الموضوع: سعر أكورد 2011 جديدة ؟

مواصفات الفل اوبشن :

- فتحة سقف ( فتح تنده )
- جنوط 17
- تخشيبة
- تشغيل 6 سيديات
- اسيات جلد
- تحريك الأسيات توماتيكي
- تحريك وسفطها المرايات توماتيكي ( بالأزرار )
- جناح
- ازياج
- مكيف اللأكتروني ( باللمس )
- تسخين مراتب


مواصفات الأستاندر ( سياحي ) :

- بدون فتحة سقف
- بدون جنوط ( اطياس )
- بدون تخشيبه
- تشغيل سيدي واحد فقط (1)
- اسيات مخمل
- تحريك الأسيات يدوي ( باليد )
- سفط المرايات يدوي ( باليد )
- مكيف عادي ( يدوي )



مميزات الوكالة :

إذا بتاخذها من الوكالة راح يعطونك
- اغراض السياره من قلم و صندوق الصيدلية .. آلخ
- ريحة الوكالة موجوده في سياره
- السياره راح تكون اصفار ماحد حركها
- راح يعطونك كوبونات و عروض مثل حماية الطبلون و الوجهيه
- سعرها في الوكالة حالياً بـين 82 الف الى 85 تقريباً


مميزات المعرض :

إذا بتاخذها من المعرض
- ماتضمن اغراضها معاها او لا
- في المعرض نادر تلقى اصفار احيانا تلقى سياره ماشيه كم كيلو
- ماعليها لا كوبون ولا عروض
- مافيها ريحة وكالة
- راح تلقى سعرها في المعرض ارخص من الوكالة بـ 5 الاف تقريباً
- يمكن تلقاها في المعرض بـ 80 و نازل


اللون على حسب ذوقك انت
اسود ملكي - في رمادي ( فاري ) - كحلي - عنابي - عودي ( بني محروق ) - فضي فاتح -ابيض ساطع


ملاحظات:

- اللوان الفاتحه من عيوبها انها مستهلكه و كثير تشوفها في شوارع لكن من مميزاتها ان الغبار و الحكات ماتبين عليها

- اللوان الغامقه من عيوبها يبغى لها اهتمام اكثر و غسيل و تجذب الحراره لكنها في نفس الوقت مميزه و تلفت لنظر

- اخوي انا انصحك تتمعن على هذا رابط حتى تعرف مواصفات الأكورد بأنواعها بشكل ادق و اوضح
http://www.hondaarabia.com/club/t57347/

- الأكورد سياره عملية من الطراز العالي وقوية و سواقتها ناعمه جداً و إذا كنت راعي اهتمام و بتحافظ عليها راح تضل معاك 7 سنين و فوق