مشاكل اكورد 2014 جديده
السلام عليكم ورحمة الله وبركاته
كيف حالكم جميعا ؟
إن شاء الله بخير ..
يا شباب انا الحمدلله طلعت هوندا اكورد 2014 سبيشل من معرض في الشفا لاني ما حصلت في الوكاله الا حجز بعد اسبوعين
بس لاحظ 3 مشاكل في السياره مضيقه صدري جدا
1 : لما امسك الطاره واصلبها تصير ما فيه حذفه وكل شي تمام بس بمجدر اترك الطاره تحذف يسار ، جربتها في اكثر من شارع وسرعات مختلفه ونفس المشكله 'طبعا ما تعديت 120 اثناء تجربة المشكله ''
2 : عندي صوت طقه في القير لما اغير النمره من n الئ r
3 : صوت الهواء في الابواب وبالذات السواق
طبعا السياره حاليا ماشيه 930 مطلعها قبل 4 ايام فكيف ادخل صيانة الالف حجز ولا اروح لهم بدون حجز ، وانا ماخذها معرض ما يجي معها دفتر صيانه هم يعطوني ولا كيف ؟
الي موتره جديد وملاحظ نفس ملاحظاتي يقولي
اسف علئ الاطاله بس والله السياره جديده ومضيقه صدري
مشكورين مقدما
وعليكم السلام ورحمة الله وبركاته
الله يكفيك شرها ويعطيك خيرها
انا معي فل مخمل 14 نفس مشكلة التنسيم .. رحت الوكاله في صيانة 1000 بدون حجز غيرو زيت وسيفون وماطلبو اي دفاتر طلبو الاستماره ..
اما بخصوص التنسيم قالو خلي السياره هنا وتعال بكرا استلمها جيت اليوم الثاني والمشكله كما هي ماتغير شي .!! وسافرت في نفس اليوم وماراح ارجع الا نهاية الشهر وبرجعلهم ان شاء الله
ياليت تشوف موضوعي هذا
مشكلة التنسيم في اكورد 2014
شوف الصوره حقت الربل ممكن تكون منها .؟!
بالنسبة للحذفة يسار هذي موجودة في سيارتي 2012 حذفة بسيطة لليسار احيان تجي واحيان تمام اما اذا مسكت الطارة مافيه حذفة
الظاهر هوندا تحب الجهة اليسار اكثر من اليمين هههههه سواء كان الدركسون هيدروليكي او كهربائي
بالنسبة لمشكلة التنسيم لأصحاب الاكورد الجديدة ماأنصحهم يودونها الوكالة ويلعبون لهم بوزنية الابواب بدون فائدة المشكلة ذي مالها حل
انا عندي نفس الشي تنسيم وطقه في الريوس اما الحذفه مش موجوده عندي شييك على هواء الكفرات
امين الله يجزاك خير ، الربل موجود عندي ، كلمتهم قالوا احجز موعد عشان الصيانه و المشاكل بخليها تكمل الف و شوي وباروح لهمالمشاركة الأصلية كتبت بواسطة kaleed
الحذفه عندي نفس النظام اذا مسكت الطاره تطلع تمام بس افكها احذف يسار
التنسيم لازم اني بدخلها عندهم السياره جديده قهر اخليها كذا
يعطيك العافيه
هل الطقه طبيعيه ولا عيب مصنعي ؟
باحجز موعد وباشوف وش يقولون في المشاكل
انا مطلع 2014 من معرض بجده بطاقه جمركيه ودفتر الصيانه جى معها ماعندي تنسيم او اني مالاحضت لاني ماامشي عليها اكثر من 100 لسا تحت التمرين الطقه مادققت فيها لاكن حجرب واشوف
اذا سيارتك بطاقه جمركيه ارجع للمعرض وطالبهم بدفتر الصيانه
والله يعطيك خيرها ويكفيك شرها
لاهنت بعد ماتحجز وتروح الوكاله بلغنا وش صار معك
اللي يريحك ياخوي
بس اذا حلت الوكالة مشكلة التنسيم لسيارتك تعال قابلني
والخوف تجي تكتب تقول خربوا لي وزنية الباب وصار مايتقفل زي اول
بالتوفيق
حجزت موعد بكره الصباح عشان صيانة الالف و طقة القير والحذفه .
التنسيم صح قهر بس اخاف يلعبون فيها ويطلع اقوئ من اول
مساكم الله بالخير جميعا ..
رحت الوكاله عشان موعد الصيانه و الملاحظات ، كلمت الفني عن المشاكل قال صوت القير هذا طبيعي لان القير فيه قفل واذا بتغير من n الئ r يطلع الصوت طقه و d نفس الكلام .
وكلمته عن الحذفه قال عدلناها لك رفعنا السياره وشيكنا علئ كل شي و الكفرات وهم نصابين ، يوم جيت اخذ ورقة الاستلام قالي جربها يومين وثلاثه ومن كلامه عرفت انهم ما صلوحها ، استلمتها وطلعت اجربها نفس المشكلهرموجوده رجعت لهم وكلمت الفني قال بيطلع مع واحد يجربها ، طلعنا وقعد يدعس علئ السياره وكل ما مشئ تقريبا 200 متر حذفت يسار علئ خفيف قال طبيعي !! قلت انا معي فورد 2004 وامشي 160 ولا تحذف وزي اللوز قال الهوندا كذا طبيعي .
ما اقتنعت بكلامه الصراحه بس ما في يدي شي ، عموما الحذفه ما هي ماثره مره بس مقهور شوي السياره جديده .
الصيانه الجايه حقت 5 بخليها عندهم ويضبطونها .
طيب ماكلمتهم على التنسيم .؟
هذا اسلوبهم مع الاسف تخاف على سيارتك عندهم . ما اعتقد انهم اهل خبره زيهم زي غيرهم ف الورش ماكأنك داخل شركه .!!
نفس حركة المهندس يوم اشتكيت من المكيف ما يبرد زين
ركب معي وقال طبيعي هذا مكيف الأكورد! كأنه يقول الأكورد
سيارة فاشلة! المهم فحصت الفريون في ورشة خارج الوكالة وقال الغاز ناقص
وهذاالي كنت متوقعه وعندي موعد في الصيانة أبخليهم يزودون الفريون,
بصراحة وكالة زفت لكن الحق مالهفو مننا واجد مثل وكالة تويوتا
لا والله التنسيم ما كلمتهم عنه خفت يلعبون بوزنية البيبان ثم ابلش وتطلع اردئ من اول
بس والله عشان ما اظلمهم استقبالهم للعميل تقريبا جيد بس خدمتهم مش ولا بد ولا اقدر احكم عن اسعارالصيانه لان تو موتري ماشي 1500 .
ضوابط المشاركة
رد مع اقتباس
مواقع النشر (المفضلة)