يعطيك خيرها ويكفيك شرها
لفت نظري حديثك عن فرع المدينة .. وكلمة حق الشباب اللي فيه يسوون وزنهم ذهب بتعاملهم وأخلاقهم .. لكن إهمال الشركة للفرع يقهر وخاصة صغر حجمه .. اللي راح تعاني منه عند تغيير الزيت أو الصيانة - يعني بدري لا تستعجل -
عموما ما هو موضوعنا ..
إذا كنت ماشي بسرعة عالية ( يعني 90 بحكم انو السيارة لسا بفترة التمرين ) وأضغط فرامل فجججججأة وبقوة أحس إنو الدواسة راح تنكسر ( مادري كيف أوصف الشعور كأن دواسة الفرامل بتحك بالاسفلت ) فهل هذا طبيعي أم اني لازم أروح أمرمط الوكالة 8_8
ما مرت علي ..
ثانيا فيه صوت صفير من الفرامل ( الشباب قالو هذا طبيعي بمنطقة المدينة ) لكن أبي أتاكد هل هو موجود لديكم أم لا:d
هذي عاد أبصملك بالعشرة عندي .. وكل الحلول استخدمناها معاها لكن الظاهر المشكلة في جفاف جو المدينة وكثرة الغبار .. لأن الهوبات غيرتها الوكالة على الضمان .. وعملت تنظيف للأقمشة أكثر من مرة .. وغيرت القماشات الخلفية .. والمشكلة مثل ما هي .. خليك مثلي .. ريح راسك .. تراني بآذاني سامع بي إم دبليو الحوت جديدة عند ستاربكس تطلع صفير مثل اللي بالأكورد .. الظاهر المشكلة في جفاف الجو اللي إذا ضحك الواحد يطلع لجلده صوت .. عاد كيف الأقمشة :d
السيارة عندي فل كامل أربعة سلندر ( هل تحتوي على مقياس درجة الحرارة وهل تقوم الوكالة بتركيبه ؟)
ثانيا الVSA
هل الVSA يعمل لما تولع اللمبة في التبلوه ولا لما تنطفي ؟
هذي عاد خارج خبرتي لأن اللي عندي سياحي ..
ثالثا التعشيق
أحيانا لما أحط الD وأمشي أسمع صوت غريب من السيارة كأنه شي بيطق ( الصوت يطلع أحيانا و بس لما تكون السيارة واقفة وقوف لفترة طويلة ؟)
برضه عندي .. يمكن العملية تحتاج لكم طقه حتى ينتعش القير بعد الوقفة
الصراحة تعبت مع تنظيف الاكورد تعرف السيارة جديدة لكن ا تعبت من اللون الأسود والغبار خصوصا بمنطقة المدينة فهل يوجد حل (سؤال غبي )
لا تشكي لي أبكي لك ..
الحال من بعضه اللون اللي عندي جرافيتي .. طفشني بتجميع الوصخ خاصة بصمات الأيدي ..
تقاول مع غسال كويس واشتر له خرقتين - بس خلها بالسيارة لا يغسل بها ونيتات الحي:d - .. مع منظف بليدج للأسطح لأنه ما يترك أثر بعد التنظيف
دمت بخير أخوي
رد مع اقتباس
مواقع النشر (المفضلة)