الموضوع: استفسار عن الاكورد من موديل 2008 لحد 2012

اولاً : اجابيات الأكورد من 2008 الى 2012 :

- شكل جذاب و جميل من الخارج و الداخل

- موتر قوي و عملي يتحمل الكرف و يضل معاك اكثر من 5سنين بدون مشاكل

- خراباته قليله و قد تكون عديمة الخرابات الا بعد 5 سنين يمكن تحصل خرابات

- رساوه في الخط الى حد 140

انا علشان كذا اخذت الأكورد لتوفر هذه المميزات



ثانياً : سلبيات الأكورد من 2008 الى 2012 :

- طرمبة الدركسون تطلع حنة خفيفة و انت تسوق

- اصحابها دايماً يشتكون من اصوات الديكور لكن انا لم تصادفني الحمدلله

- موتر يفتقر المواصفات مثل : البصمه و البانورما و تبريد المقاعد ( الأسيات ) .. آلخ

- العزل الأرضي سيء جداً

- قاسيه في المطبات الا إذا غيرت الكفرات


ثالثاً : افضل زيت للمكينة :

افضل زيت خاص بـ هوندا ( زيت هوندا ) يمشي السياره 10,000 كيلو و بعدها ينقص و يتغير لونه وانا مجربه زيت ممتاز لكنه غالي شوي

إذا تبغى زيت رخيص استخدم ( الترا سفن 7 ) يمشي السياره 5000 كيلو و بعدها يتغير لونه الى اسود و يستخدمونه اغلب اصحاب الأكورد




رابعاً : الفحمات :

إذا ماراح تلتزم بصيانة الوكالة ... بعد 20,000 الف كيلو غير الفحمات الخلفية فقط و بعد 40,000 كيلو غير الفحمات الأمامية





خامساً : افضل موديل من وجهة نظري الشخصية..

موديل 2011 لأسباب التالية :

ياباني100% + معاه زينون وكالة + حساسات + متوفر لون لؤلؤي

و هذه الأشياء غير متوفره في 2012 و 2013 مع اللآسف




سادساً : اكورد 2010 (4) سرندل :

راح تلقاه فل ابشن يسوى تقريباً 66الف و نازل لأن الأكورد لازالت مساكه سعرها.. ماشالله

اكورد 2008 (4) سرندل راح تلقاها بـ 50 الف و نازل



سابعاً : الكابرس

ابتعد عن الكابرس تراه كثير خرابات إذا ماتبغى الأكورد ولا تناسبك شف لك موتر يعيش افضل من الكابرس
مثل الأفالون او الأزيرا افضل من الكابرس
والله انك راح تتبهدل مع الكابرس في صيانه و الورش و الصناعية .. اصحاب الكابرس دايم يشتكون


ثامناً :

اتمنى اني افدتك بمعلومات كافية و هذا الي اعرفه و على حسب خبرتي و وجهة نظري

اخوي الموتر بعتبار انه فيه رش و حكات خفيفه و الداخلية على قولتك نظيفه و 2011 و استخدام شخصين

فالموتر هذا حقه 55 لا يقل ولا يزيد

إذا انت ميزانتيك 55 و اقل و مستعجل >> راح اقولك خذها

إذا عندك اكثر من 55 الف و مو مستعجل عادي عندك تصبر >> بقولك راح تلقى افضل منها في سوق لكن اغلى يمكن تلقى فوق 60 الف

و انت براحتك هذي نصيحتي لك

اول شي يعطيك العافيه اخوي عزاه ويعطي العافيه كل من مر هنا ووضح لي ونصحني وجزاكم الله خير


الحمدلله فحصنا السياره اليوم فحص كامل واعطتنا تقيم 90 % مكينه وقير ووضح لي الفني انها مشاءالله تبارك الله سياره جديده على تقيمه لان الفحص من 90 وفوق يعتبر جديد وليس جيد جدا حتى وابدي طلع فقط معجون خفيف جدا ورش ماكان فيها صدمه قويه ابدا ودليل ذكره لي صاحب الفحص ان البدي ماوصل لاداخل المعجون وذا دليل ان الرشه كان فقط تجميليه وبدون اي صدمه قويه والارباقات سليمه وكل شي تمام

النقطه او السلبيه في الموضوع اللي صاحب السياره ماذكره هو فقط رفرف خلفي يمين كان فيه رش بسيط وذا ماوضحه لي صاحبها فى هذا اللي طلع باقي السياره ماتشكو من اي شي فقط وضح لي انه فيه ضعف بسيط جدا في كراسي المكينه فقط ووضح لي ضعف بسيط ماهو ذاك الشي الخطير ابدا


والحمدلله كلمت الرجال ووضحته له ورجال مره كان معاي قمه في الاخلاق ونزلي في قيمتها بسبب الرفرف الخلفي واخذتها بـ 53 الف


ويعطيكم العافيه حبيت اخذ برائكم على اللي صار اكثر من شخص قالي مشاءالله 53 وفقط بدي فقط بدون محركات وداخليه يعتبر ممتاز جدا لان موديلها 2011 فى قالي سعر مره ممتاز

المشاركة الأصلية كتبت بواسطة عزآه

رابعاً : الفحمات :

إذا ماراح تلتزم بصيانة الوكالة ... بعد 20,000 الف كيلو غير الفحمات الخلفية فقط و بعد 40,000 كيلو غير الفحمات الأمامية

بالتأكيد لديك مشكلة في سيارتك

خويي معاه أكورد 2012 وغير ملتزم بالصيانة فقط صيانة الألف وبعدها سيفون
سيارته ماشية الحين 62000 غير الفحمات الخلفية على 60 الف تقريبا أما الفحمات الأمامية فلازالت

خويي الثاني معاه أكورد 2010 وغير ملتزم بالصيانة نهائيا ماشية 77 الف غير فقط الفحمات الخلفية أما الأمامية فلازالت