الموضوع: مستوى زيت المكينة ... من على حق ؟ الكاتلوج أم الوكالة ؟

وعليكم السلام ورحمة الله وبركاته

انا معي اكورد 2006 اربعه سلندر ومكتوب بالكتالوج :

تأكد أن المحرك قد تم تسخينه وأنه يقف فوق أرض مستويه , أطفئ المحرك وانتظر لمدة حولي ثلاث دقائق قبل فحص مستوى الزيت .

1- انزع مقياس عمق الزيت .

2- امسح مقياس عمق الزيت بقطعة قماش نظيفه او فوطه من الورق .

3- ادخل المقياس بكامل مشواره في انبوبته .

4- انزع مقياس عمق الزيت مره أخرى وأفحص مستوى الزيت .

يجب أن يكون مستوى الزيت بين العلامتين العليا والسفلى .

اذا كان المستوى قريبا أو أدنى من العلامه السفلى .. أضف زيت


يعني الزبده والخلاصه .. اذا كان الزيت بالوسط بين low أو max ؛ أو ما يتعدى الـ max .. وضعك تمام

أنا اذا بغيت اعاير سيارتي أوقف السياره بالليل على أرض مستويه والصبح أعاير الزيت ؛ أو أوقفها على أرض مستويه كم ساعه ثم أعاير الزيت

و أنا عن نفسي أفضّل بأني أخليه قريب من الـ max .. لكن ما يتعدى الـ max


لأن :

اذا تعدى الـ max = خطر .. يعدم عليك صوف المكينه وتصير تهرب زيت .. لازم تشفط الزيت الزائد بأسرع وقت ممكن
اذا كان بالوسط بين الـ max و الـ low = يمشي الحال .. لا بأس
اذا قريب جدا من الـ low أو عند أو تحت الـ low = خطر .. الزيت قليل جدا
اذا كان قريب من الـ max لكنه ما يتعدى الـ max = أفضل شيء


قد اكون صائب و قد اكون مخطيء

على طاري الزيت. سيارتي الهايلوكس كان فيها تهريب في زيت المكينة المهم رحت لورشة تشيك تايم اللي في حي الفلاح قدام جامعة الامام جايه على زاويه من الدوار، المهم طلبوا صوفة مكينة خلفي وركبوها ( وكما هو معلوم في اصلاح مثل هالحالات لابد من نقصان الزيت ) واضافوا زيت الترا سفن على زيت تويوتا اللي هو زيت سيارتي اللي انا معتاد اعبيها به الشاهد العامل في تلك الورشة زاد مستوى الزيت عن المستوى الطبيعي ولا اكتشفت هالشيء الا بعد يوم من خروجها من الورشة. سؤال هل هذه فتره كافيه لاتلاف صوفة المكينة ؟


ملاحظة : لم اذكر اسم وعنوان الورشه عبث ذكرتها قاصداً اخذ الحيطه والحذر منهم ومن اضطر على التعامل معهم فعليه الحذر. ( بالاضافة الا اهمالهم للسيارة بعد اربع ايام سيارتي عندهم في الورشه لقيتها معدومه بالزيوت من براء وناسين الشمعات الامامية شغاله كان منظرها يحزن. وفوق كل هذا من المشاكل اللي كانت في السيارة وجئت لورشتهم عشانها ولم يتم اصلاحها!! حساس عداد السرعة. يعني بختصار x على مثل هالورش.