السلاااام عليهم ...
الساله اني توهقت بسالفه تلميع اليتات هههههانا ما صدقت اول ماقريت الموضوع على طوول :d رحت صوب الموتر وعندنا كان ورق رمل في البيت المهم واستلم الليت الاول مصفر بالقوو وعطيه بالورق افحكه افحكه مع ماي على قولتهم (متبع النصائح اونه) عقب ولليت الثاني وخلصت قلت الحينه اروح اشتري المنتج هذا رحت المحطات والجمعيات وماحصلت ها المنتج وتوهقت
قلت الحينه شو اسوي شريت بولش ومافي فايده الليت استوى مغبر لدرجه ما تشوف اللمبه الي داخل ههههههه في الليل ما شوف شي وانا بيني وبينكم انا ادور اي شي عسب اغير الليتات عسب اخذ يديد المهم وانا ابا رأيكم شو اخذ محتار ليت كامل كرستال شرات مال الوكاله بس خليجي ولا شرات الوارد ييي لون برتقالي من تحت (الخط يكون يرتقالي) شو الاحلى بينهم وسوري على الطول والسموحه منكم :d:d
في محلات بالامارات للتلميع .. وغالبا يكونو في محطات الامارات البتروليه
او
انك مثل مابغيت تغير النور ..
لازم تسير ياريال الى دبي .. موقع حياه ريجنسي القديم ... وتشوف محلات الاكسسوارات هناك ..
طبعا الانوار الخلفيه مثل ماقلت الوارد الامريكي مره حلو يصير
اما الانوار الاماميه انتبه لانواع الكرستال .. احيانا الصناعه تكون اندنوسيه :d
يعني تقل نسبه الرؤيه اذا كان مو اصلي ...
بالتوفيق
اللهم اغفر له وارحمه . وعافه واعف عنه . وأكرم نزله . ووسع مدخله . واغسله بالماء والثلج والبرد .
ونقه من الذنوب والخطايا كما ينقى الثوب الأبيض من الدنس . وأبدله دارا خيرا من داره . وأهلا خيرا من أهله
وقه من فتنة القبر وعذاب النار
وانا لله وانا اليه راجعونرحمـــك الله يا " صلاح الغامدي "
http://slah-alghamdi.com/Quran/
تسلم اخوي على الرد السريع بس انا بغيت اركب تجاري مب اصلي الاصلي الواحد ب 600 درهم اخذ تجاري احسن بس ما فهمت تقل نسبه الرؤيه ... ومشكور على المروور
هههههههه الله يكون في عونك هههههههه << حسيت انك متحمس ههه
يا طيب مو بكيفك تغير الشمعات تعرف ليش
انا اعرف السيارات وارد امريكا لما يبغى يغير شمعات لازم يعدل في القواعد لانه الشمعات الخليجي ما تتناسب مع قاعدة الشمعة << بالنسبة للامريكي ما ادري عن الياباني
المهم
اذا تركب بدون ترهيم .. خذ لك الي فيها اشارة برتقالية في اسفل الشمعة .. تطلع مع جنان
ويييت شوي انته من وييين
انا اعرف وااحد شرا الملمع ذا من السعوديه !!!
كيف انته مو محصله
وبالنسبه لمحطاات البنزيين كما يقوول عاااشق فذا المنتج غيير متوفر عنا
واي وااحد تسأله يحسسك انه فيك هبل لانه يقووولك ولا عمره سمع عن اسمه
تقبل تحيااتي
اسامه@@!
اللهم اغفر له وارحمه، وعافه واعف عنه، واكرم نزله ووسع مدخله، واغسله بالماء والثلج والبرد، ونقه من خطاياه كما نقيت الثوب الأبيض من الدنس، وابدله داراً خيراً من داره وأهلاً خيراً من أهله وأدخله الجنة، واعذه من عذاب القبر وعذاب النار.
اللهم آمين .. الله يرحمك ياصلاح الغامدي
ضوابط المشاركة
رد مع اقتباس
مواقع النشر (المفضلة)