النتائج 1 إلى 4 من 4

الموضوع: تنظيف البخاخات وصرفية البنزبن

  1. #1
    عضو فعال
    تاريخ التسجيل
    10-2009
    المشاركات
    443

    افتراضي تنظيف البخاخات وصرفية البنزبن

    السلام عليكم


    بالنسبة لتنظيف البخاخات ادا السيارة تصرف بنزين

    بالنسبة للاكورد 2006 4 سلندر ادا كانت تمشي ادا عبت السيارة فل بنزين 95 اقل من 400 كيلو

    وهل المشكلة من تنظيف البخاخات

    يعني تحتاج تنظيف بخاخات او تغيير فلتر البنزين والهواء

    ابي اسالكم لان سيارة تمشي اقل من 400 كيلو ادا عبيت فل

    من جرب نظف البخاخات بهدا المن او صادفته هالمشكله

    او اشكى من صرفيه بنزين وصادفته هالمشكله وكيف حلهااا


    من قبل كانت تمشي اكثر من 500 كيلو

    اكثر شيء كان 600 حد اقصى


    طبعا بمنظف بخاخات من شركة مستوبيشي اصلي

    وطريقتة تعبي بنزين فل و بعدين تعبي منه و تمشي بالسيارة مشوار طويل يعني ساعه تقريبا


    وكم تكفي ادا تعبي بنزين فل وشنو نوع بنزين 95 - 91 و سيارة 6 لو 4 سلندر في الصيف والشتاء يعني مع مكيف او بدون ؟





    التعديل الأخير تم بواسطة gallardolover ; 23-05-2013 الساعة 06:09 PM

  2. #2
    The Power Of Dreams
    تاريخ التسجيل
    05-2009
    المشاركات
    1,247

    افتراضي



    وعليكم السلام ورحمة الله وبركاته

    إذا أنت راعي مقاومات أو كل شوي تهدي ثم تدعس بعنف وبقوه وتهدي مره ثانيه ثم تدعس بعنف وبقوه مره ثانيه
    طبيعي تزيد صرفية البنزين بأي سياره
    شف أنا سواقتي سيارتي نفس سيارتك لكن قير عادي ؛ وسواقتي متوسطه بسبب ساهر عشان ما تجيني مخالفات ( أول كنت راعي سرعه )

    وهذي صرفية البنزين في السواقه المتوسطه ولا أتعدى سرعة 120 .. ماشي 434 كيلو و تانكي البنزين باقي فيه كثير

    قبل نص سنه أو سنه تقريباً .. غيرت البواجي وفلتر البنزين وفلتر الهواء ونظف البخاخات

    ما شاء الله تبارك الله ؛ لكن لو أدعس لها كثيره وبقوه .. طبيعي تزيد صرفية البنزين



    البنزين اللي أستخدمه 95 فل بـ 32 أو 33 ريال ( إذا كان التانكي شبه فاضي و مولعه لمبه البنزين )

    وزيت المكينه موبيل سوبر XHP لزوجته 15W40 < ترى الزيت هذا رخيص وعادي لا تحسبه موبيل 1 الغالي :d



    سعر العلبه تقريبا بـ 14 ريال عند البناشر
    و زيت القير العادي API GL-4 موبيل 80W90

    وجنوطي 16 حقت فل كامل و كفراتي عرضها 215\60\R16 أعرض من مقاس الشد بلد 205
    \60\R16 .. وضغط الهواء مخليه على 28 تقريبا يتراوح بين 28 إلى 30 كحد أقصى .. لأن عندنا بالقصيم مطبات وحفر كثيره جدا


    نصائحي لك :

    1) ضغط هواء الكفرات له علاقه بالصرفيه .. شيك على هواء الكفرات وخلها على 30 .. أو 28 اذا فيه مطبات وحفر كثيره

    2) نظّف أو غيّر فلتر الهواء

    3) اشتر محلول تنظيف البخاخات أمريكي أصلي من ساكو أو حق ميتسوبيشي < لكن ترى ما جربت حق ميتسوبيشي وتأكد أن صناعته يابانيه

    4) أصبر إلى ان تولع لمبة البنزين " يعني أول ما تولع لمبة البنزين " رح لمحطة بنزين وطف السياره .. وصب كل علبة محلول أو سائل تنظيف البخاخات في التانكي .. ثم خل عامل المحطه يعبي بنزين فل 95 ( عادي خله يعبي بأسرع شيء عشان يختلط بشكل أفضل )

    لأنك اذا صبيت محلول أو سائل التنظيف والبنزين على الربع أو أقل .. راح يختلط بشكل ممتاز مع البنزين < وهذا الكلام المكتوب على علبة منظف البخاخات بالأنجليزي

    5) أستخدم السياره زي ما تحب ؛ و اذا وصل البنزين على الربع عب بنزين 95

    6) كذا تكون بقايا منظف البخاخات قليله جدا .. لأنها يمكن تؤثر على البواجي الجديده وفلتر البنزين الجديد

    7) غيّر فلتر البنزين وغيّر البواجي

    8) أنصحك تغير زيت المكينه لزيت أخف من 20W50 مثل الزيت اللي أنا أستخدمه أو زيت الترا سفن 15W40 + سيفون أصلي وكاله
    لأن منظف البخاخات ممكن يترك أثر على زيت المكينه الحالي


    وأستمتع
    أداء أفضل وعزم أقوى ؛ وصرفيه أقل



    * لا تصب أكثر من علبه واحده من محلول تنظيف البخاخات ( علبه واحده أكثر من كافيه ) لأن أي شيء اذا زاد عن حده أنقلب ضده .

    * لا تبالغ بكثرة التنظيف .. يعني نظّف البخاخات كل 40 أو 60 أو 80 ألف كيلو تقريبا .. يعني لا تقعد تنظف البخاخات كل 10 أو 20 ألف :d لأن زي ما قلت لك الشيء اذا زاد عن حده أنقلب ضده .

    * إذا زادت السرعه والـ RPM طبيعي تزيد صرفية البنزين .. والعكس صحيح

    * بالخطوط الصرفيه تكون أقل من داخل المدن .. لأن دعستك تكون ثابته تقريبا عكس داخل المدن والزحام كل شوي تهدي وتسرع

    * كل ما زادت لزوجة الزيت تزيد صرفية البنزين شوي .. ولا تستخدم زيت 20W50 لأنه ثقيل جدا على المكائن الحديثه

    * اذا زاد عرض وحجم الكفرات والجنوط = تزيد صرفية البنزين شوي

    * المكيف ضروري بالصيف .. عشان كذا صرفيه البنزين بالصيف تكون أعلى من الشتاء

    * حتى العزم والقوه .. الهواء اذا كان أبرد يكون أفضل للعزم والقوه والخ...


    الكلام اللي قلته لك ينطبق على كل السيارات وليست الأكورد فقط


    # متى آخر مره غيرت زيت القير الأوتوماتيك و الفلتر الخارجي حق زيت القير ؟

    # وش نوع ولزوجة زيت المكينه اللي تستخدمه + وش نوع البنزين اللي تستخدمه ؟


    # كم ماشيه سيارتك ؟







  3. #3
    عضو فعال
    تاريخ التسجيل
    10-2009
    المشاركات
    443

    افتراضي

    صاحبي عنده اكورد 2006 وارد امريكا

    المهم هو كل يسرع سرعته تقريبا بحدود 200 الي 180 - قير اوتوماتيك

    المهم يعبي فل ب 91 وتكفيه 550 كيلو الي 600 كيلو

    وهو يسرع كيف لو مايسرع\\يستخم زيت 20W50 super gt لون العلب اسود

    وفي واحد ثاني من اصحابي عنده سيفيك 2007 قير تماميك

    يعبي فل 91 ب 25 ريال وتكفيه فل 600 الي 650 كيلو ويسرع 160 الي 140 ع طول خطوط سريعه

    ويستخدم سوبر جي تي الاسود الي 20w50 لان عندنا في الشرقيه

    درجه الحرارة توصل الي 45 وفوق



    شوف درجه الحرارة في الظهر

    توصل الي فوق 40


    http://www.wunderground.com/cgi-bin/...:00000.1.40417


    كل ما كان الجو حار تحتاج زيت لزوجه عاليه لان اللزوجه من الحرار تخف

    وكل ما كان الجو بارد مثل منطقتك القصيم تحتاج زيت لزوجته خفيفه


    بالنسبه لي بدلت زيت القير اصلي من هوندت

    وزيت المكينه 20W50 super gt مع فلتر اصلي


    وبواجي اصليه

    وفلتر الهواء

    باقي الي ما سويته وقالو ل الورشات اسويه مممكن يحل مشكله الصرفيه

    وزن بلوف

    تنظيف بخاخات

    تنظيف ثورتل بدي منظم الهواء


    تبديل فلتر البنزين ؟

    وشكرا

    بسال الحين ادا ولعت اللمبه حق البنزين

    كم لتر يكون في خزان البنزين التانكي كم ريال تقريبا


    يعني يكفي الي مسافه تقريبا كم كيلو؟



  4. #4
    The Power Of Dreams
    تاريخ التسجيل
    05-2009
    المشاركات
    1,247

    افتراضي


    صرفية سياراتهم طبيعيه تكون بين 550-600 كيلومتر

    حتى عندنا بالقصيم درجه الحرارة عاليه جدا فوق الـ 40 درجه مئويه
    http://www.wunderground.com/q/zmw:00000.13.40405?MR=1

    وصحيح كل ما كان الجو حار تحتاج زيت لزوجه عاليه لان اللزوجه من الحرار تخف

    وكل ما كان الجو بارد تحتاج زيت لزوجته خفيفه .. لأن الزيت يثقل مع البروده ويسيح ويخف مع الحراره


    أخوي معه نفس سيارتي و يستخدم فوكس سوبر جي تي 20w50 ؛ وأنا كنت أستخدم فوكس سوبر جي تي 20w50 وبترومين الترا سفن 20w50 .. لكن خليتها وصرت أستخدم بالصيف 15w40 وبالشتاء البارد جدا أنا أستخدم 10w30


    وزن بلوف ما عمري سويت وزن بلوف < واذا بتسويها انصحك تسويها بالوكاله أو لا تسويها .. وممكن ما يضبطونها لا سمح الله

    تنظيف ثورتل بدي منظم الهواء = ترى من 2006 وفوق الثروتل بودي صار إلكتروني .. اذا نظفته بطريقه خاطئه .. ممكن تتأثر الحساسات أو يخرب .. يعني يمكن يضبط التنظيف ويمكن لا

    تنظيف البخاخات المفروض تسويه قبل ( تغيير البواجي + فلتر البنزين ) لأنه ممكن يأثر على البواجي الجديده أو فلتر البنزين الجديد .. وانا قلتلك طريقة إستخدامه ومن وين تشتريه بردي السابق

    تغيير فلتر البنزين كل 80 ألف كيلو


    بكتالوج الأكورد 2006 صفحة 76

    بتلقى معلومات عن أضواء التنبيه > مبين انخفاض مستوى الوقود

    مكتوب ..

    يوجد هذا المبين في مقياس الوقود
    في حالة إضاءة ضوء المبين ؛ فإن هذا يعني أنه يجب عليك التزود بالوقود
    لأن الخزان يحتوي على أقل من :
    10.3 لتر

    وصفحة 80

    مكتوب ..

    ملاحظه :

    تجنب القياده مع مستوى وقود منخفض جدا .
    إنتهاء الوقود يمكن أن يسبب خلل بالإشعال مما يسبب تلف المحول الحفاز ( دبة التلوث )

    انتهى الكلام المكتوب بالكتالوج


    معلومه معروفه ومهمه :

    إذا طفت السياره بسبب أن التانكي فاضي ؛ لا تشغل السياره عشان ما تخرب طرمبة البنزين أو دبة التلوث
    جب بنزين وعبها


المواضيع المتشابهه

  1. بعد تنظيف البخاخات
    بواسطة أكبر من لقـAccord 2007ــب في المنتدى هوندا اكورد Accord
    مشاركات: 8
    آخر مشاركة: 18-01-2012, 01:10 PM
  2. هل تنظيف البخاخات مهم ..
    بواسطة al-5alahf في المنتدى هوندا اكورد Accord
    مشاركات: 7
    آخر مشاركة: 25-10-2011, 01:40 PM
  3. تنظيف البخاخات؟؟!!
    بواسطة %ابو احمـد% في المنتدى هوندا اكورد Accord
    مشاركات: 11
    آخر مشاركة: 26-04-2011, 03:43 AM
  4. تنظيف البخاخات
    بواسطة نـــصر في المنتدى سيارات هوندا الاخرى Other Honda Cars
    مشاركات: 4
    آخر مشاركة: 25-01-2011, 05:12 PM
  5. تنظيف البخاخات
    بواسطة هاي الشرقية في المنتدى سيارات هوندا الاخرى Other Honda Cars
    مشاركات: 2
    آخر مشاركة: 10-01-2010, 09:57 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 56.12 Kb. compressed to 50.64 Kb. by saving 5.48 Kb. (9.77%)]