الموضوع: بالله عليكم أريد حل في مشاكل سيارتي الأكورد 2006

المشاركة الأصلية كتبت بواسطة aboulroom

السلام عليكم ورحمة الله

إخواني الأفاضل

لدي 3 مشكلات في سيارتي الأكورد 2006 - فل - 4 سلندر

المشكلة الأولي :
النور العالي يعلق ( ولست مقتنع بتركيب علبه فيوز + أجرة يد = 2000 ريال )

المشكله الثانيه :
صوت دبدبه في الكفرات الخلفيه ويزداد الصوت مع السرعه

المشكلة الثالثة :
بطيء سرعة السيارة فجأة مع قلة عزمها وتظهر هذه العلامات في الصورة

وعليكم السلام ورحمة الله وبركاته

# حل المشكله الأولى ( سهل جدا و رخيص ) :

شف الموضوع هذا
تجربتي نجحت بحمد الله ( حل مشكلة تعليق النور العالي بـ 50 ريال )


انت تقول بتكلفك علبة الفيوز وشغل اليد = 2000 ريال
وعندي لك حل بسيط و سريع ورخيص بـ 50 ريال .. ويريّح ( كتاوت النور الشد بلد + فاصل النور + ضفيرة النور + يحمي أفياش نور الوكاله اذا ركبت شمعات نور أقوى من الوكاله ) لأن ظفيرة الكتاوت الصفراء التايوانيه تسحب الكهرباء من البطاريه مباشره , وياخذ اشاره كهرباء قليلة من الفاصل من أجل تشغيل النور أو إطفاءه , يعني الضغط وكل شيء على الظفيرة الخارجية الصفراء

2000 - 50 = يبقى لك 1950 ريال بجيبك .. وأنسى شيء أسمه تعليق !! انا مركب من فتره طويله ومن أحلى ما يكون .. انواع التكبيس ولا يعلق أبد ما شاء الله تبارك الله .. مع العلم بأني مركب شمعات نور ألمانيه قويه اسمها FLOSSER الحبة بـ 25 ريال

100watt بالعالي و 70watt بالواطي << الظفيرة الخارجية الصفراء والكتاوت تحملت الشمعات القويه .. وأكيد طبعا بدون شك بيتحمل شمعات نور الوكاله .. اللي هي 51watt للواطي و 60 واط للعالي




( نصيحه ابعد عن الشمعات الكوريه إضائتها أضعف من الألمانيه .. مع أنها 100watt نفس الألمانيه 100watt , لكن افضل شيء الشمعات الألمانيه من ناحية قوة وانتشار النور واللون )

ملاحظه :

70watt و 100watt ممكن تأثر على عاكس النور .. لأن كل ما زاد الـ watt تزيد قوة الإضاءة ولكن أيضا تزيد الحراره .. يعني تكون حااااره على الإسطب والعاكس

أحذر من زيادة أمبير الفيوز عن المحدد من مصنع السياره , لأن تغيير رقم الفيوز يسبب مشاكل وأخطار كهربائيه


# حل المشكله الثانيه :

شيك على ضغط هواء الكفرات وخله على 30 ( استخدم عيار أصلي لأنه يعطيك قراءة دقيقه وصحيحه عكس التجاري )
و
شيك على دعسة الكفرات الخلفيه اذا ممسوحه مع جهه أو المسح متساوي , لازم تغير أماكن الكفرات كل 10 الاف كيلو عشان تحافظ على الكفرات
و
شيك على الرمانات الخلفيه


# حل المشكله الثالثه :

( ملاحظه .. ما طلعت الصوره ) لكن اذا يقل العزم مع ترك دعسة البنزين .. طبيعي

1) متى آخر مره غيرت زيت القير + الفلتر الخارجي حق زيت القير ؟؟؟

2) عاير زيت المكينه والقير .. ملاحظه : الزود عن الحد المحدد يسبب مشاكل والنقص يسبب مشاكل

3) متى آخر مره غيرت البواجي و فلتر الهواء ؟؟ ترى البواجي الرخيصه العاديه حقت 2007 ونازل .. تتغير كل 40 ألف تقريبا

فلتر الهواء بـ 110 ريال من الوكاله
البواجي بـ 63 ريال من الوكاله

4) خل ضغط هواء الكفرات على 30

5) وش نوع الزيت اللي تستخدمه للمكينه و وش نوع الزيت اللي تستخدمه للقير ؟؟

6) شيّك على أصابع البطاريها ونظفها اذا كانت تحتاج تنظيف وشدّها زين