الموضوع: وآخرتها مع هالباب

المشاركة الأصلية كتبت بواسطة أكورداوي

آآآآخ الدينمو وما ادراك ما الدينمو ..

أنا عندي الحين أغير ماكينه ولا أغير دينمو

خرب علي قبل 3 أسابيع وجيت أغيره ,, الوكاله قالوا القطعه ب 260 ريال من غير شغل يد واحسبوا ياحسابه كم شغل اليد ..

كلمت فريدوه الأطرش قالي ترا ( إنسان ) يقول يبيعون السنتر لوك بمحلات الزينه وهنا جبنا طاريك وطلعت حتى انت متوهق :d ؟

المهم اني رحت لأطلق كهربائي وعجز يفك الباب لأن البراغي مثبت تثبيت ابن حلال ولا من زود النذاله حاطين صمغ مع البرغي عشان ماحد يفكه .. المهم وصلت للسنتر لوك بعد اختراقات غير مشروعه بالدريل ,, ولا رزيت السنتر لوك الجديد جنب القديم ( يعني مافكيت القديم ) بس شبكت الجديد بأسلاك القديم وهو بمكانه مع شوية تخريب وتخريم الى ان أدت الغرض المنشود ..



تلاحظون قطيت وجهي بالموضوع ؟

المهم أنا أقترح نفس اقتراح Black Accord انك تاخذ واحد تجاري وتخلي الأصلي عندك ..

وش اللي قطيت وجهك
يا عربي أنت صديقي :d
بس خبرني دخيلك أول كان يعلق عندك ولا خربان نهائيا
وبغض النظر عن الاختراقات بسلاح الدمار الشامل الدريل هل مشى الحال ورجعت السيارة كأنها جديدة ولا باقي تعلق ، وهل صوت السنتر لوك باقي مثل الاصلي ولا له طقطقة وقلق راس .
ولا انسى كم اخذ عليك هالكهربائي .
وآخر شيء
معك فلوس ما تبغاها :o <<<< ميانة وبقوة :o