تشغيل المكيف على سرعة 80

**964** · 22-02-2008, 11:38 PM

السلام عليكم ورحمة الله وبركاته

لو سمحتم اخوتي عندي استفسار

في حالة تشغيل المكيف والسيارة ماشية حول 80 فما فوق هل يضر بالسيارة

وللجميع تحياتي ؛؛؛؛

**ثــلــج مــشــوي** · 22-02-2008, 11:42 PM

تشغيل المكيف والسياره ماشيه يضر المكيف....

اما تشغيل المكيف على سرعه 80 وفوق

يعدم الكمبرسر

الافضل انك تشغل المكيف والسياره واقفه;)

**S.M.A.R.T** · 23-02-2008, 12:01 AM

هلا والله اخوي الغالي

على حسب علمي ومعرفتي تقدر تشغل المكيف بس اهم شي ان عداد الهوا ما يزيد عن 3 عداد الضغط

تحياتي امير الهنادي

**AcCoRd - 949** · 23-02-2008, 12:51 AM

تـــمشي 80 وتشغـــل المـــكبف

والى الحين ما صار للسياره شي

اخوي الحركه هذي تعدم عليك الثــلاجه حقت المكيف و"الظاهر" ان قيمتها فوق الــف ريــال

انتــبه

وانت واقـــف شــغله

دمـــت انت وموترك بـــخير :d

**SOSO-CCORD** · 23-02-2008, 09:26 AM

على حسب علمي ومعرفتي تقدر تشغل المكيف بس اهم شي ان عداد الهوا ما يزيد عن 3 عداد الضغط

صح ! .. حتى لو كنت ماشئ 100 هدئ السرعة وحاول تمسك المسار الايمن وغير النمره على N

وانتظر لين يرجع عداد الضغط تحت 3 وشغل المكيف ! انتظر ثواني ثمن ادعس :d

.
.

كلام خبير !

..

**CR-V** · 23-02-2008, 02:41 PM

أنا لدي تساؤل، لو كان الأمر بهذه الأهمية لماذا لا تذكر الكاتالوغات أي شيء عنه؟

**و ص و 330** · 23-02-2008, 02:49 PM

^^^^^^^^^^^^^^^^^^^
لإن ليس له اهميه وتشغيله وانت مسرع طبيعي ولايضر ...

سلااام

**هوندا قوه الاحلام** · 24-02-2008, 07:21 PM

المشاركة الأصلية كتبت بواسطة و ص و 330

^^^^^^^^^^^^^^^^^^^
لإن ليس له اهميه وتشغيله وانت مسرع طبيعي ولايضر ...

سلااام

منو قالك انا مره كانت عندي سياره اجار وشغلت المكيف على سرعه وتعور عامود المكينه
اخوي مثل ماقالو الشباب اذا بقيت تشغل المكيف حط الغير في Nوستنى الى ينزل RPMثم شغله

**يامطنش** · 23-02-2008, 03:09 PM

المشكله الي تصير ان الكمبريسر وهو طافي يدور طبيعي لنه خفيف لاكن اذا اشتغل يثقل لنه يسير ظغط داخله يعني لو كانت السرعه عاليه ممكن تتقطع السيور او يسير خلل في داخل الكمبرسر لنه يسير ظغط عالي فجاي يفضل تكون واقف او ماشي بسرعه اقل من 80 لنه صارت معي وانا بسرعة 170 تقريباً على نيسان مكسيما والنتيجه تقطع السيور وخلل في الكمبرسر كل ما اعبيه فريون ينسم الى غيرته انت لاحظ لمن تشغل السياره صوتها يتغير وتحسها اثقل في المشي

**$$الدولار$$** · 24-02-2008, 05:53 PM

8 8 8 8 8

اخوي مطنش كفى و وفى مع تجربة

**Black Arrow** · 24-02-2008, 06:24 PM

صارت لي من قبل في الكرسيدا شغلت المكيف على 150....وش صار......احترق الفيوز وغيرته بس :d

على كل تقدر وانت ماشي بهالسرعة اذا مضطر تشغل المكيف حط المكيف على N ولما ينزل الضغط شغل المكيف وانتهى الموضوع

**accord05** · 24-02-2008, 07:33 PM

ياطويل العمر وانت واقف ولا تشغله الا الين تحمى السيارة احسن وافضل عشان تحافظ على سلامة المحركات..

**B Useful** · 25-02-2008, 02:50 AM

معك اخوك كوكو كورد .. كان يشغل مكيف سيارتة ويطفية وهو على سرعات اعلى من 180 بدون اي مشاكل ..

**LikE.nO.oThER** · 25-02-2008, 07:41 PM

^^^
قول ما شااء اللله مو نااقصك

**rayan2h** · 26-02-2008, 01:06 AM

طيب الكمبروسر يفصل ويرجع بعد ثواني وانت ماشي ليييه مايضر بالسياره حتى بتشعر بثقل المحرك 00 وانا اعتقد لو بيضر ماكان اوتوماتيك يفصل ويرجعل لانه نفس حركة انك تشغله والسياره ماشيه 00 والله اعلم

**بندر501** · 27-02-2008, 06:05 AM

المشاركة الأصلية كتبت بواسطة rayan2h

طيب الكمبروسر يفصل ويرجع بعد ثواني وانت ماشي ليييه مايضر بالسياره حتى بتشعر بثقل المحرك 00 وانا اعتقد لو بيضر ماكان اوتوماتيك يفصل ويرجعل لانه نفس حركة انك تشغله والسياره ماشيه 00 والله اعلم

كلام مقنع

**أكورداوي 999** · 27-02-2008, 03:16 AM

والله ياشباب مدري
بس عني أنا شخصيا ما أشغل المكيف أبد والسياره تتحرك
حتى لو كانت تتحرك على سرعه 20 لازم أوقف السياره وأشغله

**prince of meast** · 27-02-2008, 02:01 PM

والله يا شباب أنا رجال متعود على الطريقة التقليدية وقف وشغل اللي تبي حتى الدخان علشان

أضرار ومخاطر ما دري لكن خلك على على الأظمن لا تخرب موترك القطعه بذيك الحسبه وشغل اليد بذاك الكلام .

نصيحة أخوية من ملقوف

تقبل تحياتي

**محجوب** · 27-02-2008, 03:27 PM

تجربة كوكو كورد وكلام اخوي rayan2h مقنعين تماما

مع العلم اني ما اشغله الا اذا كنت واقف او افضي القير واشغله ... متعود كذا

**B Useful** · 27-02-2008, 03:35 PM

المشاركة الأصلية كتبت بواسطة محجوب

تجربة كوكو كورد وكلام اخوي rayan2h مقنعين تماما

مع العلم اني ما اشغله الا اذا كنت واقف او افضي القير واشغله ... متعود كذا

يابعد عمري انت .. شخبار المكينة والقير عندك :o

**CIVICORD** · 27-02-2008, 11:52 PM

تسلمون لي ... أنا أول مرة أدري انه يلعب في الموتر

الحمد لله اني دريت قبل اشتري الموتر الجديد

**كلاس وولد ناس** · 28-02-2008, 12:40 AM

مرة كنت مع واحد صاحبي شغل المكيف وهو على 80 وصار له موضوع كبير
الكمبروسر صلب وراح عليه يعني رح خذلك واحد بذاك المبلغ

**ammml** · 02-03-2008, 08:57 AM

يعدم عليك السيور والكمبروسر انتبه لازم تكون السيارة واقفة

**زووم6** · 02-03-2008, 03:19 PM

اذكر كانت معي اكسنت ايجار شغلت المكيف وانا امشي 180

ولا صار شيء متعود على الايجار لو امشي طبلونه اشغل المكيف

لاكن موتري اهدي اقل من 80 واشغل المكيف
مع اني اسمع صوت طوووووووووط بمكيف موتري

**o-k-r** · 02-03-2008, 03:26 PM

انا من سقت سيارة من صغيرة
اكثر شي وانا ماشي بالسيارة 40 اشغل المكيف يعني وانا ماشي 50 ولا مررة شغلت المكيف

وكل الأمور اوكيه اسأل مجرب من اول ماطلعت السيارة ماشالله تبارك الله