حياكم شباب
قبل فترة طرحت موضوع عن باب السواق وإنه مرات يصلب معاي ولا يفتح إلا بتعدد المحاولات على هالرابط
http://www.hondaarabia.com/club/showthread.php?t=6554
تركزت الحلول حول ثلاثة أمور :
1- حل يحتاج مبالغ ، وهو مراجعة الوكالة وتغيير دينمو الباب كامل وبعد فترة بيرجع يخرب لأنه عيب أهبل في الهوندا .
2- مراجعة محلات الزينة وتغيير القطعة بقطعة تجارية سعرها ما يتعدى 40 ريال .
3- مراجعة الورش وعمل تنظيف للقفل من الأتربة وخلافه .
-------------
استبعدنا الحل الأول لأني على القائمة السوداء للوكالة وتعاملت معاهم بالمثل وحطيتهم بالقائمة السوداء بعد لدرجة إني سحبت سفيري من عندهم :d
جينا للحل الثاني ومرينا محلات الزينة ، لقيت القفل بـ 30 ريال قطعة والتركيب 30 ريال عند كهربائي مضمون حسب كلام المحل .
المشكلة لما جيت عند الكهربائي قعد نص ساعة يشيك على القفل وقالي الدينمو سليم مية بالمية وتغيير القطعة الأصلية بقطعة تجارية مخالف لأمانته المهنية وإن الدينمو عندي سليم ولا يحتاج تغيير ، لكن السيارة تحتاج برمجة للسنتر لوك من كمبيوتر السيارة من عند الوكالة
ما ناسبني الكلام ورحت لكهربائي ثاني ، ونفس الكلام ، الدينمو سليم وما فيه عيب رغم إن القفل يعلق وقال بيسوي لي تنظيف للواير حق القفل ببخاخ الصدأ والأتربة ، وعمل التنظيف مجانا ومشى الحال يومين وبعدها رجع التعليق
المشكلة اللي تصير عندي هي تعليق قفل باب السواق احيانا وليست دائمة وهذا اللي يخلي الكهربائيين يقولون الدينمو سليم ، هل كان سبب تغييركم للدينمو توقف القفل تماما ، ولا تعليقه .