السلام عليكم..
كل عام وإنتم بخير قبل الزحمه والله يكتبنا ومن نحب من الفائزين بهذا الشهر الفضيل واللهم إنك عفو تحب العفو فاعفو عنا..
أخوكم عضو جديد بالمنتدى ومالك جديد للأكورد.. وأهنئكم بصراحه على التعاون وأنا متأكد إن اي مالك هوندا يدخل المنتدى ويسأل عن أي مشكله قبل لا يروح أي ورشه أو وكاله من الخبرات الموجوده هنا.. الحاصل إخواني..
عندي إستفسار بخصوص تركيب الشاشه اللي فيها النفيجيشن والكاميرا وشفت ماشاء الله الإخوان هنا يوفروها بأسعار مقبوله ( ستيل كول )..
واللي فهمته من المواضيع والصور إن الشاشه (الصغيره) اللي تجي مع السياره السبيشل 2012 تنفك وتتركب في الدرج اللي تحت ومكانها تتركب الشاشه اللي فيها كل المواصفات الحلوه.. بس يا اخوان أنا شفت مكان الشاشه الأصليه وما أدري صراحه كيف راح تركب مكانها الستيل كول لأن المكان فوق صغير وأصغر من حجم الشاشه يعني تركب وتكون واضحه إنها مركبه وجزء منها طاله على برا..؟ أتمنى اللي عنده فكره يفيدني لأن مخي مو راضي يستوعب بصراحه وبديت أشك في قدراتي العقليه..
واللي يزودني بعد بالصور ومحل تركيب بجده أكون شاكر ومقدر وممتن.. وسامحونا على الإطاله..
وإذا كان الموضوع مكرر مشوها عاد أول مشاركه :d وإذا العذر هذا ما يمشي.. نقول رمضان كريم.. وإذا رمضان على وشك ينتهي.. نقول الناس عيد
وعليكم السلام ورحمه الله وبركاته
يالله انك تحييه
وانت بخير وصحه وسلامه
من ناحيه كيف التركيب والمكان صغير تركب عادي بدون اي مشاكل لان القطعه السوداء اللي تمسك شاشه الوكاله تتغير بقطعه نفسها للشاشه الجديده
وانا قبل فتره مركب شاشه في جدة عند واحد شغله ممتاز والحمدلله ما عانيت من اي مشكله ابد ونو ع الشاشه ستيل كول اتش دي
مكانه عند شبك المطار في شارع الامير سلطان بن سلمان تقاطع شارع الستين
وهذا رقم جواله 0598268727 اسمه هاني وكلفتني كلها مع التركيب 2300 ريال
المشاركة الأصلية كتبت بواسطة majood AL-azwari
الله يبقيك..
أنا أشهد إنك ذيب وما قصرت.. ماشاء الله عليك سريع..
راحت عن بالي إنه كامل القطعه السودا تنفك مع الشاشه.. والله يجزاك خير على الرقم والمكان والله إنك فكيت أزمه وكنت خايف على السياره من زحمه كيلو إثنين
بس أخوي الشاشه اللي ركبتها ستيل كول إتش دي بــ 2300 معاها كاميرا خلفيه وبلوتوث وكامل المواصفات حق العاديه ؟ وبما إنك مركبها لك فتره.. تنصح بذا النوع وما واجهتك أي مشاكل ولا في شي تشوفه أحسن وبنفس السعر أو قريب منه؟
كل الشكر والتقدير لك أخوي..
2300 ريال مع الكاميرا الخلفيه والبلوتوث والخرائط ونظام الايفون والابود ومواصفات الشاشه فيها تقدر تغير الخلفيات حقت الشاشه كانك تتعامل مع لاب توب ويو اس بي .
واي شي تامر فيه انا حاضر
من ناحيه المشاكل الحمدلله لا فتره ما عانيت من اي مشكله فيها
وع فكره على كلام الاخوان هنا في المنتدى ستيل كول نوع طيب فيه الافضل بس السعر فوق 3000 ريال
عشت يالذيــــب.. وما يامر عليك لا عدو ولا ظالم..كفيت ووفيــت.
ولو ما سوينا شي ما سوينا غير الواجب واللي نقدر عليه
انا عندي 2012 وركبت شاشة رود ماستر من كيلو 2 ب 1600 يوم 1 رمضان
وركب لي شاشة الوكالة تحت مكان الادراج و روووووووعة ما شاء الله
طبعا بدون الكاميرا لانه قالي فيه تجريح اسلاك وتوصيل من تحت المراكب
فماحبيت ألعمس ام السيارة عشان كاميرا بتخرب بعد شهرين
ضوابط المشاركة
رد مع اقتباس
مواقع النشر (المفضلة)