الموضوع: من غسلة الماكينه وحرارة سيارتي ترتفع فما الحل

الكلام سهل ينقال ولكن ياليت توضح اكثر بالضبط لان ممكن غسلت السياره وهي حاره وانشعرت الماكينه ..
انت افحص الاشياء الاساسيه من غطاء الراديتر اوتهريب في الراديتر او طرمبه الماء فيهاتهريب او بلف الحراره للراديتر الليات حق المويه ..

الله يعينك


الله يهديك ليش تغسلها يا أخي

غسل المكينه يضر خاصة إذا كانت حاره حرارتها على الثلث أو النصف وفجأه تصب عليها ماء وتغسلها ؛ ممكن ينشعر رأس المكينه أو الخ...

يكفي تنظيفها بالهواء المضغوط


على العموم


شيّك على :

1) ماء الراديتر لا يكون ناقص .

2) ليّات الراديتر .

3) المراوح الكهربائيه وكتاوت وفيوز المراوح وفيشها وأسلاكها .

4) تأكد أن مافيه تهريب

5) يمكن بلف الحراره يحتاج تغيير

6) يمكن تحتاج تسييخ رديتر ومسارات الماء بالمكينه (( لازم تكون المكينه والراديتر بارد قبل التسييخ ))

مع تغيير ماء راديتر ؛ خذ جالون ماء راديتر أصلي ( هوندا أخضر ما أدري اذا مركز أو مخلوط بماء مقطر .. أو تويوتا احمر مخلوط بماء مقطر وجاهز للتعبئه )

وحاول تكون نسبة ماء الراديتر 50% والماء المقطر 50%

أهم شيء لا تزيد نسبة ماء الراديتر عن 50%

الماء المقطر لو يزيد شوي عن 50% عادي

و لا تخلط أخضر مع أحمر ؛ أو أحمر مع أخضر
استخدم لون واحد ولازم يكون أصلي

خلط الألوان يسبب ترسبات ويقلل فعالية ماء الراديتر

ماء الراديتر المخلوط بالماء المقطر والجاهز للإستخدام ؛ يكون مكتوب عليه :
pre-mixed
أو
50\50 PREDILUTED

ومكتوب
DO NOT ADD WATER

كانت السياره بارده ماشغلتها من امس يوم اغسل المكينه وبعد ماغسلتها وخلصت ماشغلتها لين انشفت المكينه وبعدين شغلتها ....وانا غلطة يوم اغسلها بس قلت عن الغبار الي فيها من زمان مانظفتها قلت انظفها وحصل الي حصل :(:(:(

المشاركة الأصلية كتبت بواسطة abduallah

كانت السياره بارده ماشغلتها من امس يوم اغسل المكينه وبعد ماغسلتها وخلصت ماشغلتها لين انشفت المكينه وبعدين شغلتها ....وانا غلطة يوم اغسلها بس قلت عن الغبار الي فيها من زمان مانظفتها قلت انظفها وحصل الي حصل :(:(:(

اذا كانت السياره باااارده وقت الغسيل .. ان شاء الله مافيه ضرر على رأس المكينه
تنشفها وتنفخها بالهواء من الماء ثم تشغل السياره

لكن يمكن مع الغسيل أو الماء المضغوط .. انفصل فيش سلك المراوح الكهربائيه بدون قصد

انت الحين افتح الكبوت وبتشوف أفياش المراوح واضحه ؛ يمكن تكون مفصوله أو معكوسه

اذا كانت الأسلاك مفصوله .. المراوح ما راح تشتغل

وإذا الأسلاك مشبوكه والمراوح ما تشتغل .. شيّك على فيوز وكتاوت المراوح بعلبة الفيوز

اذا كانت الأسلاك معكوسه .. بتصير المراوح تسحب حرارة المكينه وتدفعه جهة رديتر السياره
يعني الرديتر بيحتر وتصير حرارته عاليه

لكن اذا الأسلاك موصله بشكل صحيح .. المراوح بتسحب هواء بارد من خارج السياره إلى الراديتر
والراديتر راح يبرد من الهواء البارد

وتأكد ان ماء الراديتر ما نقص .. فك غطاء الراديتر اذا ناقص زده وحاول تركز اذا فيه صدأ وشوائب أو الماء نظيف

لأن ممكن اللّي - الهوز .. اللي بين الراديتر والخزان الاحتياطي
يكون مسدود او الخ...

وتأكد أن غطاء الراديتر سليم وجلدة الغطاء سليمه


و شيّك على زيت المكينه لا يكون ناقص .. الزيت يقلل الإحتكاك .. واذا قل الإحتكاك تقل الحراره .. و إذا زاد الإحتكاك تزيد الحراره


واذا ما نفع .. تحتاج تسوي تسييخ للرديتر ومسارات الماء بالمكينه .. وتعبي ماء راديتر اصلي مخلوط بماء مقطر

واذا بلف الحراره مصدي أو متآكل .. تحتاج تغيره

وغطاء الراديتر اذا جلدته متقطعه أو الخ... تحتاج تغيره

وشيّك على طرمبة الماء


أبدأ من الأسهل والأرخص إلى الأصعب والأغلى .. عشان ما تتخسر و تغير أشياء ما تحتاج تغيير

يالغالي بلف الحراره ماعرفه انا وتوني ماخذت فتره من غيرت طرمبة الماي وتوني مغير زيت المكينه ولا نقص وصار عندي هوزالماي ورا المكينه البوز حقه مقطوع وسويت له مخرطه وضبط وركبه الهندي ثانيه والماي غيرته مرتين تقريبا والمرواح شغالين حتى اذا طفت السياره وقايمه الحراره تبقى شغاله المروحه بس الي ماشيكة عليهم ولا اعرف لهم الفيوز وبلف الحراره

وانشاء الله بعد كم يوم تنزل المكافئه وبوديها يسيخونها ^ من تنزل المكافئه كلها في السياره :(



ومع العلم قبل لا غسل المكينه حتى الحراره ماتوصل ربع اقل من الربع ومن غسلت المكينه وانا مبلوش

الله يسهل عليك طبيعي اذا سياره قديمه لازم تسوي لها صيانه وان شاء الله انها بلف الحراره ...

تم حل المشككله والحمدلله طلع من فيش حساس المراوح التبريد شغله بسيطه بس عجزت احصل مثل هالفيش وركبه الهندي دايركت يشتغلون المراوح مايطفون مادري من وين احصله هالفيش