سلام عليكم ......
الحمد لله شريت لي اكورد موديل 2007 فل من الداخل سياحي من الخارج .... عقب ما كنت موالي ومتعصب للشركة اليابانية المنافسه " تويوتا " ... المهم ما شاء الله السيارة حلووووة وراااسيه بالخط مقارنة بسيارتي الاولى " كامري 2008 " ... بس عندي كذا استفسار اذا تقدرون تفيدوني جزاكم الله خير ...
1: اذا جيت فوق عيون القطط احس ان السيارة قااااسيه جداا والصوت عبورها قوووي ...هل هذا طبيعي وعادي ...؟؟
2: عندي المكيف دفعه ضعيف .... يعني لازم احطه على الدرجه 3 وفوق ....
3: النور مع اشتغال المرواح يضعف ويقطع بشكل ملحوظ ... هل الوضع طبيعي ...؟؟
4: عندي رجه على سرعه 140 خفت وهديت ... :d
5: ودي اركب جنوط 16 حقت بلدها ... تنصحوني فيها ...؟؟
ووووووووووووووووووووووووووبس .... اتمنى اني ما طولت عليكم ....
نورت المنتدى ومرحبا بك في عالم الاكورد
بخصوص استفسارتك اتوقع لان السياره قديمه يبغالها صيانه وتغير بعض القطع لان ولد عمي عنده 2010 ومعاه سنتين ماشاء الله مافيها شي زي الحلاوه ومريحه ولادعس يوصل 160 واحيان 180 ومافيها رجه ولا شي
انا اتوقع من وجهه نظري انه ممكن يبغالها صيانه وتغير بعض القطع بما انها 2007 يعني لها 5 سنوات يبغالها صيانه
وان اشاء اللله الاخوان الي لهم خبره يجاوبون عليك بالتفصيل
تحياتي لك
يحيك ربي يا ولد جده ... انا عارف انها قديمة شوي ... لكن الموتر تقدر تقول انه طول هالمدة واقف بالباااايكه ... يعني شبه جديد ... وانا عارف انه يبيلها صيانه بس حبيت اخذ فكرة عن الامور الي ذكرتها فوووق فقط لا اكثر ....
لا ماعليك سالفة النور ذي قبل يوم رحت لكربائي محترف في الهوندا
وقاليي هذا بسبب ان الكمريسر يعطي دفع وهي نظامها كامل كهرابائي يصيرر هذا الشيئ
نظام الهوندا كله ع الكهرب غير عن الكامري لا تلعب في كهربتها ( مثل نظام اللكزس والسيارات الجديده 2012 من الشركات الثانيه )
يعني ما عليه خوف تقطيع النور .
سالفة الرجه ممكن الكفر تعبان او الجنط فيه شيئ
انت بتغير جنط 16 يعني لازم تغير الكفر وتركب مقاس 16
وتروح الرجه ان شاء الله .
عيون القطط تحسها في اذنك بالهوندا .
وانت سوي فحص للسياره وإن شاء الله خير .
انا معاي اكورد 2007 مشيت فيها خط ع سرعة 210 والله راسيه بشكل جبار .
بس وصلت قامط العافيه . ^_^
يعطيك العافية اخوي اكووورد ... اجل طمنتني من ناحية النووور وصوت عيون القطط لقيت لها حل... اما الرجه ان شاء الله ابشوف لي بنشر مزبوط اليووم واخليه يسوي ترصيص .... منوووور يالغالي ..
لا تسوي ترصيص ولا شيئ انت بتغير الجنوط بالتي بتغير الـكفر وبعدها شوف هل فيه رجه أو لا
واذا موجوده سوي الترصيص .
وايش حل عيون القطط
( تغير الكفر الي كفرات ناعمه - تلبيس الارضيه - تصك القزاز :d - ما تدعس عليها:d )
هههه ... لالا تخاف مانب راعي سرررعه ابدددد .... وبالنسبة للكفرات الله يعينني ... مركب كفرات نوع هانكوك قااااااااااااااااسيه مره .... اما الجنوط انا ما رااح اركبها الحين <<< الميزانية تررج ... ههه
هههههه لا اذا ركبت كفرات جدد اصبر سنتين لين تقطع الكفرات وبعدها أشترر جنط
بالنسبة للمكيف شيك على الفلتر حقه تلقاه بالدرج ونظفه بالهواء وان شاء الله يضبط
اكيد ... انا اليوم رحت فحصتها كمبيوتر وقالوا يبيلها تصفيه مكينه كاااااااامل ... البواجي والفلاتر الخ ...المشاركة الأصلية كتبت بواسطة نو نيم
مشكور وما قصرت على الافاده
لالا ... كفراتي بهن نص عمر ... يعني تعبرني الى 4 شهور قدام ...
وعليكم السلام
الله يحيك
وسعداء بانضمامك
و الف مبروك .. الله يعطيك خيرها ويكفيك شرها
لا عادي خذ راحتك
1: اذا جيت فوق عيون القطط احس ان السيارة قااااسيه جداا والصوت عبورها قوووي ...هل هذا طبيعي وعادي ...؟؟
افحص ضغط هواء الكفرات وخله على 30 .. والكفرات ترى لها دور بالقساوه
تعليق الاكورد رياضي + الكفرات الخلفيه فارشه = رساوه عاليه
2: عندي المكيف دفعه ضعيف .... يعني لازم احطه على الدرجه 3 وفوق ....
نظّف فلتر المكيف .. لأن شكله مغبر
3: النور مع اشتغال المرواح يضعف ويقطع بشكل ملحوظ ... هل الوضع طبيعي ...؟؟
يمكن تحتاج تنظيف لأصابع البطاريه أو البطاريه ضعيفه
4: عندي رجه على سرعه 140 خفت وهديت ... :d
شيّك على السياره .. الرجه ممكن تكون من الكفرات محبله أو تحتاج ترصيص .. أو الجنوط تجاريه أو متأثرة من حادث
واذا فيه رجة مع مسكة الفرامل .. خرط هوبات
5: ودي اركب جنوط 16 حقت بلدها ... تنصحوني فيها ...؟؟
أنصحك فيها شكل وكل شيء .. لكن الجنوط الجديدة الأصليه غالية + تحتاج تغير كفراتك من مقاس 15 إلى 16
ووووووووووووووووووووووووووبس .... اتمنى اني ما طولت عليكم ....
الهانكوك الكوري الأصلي
اول ما تركبه ليييين ومريح وجودته جيده جدا و سعره ارخص من الكفرات اليابانيه
لكن اتوقع طبيعي كل الكفرات تصير قاسيه ويابسه .. بعد الكرف وحرارة الشمس واستخدام لسنوات طويله ..
انا كفراتي القديمه هانكوك لها 3 سنوات .. وغيرتها للوقاية فقط ولأن واحد من الكفرات محبل وذبحني بالرجه القووويه ولأنها صارت قاسيه شوي
والحين ركبت كفرات جديده هانكوك لأنها لينه ومريحه وجودتها جيده جدا وارخص من الكفرات اليابانيه وغيرها
وترى انا قليل جدا اغسل سيارتي .. لأني كسوول والمغاسل زحمه
اتوقع الماء له دور مهم بترطيب الكفر وما يخليها تيبس وتقسى
هلا بك يالغالي ... الله يجزاك خييييير ...
بالنسبة للقساوة صحيح ... طلعت الكفرات قديمة شوووي على ان نقشتها موجوده يعني ما انمسحت ..
ضوابط المشاركة
رد مع اقتباس
مواقع النشر (المفضلة)