زيت الترا سفن 20w50 .. انسى ينقص .. لكن للاحتياط عاير الزيت كل فتره وفتره أو كل 1000 كيلو
انا جربته على سيارتي 4 سلندر ومشيت عليه 6500 كم ولا نقص .. ما شاء الله تبارك الله .. لكن اعاير الزيت كل فتره وفتره للاحتياط فقط
وما أنصح بأن الواحد يمشي على الزيت أكثر من 5 آلاف .. حتى لو ما نقص الزيت
وبالنسبه للشكمان يمكن انك مبطي ما غيرت البواجي أو نظفت فلتر الهواء .. لا تشيل هم
فلتر البنزين يتغير كل 80 ألف < 2007 ونازل
البواجي العاديه الرخيصه تتغير كل 40 ألف < 2007 ونازل
البواجي الغاليه < 2008 وفوق .. على ما أظن تتغير كل 80 ألف أو 100 ألف
فلتر الهواء اذا حسيت انه مكروف غيّره
واذا تبي تحافظ على نظافه البخاخات
اذا جيت تعبي بنزين طف السياره وعب فل
وحاول ما ينزل البنزين عن الربع ( لأن مع الوقت تتجمع أوساخ وشوائب بقاع التانكي ) .. واذا صار البنزين قليل جدا تشفطه الطرمبة ويتوسخ فلتر البنزين وتتوسخ البخاخات
و تدرون أن البنزين له دور بتبريد طرمبة البنزين والمحافظه عليها .. اذا كان البنزين قليل ما يبردها زين
دايم ما أعبي بنزين إلا اذا ولعت لمبة البنزين .. كسل كل شوي اعبي بنزين .. والحمد لله الطرمبة مافيها شيء .. ومافيه أحد يشتكي من طرمبة بنزين الأكورد
مواقع النشر (المفضلة)