اقتباس المشاركة الأصلية كتبت بواسطة accord v6 cup مشاهدة المشاركة
2017 بتكون اخر موديل في هذا الشكل وبتنزل نفس مواصفات 2016 ليش تحرم حالك ؟ حسب مواكبتي للهوندا هذا الي يصير شوف مثلا في شكل ( 98 - 2002 ) كانت التغييرات طفيفه في الشكل لكن اخر موديل 2002 نزلوا لونين ماكانوا موجودين على ذاك الشكل الي هو الازرق و الاسود , الاسود كان حق سبيشل ايدشن و الازرق لون ترويجي للشكل الجديد 2003

برضو في شكل 2003 الى 2007 اول موديلين كانوا مثل بعض 2003 و 2004 ماتغير شي فجأه تغيرت الخلفيه في 2005 - 2007 و كانت المواصفات نفسها طبق الاصل عدى اختلافات بسيييييطه تكاد لا تلاحظ

حاليا نفس النمط 2013 و 2014 نفس الشكل و المواصفات بدون اي اختلاف .. 2015 تغيرت السياره لنسخه السيدان ( تصنيع الصين ) من اكبر التغييرات الي صارت هو الهندبريك ( الجلنط ) وشبك و صداديم وبتستمر على شكلها الحالي الى 2017

يعني فرصتك الان تاخد 2016 و تفك حالك الموديل الجاي بيكون نفس المواصفات و الشكل خذها مني ماراح يتغير


اما بالنسبه للمواصفات في المقطع ياخوي ذي نسخه امريكيه ماتجينا السعوديه بنفس المواصفات خاصه للالكرونيات ( الشاشه و الكاميرات وتخزين وضعيات الكرسي ) في خدمات في امريكا مثل الهوندا لينك سيستم ما يجينا السعودية ... و كاميرة الامامية لمراقبة خطوط الشارع ماهي موجوده

يعني لا تحط امال ان الكار بلاي يكون موجوده عندنا مثل ماهو موجود في المقطع , خذ حالك على الوكاله وشوف الموتر الفل اوبشن وقارنها بالمقطع , هذا الي بيجيك في 2017

اذا تبي تنتظر الى الشكل الجديد في 2018 انا معاك التغيير بيكون 80% وانشالله يحلوا مشكله العزل الله ياخذهم

اما تنتظر 2017 صدقني ماله داعي ابدا ... انتظر لرمضان بعد افضل لك انا اخذت موتري عليه خصم 8 الاف ريال في رمضان

تحيه
مشكلة العزل أخي الكريم تم حلها تماماً بشكل جذري في موديل 2015 ،ولم يعد لها وجود .

مشكلة العزل كانت في الموديلات الأمريكية 2013 و 2014 ،،أما بعد أن أوقفت شركة هوندا توريد الطراز الأمريكي (المصنوع في أمريكا) للشرق الأوسط ،واستبدلته بالطراز الياباني (المصنوع في اليابان،والمجمع في الصين) ،انتهت هذه المشكلة بالكامل ،لأن مشكلة العزل كانت في مصنع أمريكا،وليست بمصنع اليابان .

الاحظ كثير من الناس يحسب ان الاكورد 2015 و 2016 صينية !!! وهذا الكلام غير صحيح أبدآ،ومطلقاً !!!!! ، هي صناعة يابانية بالكامل،ومجمعه أي مركبة فقط في خط تجميع (تركيب) في الصين فقط،وليست مصنعه في الصين أبدآ .


هوندا لديها 3 مصانع،في كلٍ من اليابان وفي بريطانيا وفي أمريكا فقط ،،، ولديها كذلك 4 خطوط تجميع (تركيب) في كلٍ من اليابان،والصين،وبريطانيا،وأمريكا .

ولذلك بيانات بطاقات السيارات كالتالي :-

الإصدار الياباني (made in japan)

الإصدار الصيني (installation in china) (made in japan)

الإصدار الأوروبي (made in uk)

الإصدار الأمريكي (made in usa)


ودمتم بود ..