الفيش الواصل بالدينمو ..المشاركة الأصلية كتبت بواسطة يسوري
هلابك اخوي مبارك عبدالله
بالنسبه لأصابع البطاريه نظيفه ومشحمه وما عليها اي كربون..
بس وش التوصيلات و الافياش اللي افحصها ؟؟؟
ومشكووور ع المرور،،،
بالاول افصل الفيش ونظفه وبعدين ركبه..
وافحص الاسلاك ممكن فيه سلك مجروح اوكذا يسبب المشكله ..
مشكلتك من الدينمو
االمفروض ركبت اصلي من التشليح
هذي دينمو طرمبه بانزين الاشياء هذي الحساسه لاتركب ياباني ولاغيره
ركب اصلي واذا ماتقدر على سرعه من التشليح
ياشبآآب قدرت احدد متى تظهر المشكله
المشكله تظهر بعد ما أضغط فرامل
بعد ما أرفع رجلي من الفرامل بـ ثأانـيـتـين تولع لمبه البطاريع وتطفي..
ساعدوني ياأهل الخبرة ...
يمكن المشكله من الدينمو التجاري
أو :
1) سلك وفيش الدينمو مرتخي ( يمكن اللي غيرّ لك الدينمو ما ركب الأسلاك زين ) واذا متوسخ نظفه ببخاخ تنظيف قطع إلكترونيه تلقاه عند ساكو .
2) سلك التأريض ground السالب الأسود .. يمكن مرتخي .. حاول تشيك عليه اذا مرتخي شد عليه
3) شل الشحم ؛ ثم نظف وأغسل أصابع البطاريه مضبوط ؛ وتقدر تستخدم بيكربونات الصوديوم تلقاه عند بنده
سعر العلبه الصغيره بـ 1.5 ريال .. تقريبا نفس حجم علبة الباكنج بودر لكن تختلف
بيكربونات الصوديوم تخلطها بشوي ماء ثم تحطها على أصابع البطاريه والأسلاك .. ثم تفركها مضبوط بفرشة أسنان قديمه
ثم ركبها وشدها مضبوط .. ولا تحط شحم شف إذا تضبط أو لا
لأن بعض الشحم خفيف و ما يتحمل الحراره ؛ ومع الحراره يسيل ويسيح .. ويدخل بين سلك البطاريه وأصبع البطاريه .. ويؤثر على توصيل الكهرباء
4) يمكن المشكله من شيء اسمه
voltage regulator
بالدينمو
5) يمكن من السير الخارجي ( موصل ببكرة الكرنك بكرة طرمبة الماء وبكرة طرمبة الدركسون وبكرة المكيف والخ... سير واحد ) يمكن السير عندك مرتخي ولا ركبه زين اللي غيّر لك الدينمو أو السير غير أصلي وغير مناسب
فيديو مفيد للميكانيكي الأمريكي Eric
وهذي قناته EricTheCarGuy
https://www.youtube.com/user/EricThe...?feature=watch
فيديو ثاني للميكانيكي الأمريكي scotty kilmer
وهذي قناته في اليوتيوب
https://www.youtube.com/user/scottykilmer?feature=watch
scotty kilmer و Eric
كلهم أمريكان ؛ وكلهم ميكانيكيين و خبراء
وأستفدت كثير منهم
Eric فيديوهاته طويله ويصور وهو يصلح السياره + تلقى بفيديوهاته معلومات مفيده جدا
scotty kilmer فيديوهاته قصيره وتلقى فيها معلومات مفيده جدا
وأنصح بمشاهدتهم كلهم ؛ يعني لا تسحب على واحد منهم
السلام عليكم ورحمه الله وبركاته
اولاً احب اشكر الاخ THE SILVER ACCORD على الرد الرائع و المشاركه الجميله
ولكن عندي استفهام صغير ؟؟
انت قلت فوق وتقدر تستخدم بيكربونات الصوديوم
بصراحه ما اعرف وش هي لكن بحثت بالنت وطلعتلي صورتين ومدري اي وحدة فيهم
هذي الصورة الاولى:
[IMG][/IMG]
وهذي الصورة الثانيه:
[IMG][/IMG]
يـــالــيت لو وحدة من الثنتين تنــورني..
ولكـ خالص تحياتي ،،،،،
و مشكووووووووووووووووووووور كمان على المقاطع الحلوةوربي المقطع الثاني شايب من جد ملحوووووس و فله ههههههههههههههههههههه :dبس والله استفدت من هالمقاطع كثيررر..
ضوابط المشاركة
رد مع اقتباس
مواقع النشر (المفضلة)