يا شباب المشكلة فعلا بالكفرات لكن الي عنده المشكلة وهو ماشي على الكفر مثلا 10 الاف كيلو انصحه يخلي الضغط 35 للأمامي و35 الخلفي راح يختفي الصوت بشكل كبير بشرط انك تستخدم معيار ضغط الكتروني او اصلي من ساكو وليس معايير الضغط الي عند محلات البناشر كلها مضروبة وبقوة ...

بالنسبة لتبديل اماكن الكفرات اذا انت تحرص كل 10 الاف تغيير اماكن الكفرات كويس واذا كنت مطنش خلها لين ربك يفرجها وتغير الكفرات لان الكفرات بعد مدة بسيطة بتطلع اصوات لكن دائما خل الكفرات الي فيها تشطيب او مسح ورا والكفرات الكويسة قدام وهي اهم لان الثقل عليها والفرامل واللف ووزن المكينة والسائق ...


اما الي ماشي على الكفر 35 الف واستهلك الكفر شوي يحاول تزيد الضغط للكفرات 37 امامي 35 خلفي راح يقل الصوت عند اليوتيرن والفرامل واذا ما قل الصوت اعرف ان الكفر فيه تشطيبات في اطرافه بسبب الاستعمال وان عمره قرب يخلص ...

كفرات ميشلان التايلندية سيئة جدا على الاكورد بصراحه دام دافع دافع ليه ما حطوا كفرات زي الناس مثل primacy 3 لكن سياسة شركة تبي توفر :d صلخ سيارة ب 100 الف وكفراتها رديئة المشكلة كفرات السوح احسن من الفل من حيث الجودة ...
وكفرات الفل كـ شكل سيئة جدا ..

انا علمتكم بالحل جربوه وشوفوا (( نصيحة اشتروا معايير ضغط اصلي الكتروني وحطه في الشنطة مع الكفر الاحتياطي ))


اغلب الأحيان الكفرات الي تجي مع السيارة شد بلد ما تطوول سنة - سنة ونص وتبدا تخرب وتطلع اصوات ( التخزين للكفرات في مصنع هوندا وتاريخ صنع الكفر - النقل بالبواخر - تخزين السيارة وضغط الكفرات 60 كلها لها تأثير ولو بسيط )