معلومات عن الأكورد 2013 من الوكالة + صور

**meshoo** · 10-01-2013, 12:37 AM

المشاركة الأصلية كتبت بواسطة abdulatif

الاكورد الامريكية فيها كامير في الجنب الايمن تحت المرايا هل هي موجودة في الاكورد السعودية ؟

اي نعم فيها كاميرتين يمين ويسار

وبالخلف الثالثه ايضا

**اكورد 2013** · 10-01-2013, 01:03 AM

المشاركة الأصلية كتبت بواسطة meshoo

اي نعم فيها كاميرتين يمين ويسار وبالخلف الثالثه ايضا

طيب ليه شايلين الكاميرا الخلفيه من الستاندر والسبيشل ,,,, اللي في امريكا فيها كاميرا

**meshoo** · 10-01-2013, 01:20 AM

المشاركة الأصلية كتبت بواسطة اكورد 2013

طيب ليه شايلين الكاميرا الخلفيه من الستاندر والسبيشل ,,,, اللي في امريكا فيها كاميرا

اسلوب تسويق ياطويل العمر

**AboOoSh** · 10-01-2013, 02:14 AM

انا اليوم شفتها بالرياض فرع العليا , فيه تطور كيييير فالهوندا خامت الجلد والستاره الخلفيه والتشغيل وطريقة الليد الامامي+ الخلفي ابس تمنية الفرشة الارضيه تكون باللون الاسود زي الامريكيه كان زادت من جمالية الداخلية س

**عبدالله الزهراني** · 10-01-2013, 02:50 AM

المشاركة الأصلية كتبت بواسطة meshoo

اي نعم فيها كاميرتين يمين ويسار

وبالخلف الثالثه ايضا

يمين ويسار؟!

بأمريكا في الـ EXL والتورينق تجي كاميرا باليمين .. وتعليل الشركه أنهم ما يحطون في اليسار لأنها عكس طبيعة قيادة السياره .. بمعنى أن السائق لمن يلف يمين راح مباشره يطالع لليمين .. الكاميرا في هذه الحاله راح تفيده لأن الشاشه على يمينه .. أما لمن يبغى يلف يسار .. صعب أن السائق يطالع لليمين عكس اتجاه اللفه .. عشان يشوف الشاشه!!

الفل كامل الي انا شفتها (جلد) ما كان فيها الكاميرا الجانبيه . فيها الكاميرا الخلفيه فقط

**الشاعر فيصل الجهني** · 10-01-2013, 03:56 AM

فيها حساسات خلفية ؟!

**hasan1982** · 10-01-2013, 05:41 AM

باختصار و كالعادة وكلاء السيارات يلعبون في المواصفات لعب

في أمريكا الكاميرا و البلوتوث و الجنوط ستاندر في كل الفئات و عبدالله هاشم يحط الكاميرا في الفل ابشن جلد 4 سلندر و ب 118 الف ريال > هنا الواحد يحتار ياخذ تورس 6 سلندر sel ب 116 و لا ياخذ هوندا ؟؟؟؟؟؟

السؤال المهم في الفل ابشن جلد 4 سلندر اللي ب 118 الف ... هل يوجد فيها led امامي يشتغل في النهار زي اللي نشوفة في سيارات الكيا اوبتيما و لكزس اي اس 2013 و لا بس led ليلي يشتغل مع الانوار .؟...؟

**محتآآر** · 10-01-2013, 11:49 AM

حصل اللي كنت خايف منه !!! ماودي احطمكم ي شباب بس الواقع يقول ان
مواصفات السياره تختلف عن الموصفات الامريكيه وفيه مواصفات كثيره
ماراح تكون موجوده وراح اعددها من خلال نظرتي المبدئيه للصور :
1- الصوره الاولى للنوع الفل 4 سلندر تلاحظون عدم وجود بروز في
مراية الراكب يعني ان خاصية النقطه العمياء غير متوفره!!!
2- تأكيد على اللي قلته ان الخاصيه غيره متوفره شوفو الصوره الثالثه!!!
تلاحظون ان الموصفات الامريكيه يجي زر لتشغيل الكاميرا في عصا الانوار
بعكس العصا هذي مافيها زر !!!
3- صورة الاستاندر موجوده بالطيس!! خلاف الامريكيه اللي تتوفر بجنط 16
4- التخشيبه على خلاف النوع الامريكي اللي تأتي بالكربون فايبر انا اشوف التخشيبه
احلى كامنظر .
5- النقطه الخامسه والمخيفه هي شعار المحرك المثبت فالشنطه الغير موجود
بالاكورد الامريكيه يوحي من النظره الاولى عدم اختلاف المكينه لان المحرك الامريكي
يعمل بتقنيه جديده غير السابقه !!!
6- نقطه للمدققين بشده مثلي يعني:d البلاستك المثبت فالسيت جاي على لون السياره
بعكس الامريكيه اللي يجي لونه اسود اتوقع تحسب للوكيل

* بالنظر الى الفئات الخمسه المتوفره لدى السوق الامريكي للنوع 4 سلندر اللي وفر منها
الوكيل فقط 4 فئات اكاد اجزم ان النوع السبورت ماراح تكون خيار للوكيل :(:(

* اسف على التحطيم بس هذي هي الحقيقه يمكن تكون المواصفات قد انحكرت
على فئة 6 سلندر مع الايام راح يبان كل شي .

* مشكور ي ولد العم على الموضوع عقبال ماتشتري الملكه قريب :d

**meshoo** · 10-01-2013, 01:51 PM

المشاركة الأصلية كتبت بواسطة عبدالله الزهراني

يمين ويسار؟!

بأمريكا في الـ EXL والتورينق تجي كاميرا باليمين .. وتعليل الشركه أنهم ما يحطون في اليسار لأنها عكس طبيعة قيادة السياره .. بمعنى أن السائق لمن يلف يمين راح مباشره يطالع لليمين .. الكاميرا في هذه الحاله راح تفيده لأن الشاشه على يمينه .. أما لمن يبغى يلف يسار .. صعب أن السائق يطالع لليمين عكس اتجاه اللفه .. عشان يشوف الشاشه!!

الفل كامل الي انا شفتها (جلد) ما كان فيها الكاميرا الجانبيه . فيها الكاميرا الخلفيه فقط

بصراحه انا ماشفتها بنفسي هذا كلام احد الموظفين

ممكن تكون بالـ 6 سلندر !

راح اتأكد من المعلومه اكثر اليوم ان شاء الله