توكل على الله
الأكورد 2011 فل كامل بـ 77 الى 80 الف
و الي انت حاط رابطها اكورد 2011 ستاندر بـ 60 الف
اعتقد انه صاحب الموتر منزل سعره كثير يمكن فيها خراب او شي تأكد
2011 ستاندر بـين 65 الى 70
برآيي جربها و افحصها و إذا ناسبتك توكل على الله و اخذها
عرض مغري و الموتر جذاب ماشالله
مااتوقع ينزل لك اكثر تراه موتره يسوى اكثر من 60 الف
المشكله اخوي ولي خوفني ان الرجال من مكالمتي له وانا اسئله وضح لي انه مو المالك الاول لها ورجال شاريها ووضح لي بالعربي انه بيترزق فيها يعني الرجال واضح انه شريطي وشكله شاريها بقل من سعرها ذا ولا ماكان حدها بـ 60 ولكن لحد الان الموضوع يخليني اتردد كثير
ورجال من كلامه السياره ماجها صدوم وهو بنفسه فاحصها قبل مايخذها واكيد انا لو باخذ بفحصها في ملحين كـ اقل شي واتاكد لكن لو طلع مافيها صدوم فقط حكات في البدي ولكن خاليه من الصدوم والرش هل تستاهل علما انها سياحي مرره يعني لو مثلآ دورت في المعارض وساحات مستحيل نقول نلاقي نفس المواصفات ذي وممشى ونظافه بقل من 60 يعني نقول 55 و 56 و 57 الف ؟
مرحبا فيك
انا صراحه م راح اطول لان الشباب م قصروا صراحه
بس بقولك شي اذا انت راعي قومات وتحب السياره اللي نفسها خفيفه
لا تاخذ اكورد لانها ثقيله بالقومه مو مثل الكامري
لاكن اذا راعي خطوط خذ اكورد لانها مع الخط م شاء لله رساوه خياليه
بس نصيحه لا تشتري الا النضيف النضيف مررررررره
لان اللي مو نضيف يمكن يطيح فيه 5 الاف بس صدقني راح تدفع الفرق بصيانتها
والهنادي م تطلب اذا انت رجال محافظ عليها
والله يرزقك الموتر اللي يريحك
يعطيك العافيه اخوي
بخصوص توضيحك لا قوه مكينه الاكورد هذا توضيح
الاكورد محرك 2.4 بقوة 177 حصان
الكامري محرك 2.4 بقوة 157 حصان
اعتقد فيه فرق بينها وبينك الكامري فى استغرب انك تقول عزمه اقل من الكامري وثاني شي انا صحيح متعود على السيارات بمكينه قويه لكن انا استخدامي لاسياره بيكون في المدينه فى ماتفرق عندي او مايهمني بشكل كبير عزم وقوه السياره
ويعطيك العافيه مره اخرى على مرورك ,,
ههههه انا معاك ان الاكورد ثقيله سيارتي قامت على هايلوكس 2009 بمقدار نص سياره تقريبا والكامري سيارهالمشاركة الأصلية كتبت بواسطة ا ر س 760
شوف وقارن بين الهايلوكس والكامري ..اسف على خروجي من الموضوع فقط للتوضيح
<font size="4">
اخواني بصراحه حصلت سياره وعربنت فيها امس ومدري كلام الناس خلاني اتردد كثير علما ان سعر السياره اقل شي شفته بالسوق من اسبوعين وانا ادور
سياره اكورد 2011 لونه لؤلوي ماشيه في 70 الف فيها بابين مرشوشه رش تجميلي وفيها حكات خفيفه في البدي يعني البدي مو نظيف مره وكاله لا فيه تلقيط خفيف داخليه السياره وكاله اعتبرها لانها نظيفه جدا المحركات وكل شي سليم ماتغير اي شي فيها الا فقط دود الدركسون اصلاح بسبب صوت وكلف صاحبها 100 ريال فقط ووضحها لي يتصلح كل 6 او 9 شهور مره لانه عيب مصنعي فيها
السياره مسيومه بي 57 الف وانا حاولت فيه ووافق على 55 الف وعربنته عليها لكن متردد في السياره بسبب الرش هذا اللي كثير قالولي عليه رغم انهم مو فاهيمن في اسعار الاكورد اكثر منكم
فى اخواني السياره هل تعتبر صيده او تعتبر حقها بضبط بحكم اللي فيها ؟
السياره كلمت شريطي وقلت له السعر قالي حقها بضبط بنسبه لي
فى تكفى الله يرحملي والدينكم انا محتار جدا في الموضوع وابي رد بسرع وقت ممكن من اكثر من شخص ابي اعرف قبل ماروح بكره افحص فحص كامل للسياره لاتاكد من كلللللل شي لان لو طلع فيها غير اللي ذكر وغير اللي شفته هنا انا بكنسل البيعه وماراح اشتري لكن لو بكره طلع كل شي تمام هل اشتريها هل تعتبر صيده تكفى ياخواني ابي رائكم لان رائكم يهمني بحكم تجاربكم في الاكورد والاسعار
بنتظاركم ,,
يارجال غير زيت بترومين وانتبه لعلبة الدركسون والقير لاتعبيها الا بالزيوت المخصصة وانتبه لموعد تغيير الزيت وتوكل على الله السيارة غير متطلبه الاقمشة الخلفية اخر مرة مشتني 75 الف وكاان باقي فيها عمر الامامية تصفق المية وانت تضضحك توكل على الله 150 الف ماقد دخلتها ورشة الين بعتها سياارة كفوووو هذه الزبدة
انت اكيد راح تلقى افضل منها لكن بسعر اغلى
يعني إذا انت ميزانيتك تسمع بأكثر من 60 الف
شف لك 2011 فل ابشن
و إذا تبي نصيحتي...
اخذها و جربها في طريق و شف ممشاها و بعد ماتتمشى فيها
ودها اقرب ورشه خل يفحصونها لك يشوفون فيها عيوب فيها خرابات
إذا مافيها شي .. توكل على الله و اخذها و اترك عنك الوسوسه
60 الف سعرها و مامشت كثير و موديل 2011
اعتقد ماراح تحصل عرض افضل من هذا
انا دايماً اروح المعارض و الصالات ماقد مره شفت اكورد 2011 بـ 60 الف !!
اخر مره شفت لي اكورد2008 بـ 70 الف يعني هل من المعقول 2008 اغلى من 2011 ؟؟
انا اشوف ان الرجال محتاج الفلوس علشان كذا نزل من سعرها المعروف
والله شوف اخوي كلامك سليم وماختلفنا فيه لكن الرجال واضح انه شاريها بـ اقل من 60 الف ووضح لي ان الرجال شاريها من المعارض وبتحديد من الساحات في المعارض ويبي يتكسب فيها يعني ذا دليل واضح انه ماخذها بقل من 60 وانا اتوقع شاريها في 55 الف وبيتكسب من وراها 5 اقل شي ولكن دقق ان الرجال لحد الان مافيه زبون شراي وانا بكون معاك جدا واضح انا انعرض لي سياره اكورد 2010 لونها عنابي وصاحب السياره هو صديق ولد خالتي وعرض علي فيها وطلب 38 الف كانت ماشيه 122 الف سياحي السياره وعلى يده والضمان باقي اعتقد في الوكاله لانه شاريها من الوكيل نفسه قبل كم سنه ولكن للاسف انا اللون ماعجبني ولكن السعر جد كان صيده يعني بمكاني اخذها وابيعها وانا اضحك في 45 وصحيح الرجال بعها في المعارض بـ 45 الف فى انا بكل صراحه موصي كثير ناس على الاكورد وجالس ابحث السياره
وماختلفنا لكن انا شفت اكورد اسعارها متذبذبه وهذا مثال وشفه بنفسك
هذا وحده حادها بـ 67 فرق عن الرجال7 الف وممشها قليل يعني تتكلم عن نقول 44 الف فقط
http://haraj.com.sa/111905508/اكورد_..._إستعمال_طبيب/
فى الاسعار متذبذه عندنا في الرياض عشان كذا ماراح استعجل فيها ومثل ماوضحت لك افكر في الامارات لكن بشوف السوق اكثر ان فرق بسيط اخذت من هنا فرق كثير رحت الامارات وشفت السوق هناك اكثر واخذت فكره
ويعطيك الف عافيه على تواصلك الدائم معي وماقصرت وربي معاي وكلمه شكر لك قليله في حقك اخوي عزآه
السلاإمِ عليكمَ ورحمهِ اللهِ وبركآتهِ
آخويَ صآحبِ الموضوعِ اللهِ يكتبِ لكِ اليَ فيهِ الخيرَ وآنـ شآء اللهِ تلاإقيَ موترَ نظيفِ وزينِ وسعرهِ طيبِ
بسـ إنتِ لاإ تستعجلِ لاإنِ العجآـهِ فيهآِ الندآمهِ شفنيَ اناِ ليَ آكثرَ من 3 شهورِ آو اكثرَ وآنآِ ألفلفِ وآدورِ لاكنِ مآجآزِ ولاإ طآبِ ليَ شيَ
علىَ العمومَ مآوديَ آطولِ عليكـِ دورِ وخذ لكِ فترهِ عشآنِ تطبِ فيَ شيَ نظيفِ وزينِ ويصآـحَ لكِ ومنهآِ إنـ شآء اللهِ تحصلِ لك موترِ
ومنهآِ تستفيدِ وتآخذ خبرهِ عن الاكوردِ كآمآـهِ ووآفيهِ وتفيدكِ وِ تذكِرِ إن كلِ تآخيرهِ لكِ فيهآِ خيرهِ
واللهِ يزرقكِ
< وِ تقبلِ مروريَ >
^^^
يعطيك العافيه اخوي وماقصرت كلامك صحيح كل تاخيرة فيها خيره وان شاءالله انت بعد تلاقي السياره اللي تناسبك والله يوفقك ..
1- الزيت وش افضل نوع لازيت المكينة ؟ وكم سعر تغير الزيت مع السيفون طبعآ ؟
افضل زيت هو زيت لزوجته ممتازة سواء هوندا او غيره 10 دبليو 40 او 20 دبليو 50 مافيها مشكلة
2- الفحمات كم تجلس لو شخص مستخدم وسواقته هاديه ومايشد على الفحمات لو كانت فحمات اصليه وكاله ؟
تجلس معك قرابة سنة تقريبا اذا سواقتك هادية وممتازة
3- افضل موديل في الاكورد من ناحيه قطع الغيار ومن جميع النواحي بغض النظر عن الشكل والخ من موديل 2008 لحد 2012 ابي موديلين افضلهم ؟من موديل 2008 الى 2012 كلها نفس القطع ونفس الاسعار ورخيصة القطع والبعض من القطع مساوي لتويوتا في السعر وقليل جدا من القطع غالية شوي لكن ماهي بشكل مبالغ فيه
4- هل صوت المكينه مزعج او خفيف مثله مثل الكامري والسوناتا الموديلات 2008 وطالع ؟سوت المكينة غير مزعج بالعكس ممتاز جدا بالنسبة للسيارات الثانية لكن لا تقارن نوعية الصوت بنوعية الصوت الخاصة بالستة سلندر لان كل محرك وله لحنه الخاص
5- اكثر قطع تتغير في الاكورد ؟السيفون حق الزيت
6- ابي اعرف تقيمكم لاسعر اكورد موديل 2010 كم اقيمها النظيف اللي يكون ممشاه في 100 لحد 140 الف ولون ابيض وكان طيس او جنوط يوضح الفئات ؟
ستاندر راح تلقاه نظيف بدون صدمات وضغط مكينة 100% وبحالة الوكالة في كل شي قرابة 55000 ريال الى 60000 ريال بالكثير
7- كل كم اصحاب الاكوردات يسون صيانه لها تقريبآ ؟
كل 5000 كيلو للي ملتزم بالصيانة
لكن الصيانات المهمة هي 1000 ثم 10000 ثم 40000 ثم 60000 ثم 80000 ثم 100000
قريبا اكيورا فخر صناعة هوندا الامريكية على هوندا العربية
اكيورا RLX 2013
والله اني ودي اساعدك لاكن لاتشري موتر الى وانت متاكد منه وفيه شي ثاني هههههههههههه كل النكات الروابط الى انت حاطها صوره للسياره على حسب كلامك ماتفتح معي ويطلع الموقع محجوب سلمات
يعطيكم العافيه اخواني وماقصرتو والحمدلله تم شراء اكورد 2011 والحمدلله الموتر ناسبني كثير خاصه حنه المكينه ولي قال ان فيه صوت حنه واضح انا اشوف ان الحنه اهداء بكثير من الكامري وسوناتا الجديده بس صحيح العزل في السياره مو مره يعني تحس تسمع صوت الزفلت تحت حتى لادعست علبه او شي تحس بصوت كانك فاتح الشباك لكن الحمدلله كاهداوه ممتازه جدا
ويعطيكم العافيه ,,
ضوابط المشاركة
رد مع اقتباس
مواقع النشر (المفضلة)