 ولالا ؟؟


الشيء االثاني التكييف عندي مهوب بنفس برودته السابقه حتى مع تغيير الفلتر ..
قبل الطقتين او الثلاث ابرد وافضل من اني احطه على اخر التكييف :(
وانا يمكن على هالحال 4 شهور او اكثر
هل تعبئة الفريون شيء ضروري ولا مايحتاج ؟

لاني ماعبيت الفريون ابد

ممكن يكون الفلتر حق 03-07 اعرض واسمك من 08-12 لذالك يقلل من دخول الهواء أو

أقرا هذه المواضيع المستقاة من عدة مواقع عسى الله ان ينفع بها

http://www.hondaarabia.com/club/t21108/

http://www.arab-eng.org/vb/showthread.php/167849
http://www.toyota4arab.com/forum/t133370.html


بالتوفيق

لا ياخوي حتى قبل اغير الفلتر وهو كذا مادري وش علته والفلتر اشوفه راكب 100% بس يالله ركب

وشكرا على المواضيع راح اقراها واشوف المشكله وين يعطيك العافية اخوي

للرفع

ياشباب افيدوني الله لايهينكم هل الفلتر موديل 2007 ينفع لـ 2009 ؟؟؟؟

والفريون لازم يتعبى كل فتره ولالا؟

المكيف الحين احسن من اول يمكن بسبب الفلتر لكن الى الحين ماهو عاجبني :(

الجو لهيب الحينشيئ طبيعي
ضلل وكاله وراح يبرد السيارة بسرعه

ياخوي انا اركب التيما ولد خالتي بعز الظهر اموووت من الجمده ماشاء الله

وكلنا مظللين 01 بس هو عازل حراري وانا عازل ابو كلب من ابو يمن

اول شي بالنسبه للفلتر مآيختلف انا اليوم اشتريت الفلتر من محل قطع غيار وقلي الموظف مايختلف مع انو في الفاتوره مكتوب03-07 ....انت اول شي تسويه تشيل الفلتر وتشوف دفع الهوا إذآ كان الدفع ممتاز والبروده حلوه يعني وضعك اوكي ..وطبيعي إذآ ركبت الفلتر يخف دفع الهوا ..شوف ايش يسير معك واعطيني خبر ..خبير مكيفات بعد ماجنني المكيف في الظهر مشغل مكيف ومعرق رآكب ددسن ههههههههههههههههههههههههه.والحمدلله الوضع الحين تمام التمام

دفع الهواء ماهو ضعيف بس مهوب زي اول ابد

والبروده مهيب مثل اول بعد في الحالتين

بس ماحد جاوبني عن نقطة تعبئة الفريون هل السياره ينقص فريونها مع الوقت ولا لا ؟ يمكن منه

السياره ماينقص فريونها الا اذا كان عندك مشكله يعني (تنسيم)أمأ اذا مافيه تنسيم مايحتاج تعبي فريون..

بارك الله فيك

احيانا احس بهواء بارد وفجأه يمكن ثانيتين الى 5 ثواني يطلع هواء عادي بدون بروده هذا وش سببه ؟

والشكر لك تعبتك معي

^^

هذا الكمبرسير يفصل ويشتغل لازم كذا زي مكيف البيت الفريون يفصل ويشتغل

اذا المكيف عندك لمس (( الكتروني )) خلي المكيف على حرارة 19 يمين و 19 يسار و اضغط اوتو ( auto ) وخلي التبريد اوتوماتيكي يعني المكيف هو يقيس الحرارة داخل السيارة ويتحكم بقوة دفع الهواء داخل المركبة يرفع وينقص من نفسه حسب ما تحتاج المركبة وتكون حرارتها الداخلية 19 مثلا واول ما يشتغل المكيف يكون قوي ويبدا ينخفض تدريجي انت خليه على اوتو ونظف الفلتر حق المكيف باستمرار يعني كل 3000- 5000 الف كيلو نظفه بالهواء وكذالك نظف فلتر الهواء عند كل تغيرة زيت

19 ليش بالذات ؟؟ لانه يبقى السيارة باردة وما يتعب الكمبيرسير كل شوي مشتغل ويطفي مثل lo اعتقد انها تأثر على الكمبيرسير

تركيب عازل حراري اصلي من شركة محترمة على الاقل 01 للسيارة يساهم في خفض حرارة السيارة الداخلية بسرعه اثناء تشغيل المكيف ومجربة
حاول دائما توقف في مكان مظلل واضغط زر ( السهم الدائري الي في وسط السيارة عشان ما يدخل هواء بريحة داخل المركبة ) + افتح النوافذ اذا كانت داخل السيارة حارة عشان يتجدد الهواء ويطلع الهواء الساخن داخل السيارة .

+ اشتر شماسة بـ 10 ريال وحطها في مقدمة السيارة عند التوقف فهي تخفف الحرارة جوا السيارة وخصوصا على الطارة والمقاعد

هههههههههههههههههه ياشيخ لبى قلبك والله انك ملك


ردك هذا يكفي يعني الحين وضحت لي كل شيء وفعلا العازل الحرامي مركبه انا من ابو يمن

سيارتي للأسف نص فل

وموتري دايم بالشمس لاني ساكن بشقه والظلال مخالفنا ولا اقدر افتح الدريشة علشان لاتسرق اغراض السياره

والشماسه راح اشتري بإذن الله واجرب بالعازل لعله يفيد

شكرا لك هوندانا

المشاركة الأصلية كتبت بواسطة تألمت بس تعلمت

هههههههههههههههههه ياشيخ لبى قلبك والله انك ملك


ردك هذا يكفي يعني الحين وضحت لي كل شيء وفعلا العازل الحرامي مركبه انا من ابو يمن

سيارتي للأسف نص فل

وموتري دايم بالشمس لاني ساكن بشقه والظلال مخالفنا ولا اقدر افتح الدريشة علشان لاتسرق اغراض السياره

والشماسه راح اشتري بإذن الله واجرب بالعازل لعله يفيد

شكرا لك هوندانا

عفوا ما سوينا الا الواجب

اقصد اول ما تشغل السيارة وتمشي بالشارع مثلا على سرعة 20 خل المكيف يشتغل قبل لا تحرك واول ما تحرك افتح النوافذ كلها لمدة 10 - 20 ثانية كذا الهواء الحار يطلع بسرعه والهواء البارد يحل محله

التظليل العازل الاصلي من عند الشركات الي عليها الكلام حتى هناك انواع جرب حق 3m الاصلي عندهم يجي الامامي 00 والباقي 01 اسود مو البني ،، والتظليل حقهم ما يبان انه مظلل لكن يعزل الحرارة
كيف يعزل الحرارة ؟؟؟

هو ما يمنع الحرارة من الدخول هو فائدته ان السيارة تبرد بسرعه واذا بردت السيارة ما يخلي الحرارة تدخل مرة اخرى بسهولة وقت ما السيارة تكون بارده من جوا وكذالك يقلل من خروج البرودة من داخل المركبة ويقلل قليلا من سطوع الشمس والاشعة تحت الحمراء الضارة فيه ناس تحسب العازل خلاص يعني لما تلمس القزاز من جوا لازم القزاز يصير بارد حتى بعز الصيف ؟؟ هذا خطا

وكذالك تقدر تركب ستارة خلفية وجانبية تعزل الحرارة وتقلل من سطوع الشمس تقدر تحطها مع التظليل وكذا الحرارة بح ( الستارة اعتقد فيه واحد عضو بالمنتدى يبيعها حقت الاكورد) استخدم خاصية البحث في المنتدى اذا ودك بها


اعرف شخص يحط سجادة على الديكور الامامي والطارة لما تكون سيارته واقفة بالشمس عشان ما تكون حارة لما يرجع لها

02 ممتاز مره لكن المرور احيانا يستقعد لك وشركة التظليل يضمنون لك 01 جانبي وخلفي و 00 امامي يضمنونه من ان المرور اذا فكه يركبون لك بديل عنه مجانا
والمخالفة حسب بس بالغالب العميل يسددها

هوندآنآ =(ذيب)

انا فكيت الفلتر والحمدالله ابرد من اول
ومركب عازل على الطبلون تحت الموكييت
وافضل بكثييير من اول

لبى قلوبكم كلكم وخصوصا هوندانا وان شاء الله اركب عازل من ثري ام

واليوم كنت موقف السياره بظلال ومنسم الدرايش وماسك خط الظهريه والله بارد على طقه وحده ماشاء الله

الشمس عندنا ماينفع معها مكيف لاني كنت اوقف سيارتي بشمس ولا انسم الدرايش لاني في شارع عام وصعب انسم الدرايش

المشاركة الأصلية كتبت بواسطة تألمت بس تعلمت

لبى قلوبكم كلكم وخصوصا هوندانا وان شاء الله اركب عازل من ثري ام

واليوم كنت موقف السياره بظلال ومنسم الدرايش وماسك خط الظهريه والله بارد على طقه وحده ماشاء الله

الشمس عندنا ماينفع معها مكيف لاني كنت اوقف سيارتي بشمس ولا انسم الدرايش لاني في شارع عام وصعب انسم الدرايش

بالتوفيق يالغالي لاتنسى تخلي المكيف auto ودرجة التبريد يمين ويسار تكون على 19 واذا بالحر مره خلها 18 واضغط زر sync و زر السهم الدائري لسحب الهواء داخل المقصورة لانها يسحب الهواء البارد في السيارة ويبرده من جديد وكذا تبرد المقصورة الداخلية بسرعه

درجة البرودة لا تنزل عن 18 باردىء الاوضاع ( 19 ) زينه لان 16 او lo مع الزمن تأثر على الكمبيسور وتجهده وتجهد السيارة ونظف فلتر الهواء بستمرار وكذالك فلتر الهواء حق المكينة نظفه بالهواء كل 3000 - 5000 كيلو للمحافظة عليه وكل ما تغير زيت نظفه بالهواء

موفق يالغالي

انا سبيشل ياغالي الحين صرت اطقه تقريبا طقتين وتمام لاني اوقفها بظلال اما درجة التبريد يكون الفرار على اخر شيء

وماعمري شفت السهم الدائري طافي دايم مولعه لان لاطفيته تجيك الريحه من برا والغبار

امين ويوفقنا وياك وكل مسلم

المشاركة الأصلية كتبت بواسطة تألمت بس تعلمت

انا سبيشل ياغالي الحين صرت اطقه تقريبا طقتين وتمام لاني اوقفها بظلال اما درجة التبريد يكون الفرار على اخر شيء

وماعمري شفت السهم الدائري طافي دايم مولعه لان لاطفيته تجيك الريحه من برا والغبار

امين ويوفقنا وياك وكل مسلم

الفرار لو تنقص منه شوي تخليه في منتصف البارد افضل للسيارة على المدى البعيد لانه يساوي في الألكتروني 19-20

معلومه جديده يعطيك العافية

في الليل اخليه على النص لانه برد

بس النهار صعبه :d

^^ الي اقصده

تخلي الفرار في وسط البارد مو الوسط بين البارد والحار

الفريون اذا بتغيره غيره في الوكالة او بمكان معروف بصيانة هوندا فريون اصلي وتأكد من ضغط الفريون ومسارات الهواء تكون نظيفة