الموضوع: انا متضايق ومهموم

المشاركة الأصلية كتبت بواسطة هاااوي الاكورد

الموضوع جددآ بسيط لا تنكد على عمرك انا بعطيك خطوات اتبعها
اول شي تروح المغسله تغسل الكبوت كامل
بعدين تروح عند كهربائي يشيكلك ع الفيوز كلها
وتشوف اذا في شي انحرق تغيره
وبعدين يشيك على الفيش اذا واصل كهرباء او لا
وبعد كذا تشبك الفيش وانت عنده ولا تتحرك قبل ربع ساعه او نص ساعه يتاكد انه واصله الكهرباء بشكل صحيح وبعد كذا تتكول على الله لان سبب الدخان والي حصل زيت جا على الايبي اس
ولا تضايق نفسك وانا اخوك

غسل داخل الكبوت .. ممكن يسبب مشاكل وممكن تعدي على خير :

1) ممكن يضر المكينه أو ينشعر الراس اذا غسلتها وهي حااااااره .. وفجأه تصب عليها ماء بارد مقارنة بحرارة المكينه .

مثل الهوبات اذا كانت حاره من كثر تمسيك الفرامل .. اذا غسلتها بماء بارد مقارنة بحرارة المكينه .. يضر الهوبات وتصير ترج

2) ممكن يضر كهرباء السياره أو الخ...

3) ممكن يدخل ماء بالمكينه .

يكفي ينفخها بهواء ثم يمسحها بقطعة قماش مبلله لكن يعصرها زين قبل يمسح منظم الـ abs

السيارات الحديثه مب مثل السيارات القديمه جدا .. اللي ما كان فيها أشياء كهربائيه كثيره

يعني ما ينفع تغسلها .. يكفي نفخ بالهواء عشان تطير الغبار اللي داخل الكبوت

أبعد عن الشر وغنيله .. وأصلا أجوائنا غبار .. يعني حتى لو تغسلها وكل شيء بعد فتره قصيره بتغبر



واذا كنت مصّر على غسل الكبوت .. وتتحمل بعض المشاكل اللي ممكن تصير :

1) لازم تكون السياره بارده تماما .

2) تأكد أن غطاء زيت المكينه والقير والفرامل والدركسون و الخ... كلها مغلقه بإحكام .. عشان ما يدخلها ماء

3) تغطي دينمو كهرباء السياره .

4) تغطي موجب بطاريه السياره ( عشان ما يصير إلتماس بين الموجب والسالب ) الماء موصل للكهرباء .

5) تغطي الفتحه اللي يدخل معها الهواء لـ فلتر الهواء .

6) تنفخها بهواء مضغوط لكن انتبه للأسلاك وارفق عليها .

7) تغسلها بماء ثم ترشها برغوة صابون وتفرك شوي بفرشه ناعمه .

8) تغسلها وتتأكد ان ما بقى صابون .

9) تنفخها بالهواء عشان تنشفها من الماء .

10) ممكن يطلع صوت صرصرة لمدة كم يوم لأن السير الخارجي رطب من الماء ثم يروح الصوت بعد كم يوم .

ملاحظه :
الديزل والخ... معروف انه ينشف ويشقق ويقطع الجلد والربلات والصوف
لكنه منظف قوي .. وعمال المغاسل يستخدمونه لأنه منظف قوي وينظف بسرعه .. فقط يرشه ويخليه شوي ثم يغسله ويطلع الوصخ

والعامل يهمه راحته ولا تهمه سيارتك تخرب أو لا

احذروا من الديزل والخ...