الموضوع: فزعتكم يا اكورديين .. السيارة لها شهر تدق سلف صوت واحد (مزنوط او مخنوق) ؟ تكفون شوركم

السلام عليكم ورحمة الله

يا غالين لي شهر تقريباً والسيارة لما ادق السلف من اول مره يجي صوت كن أحد زاطها او خانقها ( ماعرفت اعبر اعذروني ) وماتشتغل
بس من الدقة الثانية للسلف تشتغل ، مو دائماً تصير هالحركة بس غالباً

وهاليومين صارت تسوي الحركة مرتين يعني من السلف الثالث تشتغل ، تكفون وش الحل يا اصحاب الخبرة ؟
وديتها اليوم لواحد وقال يمكن من السلف ولازم نفتحة ونغير فيه بعض القطع وبيكلفك 500 ريال تقريباً
مدري مارتحت لكلامه

سيارتي اكورد 2006 اربع سلندر ( مدينة الخبر )
ماشيه 240 الف كلم ، وابغى بعد اسوي لها صيانة وش الأشياء اللي تنصحوني اغيرها ، بيني وبينكم صار لها
فترة ماشيكت عليها ممكن اكثر من 60 الف ( أغير بس الزيوت والفلتر) .

وياليت اذا فيه احد شاطر تعرفونه بصناعية الثقبة . وجزاكم الله خير

وعليكم السلام انا ماراح احكم انها من السلف مادام ان السياره تشتغل والسلف تمام سواءا من الدقه الاولى او الثانيه فحمات السلف سليمه.
ممكن من طرمبة البنزين بس الافضل غير فلتر البنزين بالبدايه وان شاء تنحل...

تحتاج تغيير فحمات سلف
او غير السلف بواحد مستعمل
وسلامتك

الف شكر للأخوان اللي ساهموا بالرد

رحت اليوم ورشة ماجد بصناعية الثقبة مع صلاة الظهر وشيك عالسيارة وقال لازم اشيك عالسلف وتركت السيارة عنده

اتصلت عليه العصر وقال فيه البنديكس ( التريس ) فيه مشكلة وبودية المخرطة وان شاء الله يضبط قلت مو مشكلة

اتصل علي المغرب وقال تعال جاهزة ، وقال ان شاء الله انها اوكيه ( سوا خرط للتريس البنديكس قال 200 ريال وشغل يده 150 ) المجموع 350 بعد الخصم

وقال شيك عليها اذا رجع الصوت ارجع لي

وش رايكم ، احد مرت عليه هالمشكلة ، وهل السعر مبالغ فيه للمخرطة وشغل اليد ؟

وجزاكم الله خير

[quote=مبارك عبدالله;590027]

المشاركة الأصلية كتبت بواسطة وسيم الخبر

الف شكر للأخوان اللي ساهموا بالردرحت اليوم ورشة ماجد بصناعية الثقبة مع صلاة الظهر وشيك عالسيارة وقال لازم اشيك عالسلف وتركت السيارة عندهاتصلت عليه العصر وقال فيه البنديكس ( التريس ) فيه مشكلة وبودية المخرطة وان شاء الله يضبط قلت مو مشكلةاتصل علي المغرب وقال تعال جاهزة ، وقال ان شاء الله انها اوكيه ( سوا خرط للتريس البنديكس قال 200 ريال وشغل يده 150 ) المجموع 350 بعد الخصموقال شيك عليها اذا رجع الصوت ارجع ليوش رايكم ، احد مرت عليه هالمشكلة ، وهل السعر مبالغ فيه للمخرطة وشغل اليد ؟وجزاكم الله خير

[/quo معناته ان الفحمات سليمه ;)وبالنسبه للسعر ماعند ي خلفيه والافضل عمل صيانه دوريه

هلا اخوي مبارك بالفعل الفحمات سألتها عنه قال هي فيها نصف بتمشيك فترة بس لازم تغيرها بعدين

طبعاً هو قال لي عن علبة الدركسون ان فيها تهريب بسيط وأنا ملاحظ ان الزيت ينقص فيها ودوم اعبيه كل مانقص ، وهو قال اذا نقص عبيها بس بجي وقت وتخرب وهي غاليه

وش تنصحوني اسوي ؟ امشي على هذا الوضع كل مانقص اعبي زيت دركسون لين تنتهي أم فيه شي يمدي اسويه يصلح العلبة