الموضوع: شمعات اكورد 2003 _2007

وعليكم السلام

النور وإنتشاره ممتاز

لكن يمكن المشكله من الشمعات التجاريه أو من الوزنيه

لها طريقة للوزن .. شف الموضوع هذا فيه طريقة الوزن بالصور
http://www.hondaarabia.com/club/show...E1%%20E4%E6%D1

وركّب لمبات ألمانيه 70W للنور الواطي .. تلقاها بمحلات الزينه وبعض محلات قطع غيار هوندا
سعر الحبه بـ 25 ريال

شكرا لك اخي سلفر فعلا كانت المشكله من الشمعات التجارية ركبت الاصليه والننور فرش لكن النور خفيف بركب ان شاءالله اللي كلمتني علية واشوف النور وارد عليك لكن ابسالك هل 70 واط تجهر خلق الله ام لا مااني ناقص دعاوي

المشاركة الأصلية كتبت بواسطة تعتع

شكرا لك اخي سلفر فعلا كانت المشكله من الشمعات التجارية ركبت الاصليه والننور فرش لكن النور خفيف بركب ان شاءالله اللي كلمتني علية واشوف النور وارد عليك لكن ابسالك هل 70 واط تجهر خلق الله ام لا مااني ناقص دعاوي

عفواً : )

وش نوع شمعاتك التجاريه السابقه صينيه أو تايوانيه ؟ وهل كان فيها عج وباهته ؟ لأن يمكن تحتاج تلميع

لا ما عليك ما تجهر خلق الله إن شاء الله ولا تشيل هم .. و نورها ممتاز وصناعتها ألمانيه Made in Germany وسعر الحبة 25 ريال .. يعني طقم الواطي بـ 50 ريال

الواطي الشد بلد 51 واط × 2 = 102W
الواطي الألماني 70 واط × 2 = 140W

فيه كوري الحبه بـ 15 ريال والواط حقها 80W و فيه صيني الحبه بـ 10 ريال اذا ماني غلطان .. لكن ما أنصحك بهن


أما إذا أنت بتركب شمعات 100 واط بالعالي ..... لازم كتاوت عشان ما يصير العالي يعلق عندك ..... لأن :

شمعة العالي الشد بلد الواحده تسحب 60W أضربها في 2 (يعني شمعتين) المجموع 120W

شمعة العالي الألمانيه الواحده تسحب 100W أضربها في 2 (يعني شمعتين)المجموع 200W

الفرق 80W واط يعني 6.66 أمبير

فرق كبير ولازم كتاوت وظفيره خارجيه جاهزه ... عشان تحمي كتاوت وظفيره الشد بلد والخ... من الضغط الزائد ( 80 واط .. 6.66 أمبير )

أما اذا بتركب شمعات ألمانيه في النور الواطي فقط .. تقدر تركبها بدون كتاوت ( أخوي مركبها بدون كتاوت في الواطي ولا عنده مشاكل ونوره ممتاز )


شف الموضوع هذا

تجربتي نجحت بحمد الله ( حل مشكلة تعليق النور العالي بـ 50 ريال )

الكتاوت فائدته ان يريح ويحمي ( كتاوت النور الشد بلد + ظفيرة وأسلاك النور الشد بلد + فاصل النور + الخ... ) يعني الأِشياء هذي ما يصير عليها ضغط ابد

الكتاوت يسحب الكهرباء من بطارية السياره وليس من ظفيرة السياره او الخ... طبعا يشتغل اذا انت تبيه يشتغل ويطفى اذا تبيه يطفى ... وتتحكم فيه من عصا نور الشد بلد

الكتاوت والظفيره الخارجيه الجاهزه سعرها 40 أو 45 أو 50 ريال وصناعتها تايوانيه ولونها اصفر والتركيب بالكثير 10 ريال وبعضهم يركبونها لك بلاش اذا شريتها ... فيها أفياش يعني فقط تركيب بدون تجريح وبدون قطع اسلاك ... وتقدر تفكها متى ما بغيت وترجع النور شد بلد

أفياش النور الشد بلد تستخدم في الكتاوت عشان تتحكم بالنور تشغله او تطفيه ... لأنها تعطي اشاره كهربائيه للكتاوت والكهرباء خفيفه جدا .. لكن سحب الكهرباء القوي يكون من البطاريه

ياليت لو ألقى كتاوت وظفيره جاهزه يابانيه أو ألمانيه .. مافيه إلا صناعه تايوانيه

فيه كتاوت ياباني وماليزي وامريكي والخ... لكن بدون ظفيرة وتحتاج تسليك وتعب ... لكن الجاهز أحسن لأنه ما يتعبك بالتسليك وتكون الأسلاك معزوله بشكل ممتاز وفك وتركيب

أنا بسيارتي مركب :

كتاوت و ظفيرة صفراء تايوانيه بـ 50 ريال تقريبا مع التركيب ( ركبته بعد ما صار عندي تعليق بالعالي ؛ وعشان احافظ على كتاوت وظفيرة السياره من الضغط الزائد )
شمعات واطي ألمانيه 70 واط حبتين بــ 50 ريال
شمعات عالي ألمانيه 100 واط حبتين بـ 50 ريال

المجموع 150 ريال .. ولو تشتريها من محل وتكاسره يمكن ينزل لك السعر شوووي

ولها سنه ونصف تقريبا راكبه على السياره .. ولا راح أفكها

واللي خابر كتاوت وظفيرة جاهزه للنور الهالوجين وليس الزينون ( وتكون صناعتها ألمانيه أو يابانيه ) ياليت يفيدنا

اشكرك اخي الكريم سيلفر على هذي المعلومات القيمه بالنسبه لسؤالك انا مركب شمعات تيواني شركة ديمو سعر الحبة ب100 ريال وركبة الحين اصلي ب700 ريال للحبه المجموع ى1400 ريال ام النور ماعندي مشاكل الا في الواطي مفروش لكنة خفيف شوي العالي غندي مركب زنون 55 واط اصلي هيلا بصراحه يفرش الخط لمسافة بعيدة اذا كبسة اشوف الجبال شمعة الزنون 6000 كلفن

السلام عليكم يااخي التجارية التياونية وغيرها ماتنفع ولا بريال صدقني انا خسرت 700 ريال على التجاري كذا نوع جربت ثلاث ازواج يجي النور مقطع مكيننة الميزانية فيها تعليق النور مره يجي على اليمين مره على اليسار والا اللمعه والشكل الخارجي نفسة الاصلي الاصلي ميزته تقدر توزن النور ويجيك فارش وعلى كيفك انا ركبت محولات الزنون على الواطي فرش لي الخط هل تنصحني اركب محولين زنون للواطي والعالي بدون فاصل بالنسبة لحساس الوزن اومكينة الوزن اذا كنت تبيني اكتب موضوع عنه كتبت لاني تعبت الين ركبتته