الموضوع: وشلون اقدر اشيل الريحه الخايسه هذه ؟؟؟؟؟

اخوي شوف الموضوع عن تعطير السيارة

http://www.hondaarabia.com/club/showthread.php?t=8770&highlight=%CA%DA%D8%ED%D1

نظف الفلتر ورش عليه شوية عطر


تطلع الريحه اوووكي

مشكورين اخواني على المرور

الفلتر نظفته وغسلته بعد وضربت عليه استشوار

وغرقته من عطور زهور الريف ولا فيه فايده زي ما هو

والله ماني عارف وش اسوي

اذا كنت ماعمرك فتحت الهواية حقت المكيف فهذي هي المشكلة لازم تفتح الهواية على الاقل مرة اسبوعيا

اذا كنت مقفل الهواية ومشغل المكيف يعني السيارة تأخذ الهواء الداخلي بالسيارة نفسها وتبرده وتخرجه لك من عند فتحات التكييف ومع الوقت يبدا يعفن الهواء الداخلي اذا طولت الريحة ويحتاج لتجديد وبكذا تفتح الهواية ويتجدد الهواء بممرات المكيف الداخلية وتروح الريحة ان شاء الله


والدليل انك لو تجيب عشاء من المطعم وتحطه بالسيارة وانت مشغل المكيف ونزلت ورجعت ركبت السيارة راح تلاقي الريحة ماسكة وماتروح الا اذا فتحت الدريشة

فأحسن حل انك تفتح الهواية وانت مشغل المكيف او بدون مكيف

للمعلومية العطر ترى بالبداية مع المكيف رائحته حلوه لكن بعد اسبوع راح تعفن ريحة المكيف من العطر خصوصا اذا كان العطر مو اصلي فأنت استمر اسبوعيا افتح الهواية وان شاء الله يستمر المكيف بدون رائحة

مشكور اخوي قصمنجي على مرورك

اما هوايه المكيف انا على طووول افتحها وخصوصا اذا دخنت

انا اكتشفت ان الريحه من نظام التبريد تبع المكيف الموجود اللديتر

لابد من غسله بشوف انا بجرب وان شاء الله انها تظبط معاي

شوف يا أخوي



أنا معاي أكورد 2006 شاريها مستعملة قبل حوالي شهرين

أول ما شريت السيارة ماشي المكيف معي مضبوط

بعد أسبوعين صارت الريحة الخايسة تطلع كل ما شغلت المكيف

وصرت أنحرج لو شغلت المكيف ومعي واحد من الربع

المهم الريحة تروح وتجي وأنا ما فكرت وش هي منه

نظفت الفلتر ( الصينية وراء الدرج ) بنفسي ولا صار شي

المهم بعد عدة أسئلة سألتها أخوياي
تعرف اللي يغير درجة البرودة ( اللي فيه أزرق وأحمر )

ثبته على مكان ولا عاااااااااااااااااااااااد تغيره

يعني حطه أبرد شي عادي بس لا تخفض عليه وان شاء الله تروح الريحة

خويي معه كامري 2008 وتطلع معاه الريحة نفسها بالضبط

( اكتشفت هههههههههههه أن الشتاء أول ما طلع الواحد وده يشغل المكيف بس ما يبغاه أبرد شي

يعني بيقصر عليه والريحة بدت تطلع مع الوقت هذا )

[ واحد من أخوياي قد ركب معي ولقى الريحة الخايسة هذي وسألته عنها قال مدري

المهم قبل أسبوعين قال لي الريحة اللي في موترك صارت تطلع في موتري
قلت : خلني أسوي ذكي ، قلت : أنت مغير درجة الحرارة ( أزرق وأحمر ) قال : أن أخوي الصغير لعب فيها اليوم

قلت : هنا تكمن المشكلة <<<< مشكلة اذا تفلسف هههههههههههه ]

المهم أنا الريحة تطلع بنفسها وتروح بنفسها وآخر مرة طلعت لي ممكن قبل أسبوع وقبل آخر يوم

بـ 3 أو 4 أيام ما غيرت درجة الحرارة أبدا وراحت الريحة


** أول ما طلعت لي الريحة رحت لكهربائي قال لي : رمان السير يبي له تغيير تعال بكرة عصر وأسويها لك << ولا رحت له وهذي لريحة راحت بدون رمان وبدون فلسفة هنود

الزبدة : رأيي أنك تصبر كم يوم لين تروح وتأكد أن الحرارة ما تنقص أو تزيد
وإن شاء الله تروح

أرجو أنك استفدت من السالفة الطويلة وآسف عالإطالة

اخوي جلمود

توني اكتشفتها وكنت بحط الرد قبل شوي الا انت سبقتني

صادق والله اليووووم وبعد تقريبا 10 ايام ما غيرت درجه الحراره خليتها على ابرد شي

ولا بعد ظغطت الزر الي مكتوب عليه max ac وفعلا اليوم الظهر اول ما شغلت السياره

ما شميتها نهائيا

اذا انت اخوي جلمود ظبطت معاك سجل عندك حتى انا ظبطت معاي الطريقه

وارجو من الاعضاء الاستفاده من هذا الموضوووع

لان فيه اكثر من واحد يتشكى من المكيف

شاكر لكم اخواني على مروركم

اخوي انا فني في هوندا الطريقه اللى نسويها


شغل المكيف على الحار وطفي الكمبرسر وخليها شغالهه السياره لمده 10 دقايق وشف عاد الريحه تطير


ونصيحه الريحات لا تحطها في الاكورد لانها تدخل داخل الثلاجه وتعفن وتعلق

والسلام

الي اعرفه انا انا الريحه تجي من المكيف الحال ........... هذا الي كان يصير معي لما كنت اسوق كورلا امريكي في امريكا ايام الشتى ..........خاصه لما اوقف السياره في تقاطع وفيه مياه راكده تطلع ريحه معفنه

اخوي az66uz الطريقه هذه جربتها وقريتها في احدى المواضيع


بس ولكن النتيجه غير مرضيه نفس الشي ما تغير حاجه

ولكن الطريقه التي اعجبتني وهي وضع المكيف على البارد سواء كان الجو شتاء ولا صيفا

وخلال عشره ايام تختفي الريحه تدريجيا

صراحه اقتنعت بهذه الطريقه جدا ولكن نتظر ونرى ما سجري بعد اسبوع ولا اسبوعين


واشكر الجميع على المرور

يا طويل العمر ..

مدخنه وعود من النوع الطيب ..

ودخل موتر الكراج ..

وحطا فيها المدخنه .. بس م اي عود تحط فيها ..

وحط المدخنه بوسط الموتر .. والمكيف شغال ..

انا مجرب الطريقه .. ولي اليحن اكثر من 4 شهور ما اشم الا ريحة العود ..

بشرط تخلي المدخنه بوسط الموتر لي تكح كح .. يعني لين ما تطفي .. خلها تكتم الموتر ولا تفتح لا نافذه ولا شي ..

وزي ما وصيتك المكيف خلها شغال طول ما المدخنه بالموتر ..

الحين كل من ركب معاي وشغلت المكيف .. يقوول ريحة عود ..

قلت اي .. طلبيه من المانيا المكيف .. ومابوه الا انا بالمملكه

هههههههه .. مشت والله ع كثير لووووووووووول ..

والله الريحه ذي جننتني

مابقيد عطر ولاعوده الا وحطيتها وفترة وترجع الريح الخايسه

لكن ومنكم نستفيد


شكرا لكم جميعاً

شيك على الفريون

احتمال كبير يكون ناقص او على اخره

اخوي 92.500

المشكله ماهي بالفريون بل اثناء وضع المكيف على التكييف الحار اثناء فصل الشتاء ومع الوقت

يصيب فتحات الداخليه للمكيف حراره زائده عن اللزوووم

الا وهو البلاستيك الي فيه

ولكن اذا شغلت المكيف 24 ساعه على البارد يقووم مع الوقت بتجميد الريحه

وزولها مع الوقت هذه افضل الطريقه

حتى في الوقت الشتاء بحطها على البارد


ومشكورين على مروركم اخواني

نظف الفلتر

المشاركة الأصلية كتبت بواسطة الملكـــــةاكـــــورد

احسن طريقة لاختفاء الريحه

خل المكيف على الacmax
يعني تطفي المكيف وتشغله وهو على الماكس اي سي
>>عندي راحت الريحه
طبعا الفلتر سويت العجب فيه ولا نفع

تحياتي

صادق والله ظبطت معاي زي الحلاوه

والله جننتني بالموت راحت

بديت افكر اغير السياره

عليها اشياء غريبه مره البوري وبعدها الريحه والحاليه صوت طقطقه بالهوب الي قدام

وديتها الوكاله يقول لو صلحناها راح ترجع مره ثانيه




شكلي بابيعها وباخذ التيما 2008 v6

والله يعين

السلام عليكم

أخواني لاتوسوسون أحد الاخوان ذكر خل ضابط الثيرموسات على طول في مكانه لا تغيره أبداً طبعاً هذا غير صحيح من خلال تجربتي للروائح التي تخرج من المكيف أتضح لي أن الطريقة الصحيحه لتشغيل المكيف صيفاً شتاء

هي أنك تشغل المكيف وافتح الدرايش لمده 3 دقائق طبعاً وانت ماشي واقف مايفرق وتمتعو بالراحه العادية للسيارة + برودة غير طبيعيه .

والى اللقاء