الموضوع: تجرتبي: صيانة 5000 كيلو سيئة جدا جدا بفرع الدمام // بانتظار آرائكم ...

المشاركة الأصلية كتبت بواسطة فتىسدير

السلام عليكم ..

بالنسبه للشكاوي .. انا انصحك تسويها لان ربعنا ماينفع فيهم الا العين الحمرا وماتنفع الطيبه معهم ..


هذا موضوعي القديم http://www.hondaarabia.com/club/t53872/

فيه طريقه الشكاوي لليابان وامريكا ..

طبعا ياليت تشارك بموضوعي عشان يتحدث ويستفيدون الجميع .\


وقبل كل شي الرجاء الدعاء لنا بالتوفيق والهدايه ..


وشكرا

أخوي تقدر تزودنا بايميل الشركة في امريكا لاني انا بعد ابغى ارسل لهم شكوى وماني محصل الايميل
والكلام للاخوان جميعا
انا سيارتي 2012 وما لها 3 شهور مطلعها من الوكالة واعاني من مشاكل ما انحلت للحين

تم الاتصال على مدير العمليات ( الصيانة ) بفرع جدة الرئيسي

وبالصدفة كان عندهم اجتماع مع مدير الصيانة بالدمام وأرسلت رسالة على جوال مدير صيانة هوندا بالمملكة
وذكرت له المشاكل اللي صارت معي بصيانة 5000 كيلو

وتحدث مع مدير صيانة الدمام وقال له كيف صير هذا الكلام

وبالفعل تم الاتصال من مدير صيانة الدمام في نفس اليوم لكني ما رديت عليه

وبعدها بيوم اتصل علي وشرحت له المشاكل اللي صارت معي وقلت له معي الأدلة التي تثبت صحة كلامي

وقال تعال لي وأبشر باللي يرضيك

أطلع معك بسيارتك ونشيك بالخط ،، فيها مشكلة أو لا .. وبعدين نقرر وين المشكلة

وكل شخص مقصر راح يتعاقب


وسألته عن صيانة 5000 كيلو قالي بالحرف الواحد هي :
تغيير الزيت والسيفون فقط لا غير
هذا اللي موجود في كتيب الضمان وهذا اللي نلترم فيه


رديت عليه وقلت التأكد من ضغط الاطارات وصواميل الكفرات وموية المساحات والبوري والجلنط والأنوار والكشافات وفحص السيارة من تحت

رد علي: هذا ليس واجب علينا فحصها لأنها سوف تفحص في 10000 كيلو

قلت له ما شاء الله عليكم طيب إذا ما فيه موية مساحات ما تعبونها ؟؟؟ إذا ضغط الهواء ناقص ما تعبيه ؟؟
إذا واحد من صواميل الكفرات ليس مشدود ما يربطونه ؟؟؟
وبعدين الفني وضع علامة صح على الأشياء التالية ويقول إنه تم التأكد منها وهي غير صحيحة:
الكفر الاحتياطي ( الكفر غير صالح الاستعمال وكاتب عليه إنه سليم )
ضغط الكفرات ناقص ( وكاتب تم التاكد من الكفرات )
صواميل الكفرات لم يتم التاكد منها
لا يوجد موية مساحات
واحد من الكشافات ما يشتغل
ضغط المكيف ضعيف
الجلنط غير مشدود بشكل محكم
وأشياء كثيره لم أذكرها بالتقرير


وكان رده: اللي موجود بكتيب الضمان نحن نلتزم فيه
وتقدر يكون لك حجة إذا لم يتم تنفيذه من الوكالة

طيب المشكلة كتيب الضمان لا يوجد فيه كلام مكتوب موضح للصيانات
مثل 5000 تغيير الزيت والسيفون 1000 ..... وهكذا


المدير يقول علاقات العملاء سوف يتصلون عليك وتحجز موعد بأي وقت
وراح نناقش المشاكل اللي ذكرتها وأبشر باللي يرضيك


لكن أنا مو راضي أجيهم
راح أتقدم بشكوى رسمية لشركة هوندا لأن عندي مشاكل من صيانة 1000 كيلو لم تحل حتى


راجعوا موضوعي باستمرار
وراح يكون فيه تحديث للموضوع باستمرار إن شاء الله تعالى


الأسئلة:
1/ هل كل صيانة يتم تنظيف فلتر الهواء وفلتز الزيت لأن المدير يقول ما تنظف في كل صيانة
لها جدول معين للتغيير واللي يقول لك تتنظف ما يفهم شي ؟؟؟

2/ هل يوجد في كتيب الضمان والصيانة توضيح للأشياء التي يتم تشييكها مثل الزيت والسيفون ...

3/ هل صيانة 5000 تغيير فلتر وزيت فقط
أو فيه أشياء يتم فحصها ؟؟

المشاركة الأصلية كتبت بواسطة الجني

أحسك رايح بنشر يمنيه مو وكالة؟!!

إن شاء الله أن كلامك تأليف لأني حاجز أكورد و إذا كانت الصيانة كيذا مشكلة

وش اللي تأليف ؟؟؟؟ هذي هي الحقيقة ... وراح إن شاء الله بتشوف بأم عينك الحقيقة ....

المشاركة الأصلية كتبت بواسطة al.berens1

اخوي الوكالة صرفوووووووووووووووووووووووووووووووووووووووك :d

كل واحد يقلهم عندي كدا وكدا يقولولو طبيعي وانا واحد من الناس الا اكلتهاا وقالولي طبيعي


كل الا عليك تسويه ترسل للشركة الام في ( امريكا ) تقرير كامل بسوء معاملتهم وبسوء الخدمة

وانهم ماصلحو لك العيوب وابشر بثاني يوم المدير بنفسو يدق عليك ويقلك حياك الله وسيارتك تتصللحح من الى



وعلى فكرة انت موترك 2012 ترسل للشركة الام في امريكا وليس في في الياباان

واعطيناا الاخبار اول بي اول لكن اهم شي تزبط تقرير لهمممم ابن كلببب عشان الشركة هناك تهين الشركة الا هناا فهمت:d

المشكلة ما صرفوني ... إلا بأنشب لهم في حلوقهم حتى آخذ حقي
طيب وأنت ما صرفوك يوم قالوا لك هذا طبيعي ... وش سويت تكلمت ولا مشيت على طول :d

المشاركة الأصلية كتبت بواسطة عبدالله الغامدي

والله انا لما رحت الصيانه عندنا في الباحه طبعا صيانة 5000 مافيه في الصيانه غير اثنين فقققققط دخلت ورفعو السياره وغيرو الزيت مع السيفون وشيك على الكفرات وموية المساحات فقققط وقال الفلبيني كلاص قلت بس كذا قال ايه لكن الوعد في صيانة 10000 بس ابغا اعرف وش اللي يسوونه في صيانة العشره

الأعضاء الفاهمين راح يفيدونك أكثر إن شاء الله تعالى

المشاركة الأصلية كتبت بواسطة S c O r P i O n

الله لايطيح بواحد مثل هذا في مكان محترم
تندم انك جيت والله تصر فينا دايم
المهم بالنسبة للمشاكل اللي ذكرتها اسمحلي اقولك هذي فعلا طبيعيه واتوقع 70 بالميه من الشباب في المنتدى عندهم مثل اللي عندك
طقه الجير عاديه ولافيها اي شي لاتوسوس
بالنسبة لصوت تشغيل المكيف هذي دائما تصير وباغلب السياراه وهي مثل ماذكرت ترس ومكسور منه سن اوسنين فتلقاه يبوش ويطلع الصوت وعادي جدا
توزيع الهوى والله قريت موضوع مفصل عنه والشغله كانت بسيطه ولالها تأثير
صوت الدركسون مافهمت بس حسيت انه صوت يجي وقت التحميه ويروح اذا الصوت يروح طبيعي اذا موجود عندك مشكله اذا اهملتها بتزيد

على أي أساس اعتمدت إن هذا طبيعي
بالنسبة لصوت الدركسون ،، إذا السيارة باردة ،، احميها وقبل لا أمشي
أحرك الدركسون يمين أو يسار يطلع صوت مثل كليك كليك ..

المشاركة الأصلية كتبت بواسطة فتىسدير

السلام عليكم ..

بالنسبه للشكاوي .. انا انصحك تسويها لان ربعنا ماينفع فيهم الا العين الحمرا وماتنفع الطيبه معهم ..


هذا موضوعي القديم http://www.hondaarabia.com/club/t53872/

فيه طريقه الشكاوي لليابان وامريكا ..

طبعا ياليت تشارك بموضوعي عشان يتحدث ويستفيدون الجميع .\


وقبل كل شي الرجاء الدعاء لنا بالتوفيق والهدايه ..


وشكرا

الله يعطيك العافية جاري تحضير إيميل من العيال الثقيل لتوضيح المشاكل من إلى





جاري تحضير ملف كامل بالمشاكل وإرسالها لشركة هوندا

المشاركة الأصلية كتبت بواسطة زامل الشهراني

المشكلة ما صرفوني ... إلا بأنشب لهم في حلوقهم حتى آخذ حقي
طيب وأنت ما صرفوك يوم قالوا لك هذا طبيعي ... وش سويت تكلمت ولا مشيت على طول :d

انا الا صرفوني ومشيت مثل الخبل :d كنت والله على نياتي انو هذا شي طبيعي

لكن يوم دريت انها عيوب ومهو راضي يصلحها هشومي قلت لا لزم ارفع شكووة

والحين بنتظر لصيانة 5000 الاف واودي الموتر واشوف تصريفهمم وقتهاا

ي صلحو الموتر ي رفعت شكووة للشركة الامم

واحنا ننتظر جديدكك افيدنا بكل شي انا متابع لموضوعك اول بي اول