طيب بقول لك وش صاير لي ..

الحادث الاول (( كنت ماشي 10 او 15 )) جوة حارة ,..., واثنين مسوين زحمة في الشارع واقفين يسولفون ... وفية فراغ بين اخر سيارة وبرميل زبالة* كبير اللي لازم تجي سيارة البلدية الكبيرة عشان تشيلة ...

المهم سويت نفسي حريف ... ومشيت من عندة وانتهت للمراية زين لا تحك في برميل الزبالة* ... وما انتبهت ليد الزبالة* ... فحكت لي قزاز الباب الخلفي وضربت في الرفرف الخلفي من فوق ضربة خفيفية جداً في حجم (( الريال الحديد .. الهلل )) ,,,,,

طبعً فشخرة والسيارة جديدة .... صلحتها في الوكالة بــ 1200 ريال وبوية جديدة للرفرف ..

الشغل 100% ... لكن السعر خارج الوكالة 200 ريال وشغل 100 % ... المشكلة في الفشخرة الزايدة ...


الحادث الثاني ... نفس حادثك واحد ضغط start اليييم في وجهي (( جمس .. سواق )) انعفط الكبوت وانشق الصدام وانكسرت شمعة من الداخل ..

كل شي تصليح .. ماغيرت شي ..

ورشة وفاء في الصناعية القديمة خلف الصافي دانون ..

2400 ريال وشغل 80% ويكلف في غيرها حدود 800 ريال كحد اقصى ... لكن مرض الفشخرة اللي كان فيني ..


الحادث الثالث البشع اللي الله نجاني منة .. (( امل انك تخش على ملفي الشخصي وتشوف صور السيارة اللي كل من شافها قال ما تتصلح ... ))

المهم اني في اللمسات الاخيرة .. باقي شي بسيط وتطلع السيارة ... صلحتها ..

شغل اليد مع السمكرة والبوية والميكانيكا والكهرب 6000 ريال ... والورشة اول مرة اجربها .. ولاهي معروفة ... لكني اعرف صاحبها واعرف واحد من اخوياي يصلح دايم عندهم .. شغلهم في السمكرة اعطيهم 97%


زبدة الكلااااااااااااااااااااااام كلة ...

مدري وش اقووول ..

لكن المختصر المفيد ... (( فية ورش خفية صغيرة ... شغلهم ارجل من الوكالة وارخص بكثير من الوكالة )) ..

لا تغرك الاسماء ... (( وكالة - وفا ... )) الشغل كلة قريب من بعض .. والفرق في الاسعار ..

يعني انا اول دفعت 2400 على صدام وكبوت بس ..
والحين 6000 على صدام وكبوت ورفرف وبابين وسمكة وتغيير قطع ميكانيكا واجد وبوية جديدة ...


معليش ... الساعة 2 الا ربع .. انا نفسي ماني عارف وش قاعد اكتب ... وبكرة عندي دوام بدري ... اذا ما فهمت شي ... لا تدقق



----------------
* الله يكرمكم .