لا توسوس
اذا كنت تستخدم بنزين 91
اصبر الين تولع لمبة البنزين ؛ ثم عب فل 95 < جرّب
وش نوع الزيت اللي تستخدمه ؟ وكم ماشي على الزيت والسيفون ( فلتر الزيت ) ؟
شيّك على زيت المكينه لا يكون ناقص
السلام عليكم اخواني كيفك يا رب تكنون بخير كان عندي صوت تكتكه وانا ادعس بنزين فا سالت ناس اعرفهم عندهم خبره يقولون هذي وزن بلوف واليوم رحت للوكاله الي في الصيانه شكله اهبل وهو جالس من بعيد وكذا احسه يقول اي شي يقول توضيب ف يا شباب تكفون الي يقدر يفيدني لان الصوت تكتكه خفيف مره في ايش تنصحوني وهل تحتاج توضيب ؟؟؟
لا توسوس
اذا كنت تستخدم بنزين 91
اصبر الين تولع لمبة البنزين ؛ ثم عب فل 95 < جرّب
وش نوع الزيت اللي تستخدمه ؟ وكم ماشي على الزيت والسيفون ( فلتر الزيت ) ؟
شيّك على زيت المكينه لا يكون ناقص
عليكم السلام
وش نوع السيارة 4 او 6 ؟ وكم ماشيه السيارة ؟ ومتاكد ان الصوت من المكينة
وممكن تصور فيديو !!
يعطيكم العافيه اخواني وانا استخدم 95 من اول والزيت خفيف كاسترول والسياره ماشي 200 الف اخر مره غيرت الزيت والسيفون ماشي عليه 2000 كيلو والسياااره 4 سلندر
ياهلاا
اللي قالك توظيب هو يبغاله توظيب :d
طبيعي الاربعه سلندر تسمع صوت تكتكه خفيفة للبلوف
وفي اسوأ الحالات وعندما تكون بلوف قافلة وهدا له دلائل واضحة في تدني ملوظ ومباشر في العزم
تحتاج فقط وزن بلوف وترجع طبيعية
وضعك ياقمرر طبيعي اذا العزم عندك كويس
يا شيخ الله يطمن قلبك مثل ما طمنتني ومن جد هذاك يبغاله توظيب جالس على كرسي يحسسك انه صاحب شركة هوندا ويا رب يكون بس وزن بلوف لانه يقولي توظيب المكينه 15 الف
الله يعافيك
اذا كان الزيت اللي تستخدمه كاسترول GTX 10W30 .. يمكن أنه مغشوش
جرّب زيت بترومين سوبر 10W30 وإن شاء الله بيعجبك
أما اذا كنت تستخدم زيت كاسترول ماقناتيك 5W30 تخليقي بالكامل ؛ فيه زيوت بلزوجه أعلى مثل :
شل هيلكس الترا 5W40 تخليقي بالكامل
أتوقع 5W40 أفضل بالصيف من 5W30
السيفون لا تستخدم إلا أصلي وكاله سعره 19.20 ريال من الوكاله بعد الخصم
التعديل الأخير تم بواسطة THE SILVER ACCORD ; 08-06-2013 الساعة 12:07 AM سبب آخر: إضافة صورة زيت كاسترول
اخوي انت وين ساكن ؟
اذا في الرياض وخصوصا غرب الرياض فيه ورشه محترمه واسعارهم معقوله بعيد عن الصناعيه والغش
وانت جاي من الجسر المعلق ادخل مخرج 27 وخذ يسار من عند الاشاره بعدين عد الاشاره الاولى مع الاشاره الثانيه اللي هو طريق ( حمزة بن عبدالمطلب ) خذ يمين
وبتل لين تجيك اول اشاره مايمديك تتعداها الا وهو يمين اسمه ( الوعلان ) عقب فوال تلال الطائف مباشششششره
شف طال عمرك اذا اللي في الوكاله ماشيك على الموتر ادر ان ماعنده سالفه ويبي يشفط مخابيك
طرريقة الوكاله وباوامر من الوكيل نفسه يطلب دخل محدد شهريا من مخابينا لان مكسبهم في قطع الغيار والصيانه
اما سعر شراء السياره يعتبر ربح في لحظتها فقط
مشكور اخوي عالمجهود والله يجزاك خير وان شاء الله بغير لهذا الزيت واخوي الي شرحلي مكان الورشه الله يعطيك الف عافيه بس انا في ابها بس مشكور انك افتني اني ما اسمع كلام الوكاله وان شاء الله لازم اروح اشيك عليها في اكثر من ورشه كويسه
الصوت هذا من عامود الكرنك الي فوق البلوف
حاول تسوي وزن بلوف اذا مانفع مالك الا توضيب
اعتقد اخوي سيارتك متعرضه لرطوبه او ماء عن طريق الفلتر من الامطار او المستنقعات
الصوت طبيعي ولاتوسوس
الااذا لاحظت صرفيه واضحه بالبنزين اوفرق بالعزم فتحتاج وزن بلوف مع اني ارى واسمع خلاف ذلك
الاكورد فيه عمودين كام وظيفته يتحكم بالبلوف (الصمام) واحد لدخول الهواء والثاني خروج اول اكسيد الكربون الناتج من احتراق الوقود مع الهواء الى العادم
طقطه البلوف مثل المطرقه واضحه مثل ماهو موضح بالفيديو
<strong><font size="3">
يعطيكم العافيه بس اخوي لو عندك علم كم توضيب المكينه لان انت ثانيواحد يقولي عمود الكرنك
بس الفيديو الي جابه اخوي مبارك الله يعطيه العافيه نفس الصوت الي عدي كمان لما ادعس بنزيم يزيد الصوت
طيب اخواني لو طلع تبغا توظيب اذا احد عنده فكره كم تكلف ؟؟؟
يا أخي مكينتك سليمه
ليش توضّب وليش مصّر أنك توضّب ؟ التوضيب يمكن ما يضبط لمكاين السيارات الحديثه ( مكاين الألمنيوم ) ويمكن يضبط ما أدري
وأجزاء المكينه الداخليه لها وزنيات دقيقه جدا فيه شيء اسمه مفتاح العزم لشد الصواميل والخ... وفيه فيلر قيج لقياس خلوص ( فضاوة ) البلوف
الوكاله يبون ينصبون عليك
يا أخي أنا مكينة سيارتي سبق أن وصلت حرارتها h وسقتها الين وصلت البيت " مسافه متوسطه " < السالفه هذي قبل 3 سنوات صارت .. لأني غيرت ماء الراديتر ولا عبيته زين لأني كنت عليمي وارتفعت الحراره وانا ما دريت
وأنا كنت كارفها كرف كنت راعي سرعه والخ... ولا عمري وزنت بلوفها أو فكيتها
والحمد لله ما خبطت المكينه ولا شيء ؛ وإلى الآن أستخدمها
أحيانا أغيّر زيت المكينه كل 5 آلاف مع السيفون
و
أحيانا أغيّر زيت المكينه كل 5 آلاف والسيفون كل 10 آلاف
أهم شيء تسخين ( تحمية ) السياره + تغيير زيت المكينه كل 5آلاف وفلتر الزيت كل 10 آلاف + لا تشد على السياره وهي بارده + لا تهمل ماء الراديتر عشان ما ترتفع الحرارة بسبب النقص الشديد
الزيوت انواع ولزوجات مختلفه وكل نوع أو لزوجه ؛ أحيانا يكون له تأثير معين سلبيات وإيجابيات
غيّر نوع الزيت + خذ فلتر زيت (سيفون) أصلي من الوكاله
اذا جيت تغير الزيت .. خل البنشري يفرغ الزيت كله ( يعني بعد ما يفك صرة زيت المكينه يخليها مفتوحه إلى أن يفرغ الزيت كله )
وتقدر تصب ربع أو نص علبة زيت عشان تطلع بقايا الزيت القديم .. عشان تغير نوع الزيت < قليل أسويها
يا شيخ الله يسعدك وربي طمنتني وانشاء الله بكره بروح اوزن بلوف واقولكم ايش صار
السلام عليكم اخـــباركم اليوم رحت الوكاله واكدلي انه من عمود الكرنك بس قالي ماهو متاكد انه عمود الكرنك بس يقول بيفك المكينه ويشوف ايش الي خربان غير عمود الكرنك والتوضيب ممكن يكلفني 17 الف ف قالي احسن اشتري مينه جديده ابغا نصيحتكم ؟؟؟؟
الصوت عامود كرنك زي ماقلت لك قبل لاكن ليه عامود الكرنك خرب هل السياره تعرضت للماء هل قاعدة وعلبة فلتر الهوا من تحت فيه كسر لازم تشيك قبل تصلح
بنسبه سعر التوضيب الي تقوله الوكاله هذا سعر توضيب كامل حتى الكامل مايوصل لهدرجه
صلح سيارتك عند ورشه محترمه ماراح يكلفك واجد لان الي تحتاجه هو نصف توضيبه
لاكن ممكن الصوت من السبايك لانها تطلع نفس الصوت لاكن اعتقد انه عامود لان كثير الي صار معهم نفس العطال من الماء
بقولك شغلتين مالهم ثالث
اغلى قطعه داخ المكينه هي عامود الكرنك الشي الثاني لايمكن الحكم الا بعد فك غطاء المكينه
اتمنى اني فدتك
الله يعطيك العافيه اخوي على مجهودك ما قصرت وصادق في كلامك لان فيه في الصناعيه واحد يقولي انها ممكن من السبايك تسوي هالصوت وقالي بتكلفك في حدود 4500 ويا رب تكون منها مو شي ثاني
السلام عليكم
شباب معليش ازعجتكم\:(
بس عندي استفسار عن عمود الكرنك كم سعره ؟؟؟ وهل ياثر على عزم السياره بعد تغيره ؟؟
يعطيك العافيه اخوي مبارك موديل 2008 طيب لو هي من السبايك عندك فكره كم تكلف ؟؟
مواقع النشر (المفضلة)