الموضوع: أبغا نصيحتكم

من ناحية الشكل فهو يعطي شكل خيالي لكن بالنسبة للأضرار الاخوان بقسم المشكلات والحلول أكيد يفيدونك اكثر

استلم الموضوع يالهادف

المشاركة الأصلية كتبت بواسطة الاخطبوط

استلم الموضوع يالهادف

وصل يا الأخطبوط ومشكور على الأرسال الحلو

كما قلت لواحد من الشباب سأل عن الموضوع هذا قبلك ..

التنزيل بزيادة مضر جداً لأجزاء السيارة السفلية وخلنا نقولك وش اضرارها ..

1- طرمبة الزيت في الأسفل وهي شي محتمل ان ينضرب مع التزيل ..

2 - مقصات واذرعة ووجامبينات ويايات

3- بتختلف زاوية ميلان العكس مما يتسبب بتلف نهايتيه بعد فترة من الزمن ..

4- مواسير دبات التلوث وانظمة العادم .. ضربة فيها بترفع لك حرارة السيارة على طول وبتتعب على ما تحصل ميكانيكي يحصل الضربة ..

5- تانكي البانزين شي تحت وممكن ان ينضرب كذلك ..

6- المشاكل مع الدوريات ونقاط التفتيش والمخالفات ..

فيه حلول بديلة للتنزيل ..
1- عندك اليايات الرياضية .. تقدر تركبها وتوزن فيها على كيفك بحيث تعطي السيارة تنزيلة حلوة .. لكن لا تنزل كثير .. وكذلك تحتاج تغير المساعدات لمساعدات رياضية لأن الأصليات ما بيتحملوا الضغط الشديد ..

2- تركب مقاس كفرات اقل من ارتفاع الوكالة واعرض بشوية .. 215\55\16 .. اشوفه مقاس ممتاز جداً وهذ احسن حل للتنزيل في نظري