وعليكم السلام ورحمة الله وبركاته
الله يعينك
يا أخي غريبه تخبط المكينه فجأه بعد تغيير الزيت بـ 1000 كيلو ... محركات هوندا من أفضل المحركات لكن أحس أن الزيت مغشوش أو السيفون تجاري أو درجه ثانيه أو الزيت ناقص ... أو ماء الراديتر ناقص ... أو البنشري يمكن ما ركّب السيفون والصرة زين
ما أدري بصراحه هل التوضيب أو التغيير أفضل ... لكن أنت تقول طرمبة الزيت وعمود الكرنك والقطع هذي اتوقع غاليه
و اتوقع لو تغير مكينتك بمكينه نظيفه وغير موضبه وتاخذ ضمان عليها لأطول مدة ممكنه ... يكون أوفر وأريح لك
لكن لا تاخذ بكلامي تأكد بنفسك و رح للوكاله وأسألهم عن الأسعار مع خصم 15% أو 20%
أنا سبق ان الحراره أرتفعت عندي لـ H ( قبل يمكن 4 سنوات ) والسبب اني غيرت ماء الراديتر ولا عبيته زين ... يوم فتحت غطاء الراديتر مالقيت ماء ولافيه تهريب
المهم اخذتها للبيت وعبيتها ماء مقطر والحمد لله ما خبطت ولا جاها شيء .. ولا عاد أرتفعت الحراره
نصيحه .. بعدين اذا بغيت تغير زيت سيارتك :
خذ من الوكاله سيفون أصلي بـ 19.20 ريال وبمحلات قطع غيار هوندا بـ 20 ريال
ورح لبنشر أمين وشغله نظيف ؛ وخلك عند راسه وتأكد من العلب والزيت لا يكون مغشوش وأنصحك ببترومين وانتبه لا يصرفك وانتبه للعلب وهو يعبي بعض البناشر يعبي لك علبه او علبتين اصلي والباقي مغشوش ؛ و قبل تمشي من البنشر انزل شيك على السيفون والصرة تأكد أنها راكبه مظبوط ولا فيه تهريب
مع تغيير السيفون تاخذ 4 علب وربع علبه فقط لا غير ؛ وبدون تغيير السيفون 4 علب فقط لا غير
أنت كل كم تغير الزيت وكل كم تغير فلتر الزيت ؟
و
هل تعاير تشيك على الزيت كل فتره وفتره ؟
و
هل تعبي ماء الراديتر ماء راديتر أصلي وماء مقطر .. أو ماء حنفيه بزبوز ؟
عاير الزيت الحين وشف لونه ولزوجته وريحته ؛ شف اذا هي خلطت ماء و زيت ؛ وشيك على ماء الراديتر
http://www.assayyarat.com/forums/thread214132.html
طرمبة الزيت بالخارج سعرها تقريبا 1078 ريال أو 1087 .. بدون تكلفة الشحن
http://www.1hondaparts.com/parts-catalog/honda/accord-sedan/2006/ex/5-speed-automatic/engine/oil-pump-l4
http://www.hondapartsnow.com/Page_Pr...1776%201481529
عمود الكرنك بالخارج سعره تقريبا 1123 ريال أو 1132 ريال .. بدون تكلفة الشحن
http://www.1hondaparts.com/parts-cat...haft-piston-l4
http://www.hondapartsnow.com/Page_Pr...1784%201481358
عاد أسعار الوكاله ما أدري .. لكن إذا رحت لهم أطلب خصم 15% أو 20%
قبل توضبها أو تغير المكينه .. شلها بسطحه و أفحصها عند أكثر من ورشه ممتازه و إذا ما عرفوا لها أفحصها بالوكاله ؛ لأن يمكن تكون المشكله بسيطه ولا تحتاج توضيب أو تغيير مكينه ... وحاول أنك ما تمشي عليها
يعني على سبيل المثال يمكن شدادت جنزير المكينه أو الخ...
لو لا سمح الله جيت تغير الطرمبه القديمه لا ترميها ... لأن ترى ممكن تحتاج بس تنظيف لشخالها ( الفلتر - الصفاي ) وتضبط وتصير من أحلى ما يكون
شف هذا راعي كامري 2007 كان عنده مشكله بطرمبة الزيت ... وفكها بورشه ولقوا شخالها مليان وصخ و شبه مسدود ... ونظفها وظبطت الطرمبه
http://www.toyota4arab.com/forum/t258059.html
قبل التنظيف
بعد التنظيف
ولمزيد من الصور .. شف الرابط هذا :
http://www.toyota4arab.com/forum/t258059.html
بالتوفيق ان شاء الله
رد مع اقتباس
مواقع النشر (المفضلة)