الموضوع: سويت اصلاح علبة الدركسون وصار .....؟

اشتري برواز حق الأبر من الصيدليه واسحب منه لين يوصل تحت الخط بشويه انا سويت اصلاح علبة دركسون مثلك

المشاركة الأصلية كتبت بواسطة almassey

السلام عليكم
يالله حي من زار موضوعي
أخواني سويت اصلاح لعلبة الدركسون السفلى وعليها ضمان شهرطبعا قال المهندس يبيلها جلد ويبيلها تغيير العمود المهم الشغله كلفت 1400 ريال
بس لاحظت إنه لمن عبأ الزيت خلاه فوق الخط العلوي بكثير سألته قال خليها يومين او ثلاثة وتنزل على النص بين الخطين هل كلامه صحيح لاني سمعت ان الزيت لازم يكون بين الخطين

وعليكم السلام

كلامه غير صحيح ؛ المستوى الصحيح لزيت دركسون الأكورد أنه يكون بين الخطين والسياره بارده وعلى أرض مستويه < حسب المكتوب بكتالوج السياره

لأن اذا ما كانت السياره على أرض مستويه ؛ راح تشوف جهة من علبة زيت الدركسون مليانه وجهة ناقصه لأن الزيت مايل بسبب ميلان السياره والأرض ؛ لكن اذا وقفتها على أرض مستويه راح تشوف كمية الزيت بدقة

والزيت يتمدد شوي مع الحراره


لازم لازم تستخدم زيت دركسون هوندا موجود عند الوكاله وعند محلات قطع غيار هوندا
ترى زيت الدركسون يختلف عن زيت قير الأوتوماتيك ( الأحمر )

وهذي صورة زيت دركسون هوندا


لاحظ لون وثقل الزيت .. لونه ذهبي تقريباً وأثقل من زيت القير الأحمر




إذا استخدمت زيت أحمر أو أي زيت غير مناسب لدركسون الهوندا = راح تخرب عليك الدودة وطرمبة الدركسون + راح يكون عندك تهريب بالدوده أو الطرمبه

إذا عبيت زيت دركسون فوق الـ MAX = راح تخرب عليك صوف الدوده أو طرمبة الدركسون .. وراح تكون تهرب زيت



أشفط الزيت بأبره ( لازم تشيل الطرف الحاد من الإبره ) وتخليها كذا




واذا ما تقدر تشوف كمية الزيت بسبب توسخ علبة زيت الدركسون من الخارج

أشتر من الصيدليه بخاخ أو كم حبة مسحة طبيه .. ممتازة لتنظيف بعض الأشياء الصعبه
Isopropyl Alcohol

وتمسح وتفرك العلبه من الخارج فقط .. وراح تلاحظ أن الوسخ راح .. ومستوى الزيت باين وواضح

ثم بلل قطعة قماش أو منديل .. بالماء .. وأمسح العلبه من الخارج


وأبعد الـ Isopropyl Alcohol عن الأطفال .. عشان ما يشربون البخاخ أو يلحسون المسحه الطبيه .. لأنه يسبب وفاة أو أضرار خطيرة جدا .. عند الشرب

لكنه ممتاز لتعقيم الجروح و التنظيف و الخ...