صيانة 40 الف (مجرد اسئلة)

**و ص و 330** · 21-01-2008, 02:22 PM

السلام عليكم ...

شلونكم ياحلى اعضاء عساكم طيييبين ...

زبدة المووضوع ان سيارتي مشت الحين 39 الف <<<والله من الكرف ...

وحجزت موعد لصيانة 40 الف فهل تنصحووني ادخلها ولا لاء ....

الرجاء الي بيرد يكون مسويها <<<<طرار واتشرط ...

وياليت يقول وش سوو له فالصيانه ....

وتقبلو تحياتي ....

وسلااام

**B Useful** · 21-01-2008, 02:59 PM

صيانة 40 و 80 الف هي اهم صيانة ,, واوصيك فيها .. شغلها واجد ..

لان فيها تغيير زيت القير - فلتر الهوا - البواجي .... وللمزيد راجع هالموضوع :

http://www.hondaarabia.com/club/thread6497.html

**أبو عــزوز ..** · 21-01-2008, 03:08 PM

المشاركة الأصلية كتبت بواسطة و ص و 330

زبدة المووضوع ان سيارتي مشت الحين 39 الف <<<والله من الكرف ...

كلنا بالهواء سواء .. ;)

المشاركة الأصلية كتبت بواسطة و ص و 330

الرجاء الي بيرد يكون مسويها <<<<طرار واتشرط ...

يُقال أن كل ممنوع مرغوب ..

برد عليك وأنا ماسويتها ..

من خلال البحث والتحري .. تبين الأتي ..

يغيرون البواجي .. طيب معروف أن البواجي إذا انتهى عمرها .. يصير تقطيع بالسيارة ..
طيب السيارة للحين مافيها تقطيع

تغيير الفحمات .. معروف أن الفحمات إذا خلصت تسمع لها صوت صرير إذا ضغط بريك
طيب السيارة للحين ماسمعت صوت الأحتكاك .. أو أحياناً أسمعه بس اسحب عليهم

فلتر الهواء .. جديد .. مافيه اي تقطيع أو استهلاك ..

وأشياء كثييييرة .. بالعربي الصيانه الدورية وُضعت من أجل سحب كل دراهمك ..
ويمشون السلع الأستهلاكية ..

وبعدين وش يظمن لك إنهم يشيكون على السيارة من الصدام للصدام ..
وش يضمن لك أنهم يقولون غيرنا زيت المكلينة وهم ماغيروهـ
وش يضمن لك إنهم يقولون لك غير البواجي وهم ماغيروهـ

لاتقولي لاتصير موسوس ,, بس هذي أشياء ممكن يسونها وتمشي عليك

بقول وش ناوي أسوي إن شاء الله لما أكمل 40 ألف .

بروح للوكالة .. أغير زيت القير فقط .. ب 109 ريال ..

أشتري سيفون من الوكاله .. وأقرب بنشر وغير الزيت ..

وبس .. وإذا أنت تقول لا والله أبغى أحافظ على السيارة ..

خليها على ال50 ألف غير البواجي
والفحمات .. لانها مهمة وومكن تحتاجها في أحلك الظروف ..

تقبل خطمتي على موضوعك ..

**الاخطبوط** · 21-01-2008, 05:43 PM

المشاركة الأصلية كتبت بواسطة أبو عــزوز ..

يغيرون البواجي .. طيب معروف أن البواجي إذا انتهى عمرها .. يصير تقطيع بالسيارة ..
طيب السيارة للحين مافيها تقطيع

وانت بتحتري السيارة تقطع عشان تغيرلها بواجي :p >>>> وش رايك مايغير الزيت الين تبوش الماكينه وبعدها يغيره

دلع السيارة عشان تدلعك

اذا تبي تسحب على كل الصيانات مايخالف ماهي مشكله لكن ودها مثل ماقال كوكو كورد كل 40 ألف صيانه بالوكالة

بس الصراحه هي من اغلى الصيانات يعني تقريبا بتكلفك بين 800 الى 900 ريال شامله تغيير زيت الماكينة وزيت القير والبواجي وفلتر هواء وفلتر زيت وتربيط ومدري وش بعد نسيت

**امبراطور الاكورد** · 22-01-2008, 02:50 PM

صح لسانك ياابو عزوز
غير الزيت والفحمات والبواجي برا
اما زيت القير غيره عندهم

**DuGarrY** · 22-01-2008, 04:23 PM

حبيبي ابو عزوز اذا غيرت البواجي وفلتر الهواء وبيحطون لك القديمات بالشنطه

**و ص و 330** · 22-01-2008, 05:33 PM

الشكر كل الشكر للأخوان الي ردو على اسئلتي ...

واخصص ابو عزوووز شكلك عجااااز من الدرجه السودانيه ...

وشكراً كوكو اكورد لنصيحتك الي بصراحه اقتنعت فيها ....

ولايهونون البقيه ...

وتقبلو تحياتي ...

وسلااام

**ملك مملكة جدة** · 22-01-2008, 07:57 PM

و الله حااااااااجااااااااااات كثيرة الله يعينك ... ممكن تدخل على 600 الي 1000

اصلا شغل يدهم بس 500 ريال اعتقد

**إنسان** · 22-01-2008, 10:50 PM

بصراحة أنا سويتها ولجل أبتز الوكالة بتغيير رديتر المكيف والهوبات وشغلات هبله شرطوا علي الصيانة لجل تتصلح على الضمان ..
ودفعت مبلغ 800 على ما أظن بعد الخصم من مدير الصيانة ..
1- غيروا البواجي .. مع إني ما شكيت منها ..
2- غيروا فلتر الهواء ..
3- غيروا القماش الخلفي ..
4- تبديل كفرات ..
5- زيت القير ..
ونسيت الباقي
المهم هي مرة وبس وتبت بعدها بلا صيانة بلا هم
خرابات السيارة بصيانة ولا بدونها طالعة طالعة

**فيصل 14** · 28-01-2008, 07:27 AM

المشاركة الأصلية كتبت بواسطة إنسان

بصراحة أنا سويتها ولجل أبتز الوكالة بتغيير رديتر المكيف والهوبات وشغلات هبله شرطوا علي الصيانة لجل تتصلح على الضمان ..

ودفعت مبلغ 800 على ما أظن بعد الخصم من مدير الصيانة ..
1- غيروا البواجي .. مع إني ما شكيت منها ..
2- غيروا فلتر الهواء ..
3- غيروا القماش الخلفي ..
4- تبديل كفرات ..
5- زيت القير ..
ونسيت الباقي
المهم هي مرة وبس وتبت بعدها بلا صيانة بلا هم

خرابات السيارة بصيانة ولا بدونها طالعة طالعة

اخوي انسان وضح تبديل الكفرات يعني غيروها لك والقماش الخلفي

شامله ال800 ريال
انا مثلك مادخلتها صيانه بعد الالف كيلو اذا كانت على 800 حلوه واجد

**و ص و 330** · 23-01-2008, 12:31 AM

مشكوورين الأخوان الي ردو ...

وبإذن الله بدخلها ...

وسلااام

**HONDA BOY** · 23-01-2008, 01:06 PM

انا بقولكم يا شباب ليش سعر الصيانه مرتفع لان شغل يدهم بس 550 ريال فأنا انصحكم تسوو زي ما سويت انا اشتريت القطع من الوكاله وركبتها بره ووفرت تقريبا 400 لي 500 ريال كلها الصيانه كلفتني تقريبا 600 ريال مع شغل اليد وكمان بعض الاعضاء يقول ايش يضمنك انهم سو الشغلات حقت الصيانه ولا لأ وانت لمن تسويوها بره وقدام عينك انت عارف ايش الي سار وايش الي ما سار وكل صيانه زي كذا بأعمل انا عشان اكون مطمن والقطع نصيحه ياعيال غيروها فموعدها مو شرط الين ما تشتكي السياره

**امبراطور الاكورد** · 26-01-2008, 01:46 AM

السؤال جاء بوقته

**مجنون الاكورد** · 26-01-2008, 02:18 AM

السلام عليكم ورحمة الله وبركاته
هذي اول مشاركة لي ياخوي و ص و 330 واللي يكلمك الا الله وتطير مكينته
لان الشركة ماربطت صرة الزيت زي الناس بعد صيانة 40000 فأنت قرر تسوي
عندهم صيانة ولا لا ام انا حرمت

**و ص و 330** · 27-01-2008, 10:48 PM

والله غريبه لهالدرجه الصيانه زففت ...

يعني بس انا الي ماشيه معي ..

يعني عمري ماشكيت منهم الا اروح لهم المره الثانيه ويضبطونها ....

لكن ماعلينا انشاء الله اني بدخلها بإذن الله ...

ومشكوورين على ردودكم ...

وسلااام