انت جرب بدل زيت القير في الوكالة ( ثم الوكالة ) ويفضل تغير فلتر زيت القير الخارجي معاه لكن ترا بتبطي شوي في الوكالة لاجل كذا رح لهم في يوم فضاوة مرهـ واحجز لك موعد الصبح بدري مره ( 6.30 وانت مسنتر عندهم لين يفتحون خلك اول واحد ) وقل لهم ابي زيت قير + فلتر قير خارجي ( بيقول لك الفني او مهندس الاستقبال مافيه فلتر قير وما يتغير فلتر القير الا مع التوضيب قل له الاكورد فيها عدد 2 فلتر قير ( داخلي وهذا ما يتغير الا مع التوضيب ) و ( خارجي عادي يتغير بسهولة ) وخلهم يغيرونه لك هم يقولون كذا خوافين شوي

وقل للمهندس حق الاستقبال ابي فني ممتاز مب مشكلة تتأخر بس ابي واحد خبير وفاهم شغله صح وخلك على راس الفني وهو يشتغل صح ممنوع تدخل لكن انت قل لهم موتري + هذي شغلة قيور مب زيت مكينة ولا تركيب فحمات ...


وبعدها امش وجرب لعل وعسى ،،، اذا ما لاحظت تغيير افحص عند ورشة مختصة بالاكورد وشوف لك فني فاهم مب توديها اي محل يخربون القير عليك ...

زيت القير لازم يتغير اول مره عند 60 الف وانت قطعت 128 الف !!! ولا تدري صاحب الموتر السابق غيره او لا !!

عموما بعد اول تغيرت زيت غير الزيت كل 40 الف كيلو في الوكالة