الموضوع: يقولون سيارتي خبطت

بسم الله الرحمن الرحيم
السلام عليكم ورحمه الله وبركاته
اعضاء المنتدى الكرام
والله اني احبكم في الله
دايم ادخل واتصفح واستفدت كثير منكم واليوم ابي مساعدتكم والله يجزاكم خير

سيارتي 2009 اكورد 4 سلندر ماشيه 176000الف اغير الزيت كل خمس الاف كيلو وسويت صيانه 100000 الف على حسابي ولا عمري اشتكيت منها
انا ساكن في المدينه المنوره وقبل كم يوم جانا مطر ولله الحمد
وارسلت اخوي الصغير بسيارتي للمشوار
المهم اخوي قابل بطريقه مويا كثيره ودخل بسيارتي المويا وع كلامه يقول وصلت لطرف الباب حق السواق
وطفت عليه بالمويا ودفها على جنب الطريق وحاول يشغلها وماشتغلت واتصل علي وجيته انا وشغلت مو راضيه المهم خليتها شوي وبعدين سويت لها اشتراك وبرضو مو راضيه تشتغل
حتى مع الاشتراك مافيه امل ...الصوت مع الاشتراك كأنها مافيها كهرباء ابد ...وسير الماكينه مايدور ابد ..حطيتها بجهاز شحن عند كهربائي بعد ماشلتها بسطحه
وبرضو فيه حاجه تدور بس السير مايتحرك ...قلت للكهربائي فك الكويلات والحاجات اللي فوق ونظفها ,,ونظفتها وبرضو مافييه امل <<قافلتن معه بالحيل
وقالي احتمال الماكينه صلبت .؟؟
انا غيرت زيت وسيفون وسويت اشتراك بعدها ماشتغلت وزي ماهي ...واليوم ضاقت فيني وسحبتها سسسحب وحطيتها عند البيت اتفرج فيها وانثر بعضا من الدموع ؟<رايحن فيها


ابي منكم تقولون لي مخبطه ولا لا هل مرت عليكم واذا مخبطه ..بكم القى ماكينه نظيفه للهوندا وتكفون عطوني ارقام تشاليح بالمدينه ولا الرياض ولا جده ولا القصيم
ماعندي مشكله اروح اي مكان اهم شي القى ماكينه نظيفه

والحمدلله رب العالمين على كل شي

وعليكم السلام ورحمة الله وبركاته
واحبك الله الذي احببتنا فيه واحنا بالمنتدى نفيد ونستفيدومعوض خير ان شاء الله انت تاكد وعاير الزيت ناقص او فيه مويه وراح نعطيك الحلول ..لان ماقدر احكم على الماكينه سليمه ام لا..

المشاركة الأصلية كتبت بواسطة مبارك عبدالله

وعليكم السلام ورحمة الله وبركاته
واحبك الله الذي احببتنا فيه واحنا بالمنتدى نفيد ونستفيدومعوض خير ان شاء الله انت تاكد وعاير الزيت ناقص او فيه مويه وراح نعطيك الحلول ..لان ماقدر احكم على الماكينه سليمه ام لا..

اخوي مبارك مشكور على الرد والله يعطيك العافيه
انا عيرة الزيت مافيه شي ولاهو ناقص ولا شي
وشفت العيار مافيه مويا ولا شي نظيف كله زيت
ويوم غيرت الزيت قلت للهندي شوف فيه مويا بالعيار قالي لا مافيه شي وحتى السيفون ماجاه مويا ولا تراب
والله اني محتار ومدري وش اسوي
الله كريم

♥<3 ه̷̷َـَْـُلاٌٍے وًَ غ̷̷َـٌَلاَّے <3♥ قَلبـ♡ــيے
السياره الان ماتشتغل ابدا
او تدق سلف وماتشتغل

اول شي شيك علي البطاريه
ثم السلف
اذا تمام
شوف معيار الزيت خالط مويه ولا لا


اذا كل شي سليم
شيك علي كمبيوتر السياره الظاهر مكانه عند رجل الراكب يسار داخل ديكور اللي تحت المسجل

وان شاء الله امورك بسيطه

بشر ايش صار معاك

بسالك المويه دخلت من تحت اللباب للفرشه


لان كمبيوتر الاكورد تحت شوي. واي مويه يوصله راح تطفي السياره ومارح تشتغل الا بتغييره
بِــ̯͡سّ الافضل تاكد من الاجزاء الكهربائيه قبل الميكانيكيه

ووافينا بالاخبار عشان نقدر نفيدك ان شاء الله

هلابكم جميعا
الحمدلله على كل حال وقدر الله وماشاء فعل

اليوم تأكدت ان السياره خبطت (صلبت الماكينه) والمكانيكي يقولي يبيلها فك ماكينه وتوظيب بس مادري توظيب كامل ولا لا
علما انه يقول شغل يده 2000ريال؟
وانا سئلت واحد من الشباب قالي خذ لك ماكينه ثانيه افضل لك لانو التظيب مشاكله كثيره ....؟

انتم وش رايكم اوظب ولا اخذ ماكينه ثانيه ....افيدوني جزاكم الله خير والله انها ضايقه فيني
بس الحمدلله على كل حال

وانا للحين مادري الكمبيوتر فيه شي ولا لا .....الله ييستر بس