انا اشتريت هوندا أكورد 2013 فئة ivtec قيمتها 107.000 ريال من وكالة هوندا بالدمام ،، وللأسف فيه صوت احتكاك بالإذرعة ينسمع مع المطبات مسوي لي قلق ، طبعاً بلغت الوكالة من بعد اسبوع من اشتريتها وركب معي احد المهندسين يتأكد وللأسف ما استفدت منه ، رفع السيارة مكان تغيير الزيت وقعد يطبطب على الكفرات كأنه يطبطب على بطيخه يتأكد إنها ناضجة . حتى بعد التشييك كلموني من جدة يتأكدوا من جودة الخدمة ، بلغتهم بالمشكلة وبلغوني انهم بيكلموني خلال يومين ،، طبعاً هذا الكلام من أول رمضان وإلى الآن ماصار شي .

أما بخصوص الإزعاج بالسيارة ،، فعلاً الصوت مزعج حتى لما تمشي بسرعة 80 يبدأ الصوت يدخل للسيارة من جهة زوايا الأبواب الأمامية ، وللأسف المهندس قال " طبيعي " .

أنا أسمع مهندسين الصيانة لما يجيهم عملاء الأكورد 2013 يسألونهم سؤال غريب !!! يقولولهم وش كان معك من سيارة ؟؟؟ بعض العملاء يجاوبون والبعض مايردون ... وأفتكر واحد من العملاء قال لهم ( كان معي سيكل صتي ) .

هذه مشاركتي ،، وأتمنى لكم التوفيق جميعاً ..