الموضوع: راداراتنا بالســــــــــــــــــعوديّـــــــــــه .. تخلّـــف تخلـــــف تخلّـــف ..!!

المشاركة الأصلية كتبت بواسطة راعي السوناتا

بسم الله الرحمن الرحيم

لعلمك أخي العزيز .. أن الرادارات بالسعــوديه ؛ ( حسب كلام واحد شغال بالمرور ) ؛ إنها ما تقدر تحدد سرعه اللّــي يمشي فوق الـ 179 بالتمام ..
وقت ماتكون سرعتك فوق الـ 179 .. تتلخبط الأرقام بالرّادار .. لـكنّك راح تنمسك على السرعه .. وراح تتخالف انّك ماشي على سرعه أقل من سرعتك بكثير ;)..

تحياتي

صدقت والله ..انا كنت ماشي 190 او بالضبط 195 يعني تقريبا كنت قريب من الــ200 وماكنت داري ان قدامي نقطة ومسكوني واسوي وجهي كأني مظلوم :(قلت ليش ماسكيني قالو انت ماشي 144 ... قلت في نفسي الحمدالله ...لكن مسكوني ولقيت واسطه موجوده في الحال ومشيت والحمدالله لكن بعد ايش بعد قمطة :d...
وشكراً،،،

كلكم مساكين ياخي عيب السرعه الي يسمعني ما اسرع:d

انا اقول نظام التفتيش بايخ المفروض يحطون طراد اصرف عشان ما احد ينظلم
وبعدين خلاص حطو نظام الكمرات في كل دوريه يعني اذا لحقك يصورك لين تمشي من عنده

أنا مره رايح من القصيم إلى جدة طبعا طلت على طريق المدينة ومن المدينة إلى جدة وأنا في طريقي على طريق القصيم المدينة صكوني مرتين سرعة الأولا صكوني ومشيت ومسجلين السرعة 140 والثاني برضو عطوني 140 ويوم عطاني الخالفة قلتله ليش سجلت 140 أنا ماشي أكثر من كذا قال إذا سجلنا أكثر فيها حجز وقلت هو معطين المخالفة وخلص خلنا إن طلع حره المخالفة وقلتله تفزعلي عند التفتيش الي قدام قال ليش قلت راح يعطونن مخالفة سرعة وقال رح ورانا ناس غيرك قلت لازم يخلص الدفتر اليوم يعني قال إيه قالت طيب تمسح المخالفة قال إنشاء الله قلت خذ الورقة حقتي وإمسحها قال شكلك مروق قلت لا قال حرك ولا عطيناك مخالفة إزعاج الامن ومشيت طبعا لحالي رايح قلت خل اتسلا فيهم مروق لاكن السرعة ما تتعدا ال190 أو 180 في الخطوط علشان كذا ما أمشي ولا وأنا مطلع حرتي فيهم إذا عطوني مخالفة .:d

الله يعينا على المخالفات

توي مصكوك بمخالفة سرعة 140 كم/س بجيب الوالد
عاد تصدقون اني مظلوم
وابرفع شكوى
مهوب انا اللي ماشي 140 انا ماشي 180 بس<<هذا الأخ يبي يصفق هذا المساء


الله يعين

اما هاذي يا كثرها مره مره كنت ماشي في طريق الملك في جده انا والعضو ملك مملكه جده ووقفنا في التفتيش الي قبل دوار الكره الارضيه ثلاث اكوردات ورا بعض انا والعضو وواحد ما نعرفه والعسكري يسألنا مين فيكم مسرع بس اول شي سألني انا كم كنت ماشي باللهي ايش رايكم وقتها ايش كنتو راح تسو ولا واحد من المسؤولين في التفتيش دق على الدوريه السريه الي تلقط السرعه وهوا نفسه مو متأكد اي واحد فينا قاله الي مركب جناح طيب نفرض كلنا مركبين اجنحه هيا حلها وقتها ام التخلف

بسمه تعالى :

النظام المروري بحاجة لإعادة صياغة --___-- فالجمل راح بما حمل و إختفى عن الأنظار و إرتحل -__- الطرق لدينا عشوائية و تفتقد للإسلوب النموذجي في التصميم كما بدول أوروبا و أمريكا و بعض دول شرق آسيا و أستراليا --__-- الطرق لديهم تتمتع بمواصفات جودة عالية و بنية تحتية قوية بإسلوب رصف حديث و عمالة مدربة ذو خبرة عالية تتمتع بحوافز تشجيعية و إسلوب تقني فذ بطرق عمل تلك الطرق الحيوية -__- طرقاتنا تستنجد و تتهالك يومآ بعد يوم و لا من رقيب --__-- الإزفلت مقشوش ..طرق رصف بدائية ..عماله متهالكة و غير مدربة و لا تتمتع بخبرات كافية ..مقاولون جدد غير أكفاء و يطبع عليهم الإهمال ..إستخدام طبقات الإزفلت الرقيقة بالرصف عوضآ عن الأكثر كثافة كما كانت سابقآ و هذا ما يعلل سرعة تشققها لقربها من القاعدة الرملية المرصوفة..رصف سيء للطرق الكثيرة التعرجات و النتوء و كأنها رصفت منذ 60 سنة عتى عليها الزمن فشوارع السبعينات و الثمانينات هي الأفضل بلا مقارنة..فتحات المجاري أعزكم الله تتوسط طرقاتنا بشكل أوضح للعيان و ببروز يسبب الكثير من المشاكل الميكانيكية للمركبة و بعضها أشبه بحلقات مؤذية للعين و المركبة و سببت تشوهآ واضحآ و منظرآ بيئيآ يتذمر منه الزائر و الحاضر لهذه المدينة أو تلك --__-- إن صلاح الطرق يدل على صلاح المسار المروري نحو التقدم و الرقي ففي بعض تلك المراكز يصيبك الإحباط لرؤية الحال على ما هو عليه قبل 20 عامآ أو أكثر -__- لنأمل لإدارة المرور التقدم و الرقي و تحقيق الأمنية بتقنين نقاط التفتيش المملة و المهلكة لمرتادي الطرق ..ففي بعض نقاط التفتيش إستمر التفتيش لأكثر من ساعة و بعضها نصف ساعة بسبب ضيق المسار و إهمال رجالات التفتيش و بطأهم بالإجرائات الروتينية : أين الرخصة و الإستمارة و هكذا ....و أفضل وجود ببغاء ليردد هاتين الكلمتين عوضآ عنهم لإراحة ألسنتهم من تكرار ذلك مرارآ و تكرارآ ....و شكرآ .

يا شباااب وش راايكم اي واحد عزاابي بالرياااض يحط قطته ونضبط الحجز >>>علشان اذا دخلناهـ وحنا تعبانين لين كل واحد يرووح فرااشه ويرقد <<<والله هذا النااقص

<<<<والله جبتها يا جوجو

طيب ياصديقي انت وياه واللي سيارته في الحجز وراح يسدد المخالفه اللي عليه ( مسكين اخوه يسرع فيها وتنحجز سيارته) ورحت بسدد والقى علي 700 ريال 3 مخالفات وين جت ما ادري واللي اذكره ماعلي الا وحده سرعه وين جت 400 الباقي ؟؟؟؟
نقول سرعه ماسكيني وانا مادري اوكيه هذي 300 طيب 100 على ايش؟؟؟؟؟؟

مشكورين جميعاً على مروركم ..



لكن المشكله انّ المخالفه صار لها اسبوع

رحت صرّاف الرياض بسدد .. ماشفت مخالفات علي ؟؟؟
؟؟؟
والورقه الصفرا اللي اعطاني ايّاها الأرقام فيها مو واضحه
ولا الكتابه ولاشي ..
تتوقعون كتب لوحه غير لوحتي ؟؟

والله مادري ؟؟



























.

صحيح الارقااام ساعات تصير مو واضحه

انا اعرف واحد عنده ثلاث مخالفات ما نزلت لان الارقام غلط الشرطي كتب في الاولى الـ3كتبها 9 والـ 1 كتبهااكسx ادري دي قويه والـ7 كتبها 1

مرحباا

انا اخوي مره كان يمشي 190 داخل الديره بسيارته القديه يوم تفاجأ بتفتيش قدامهـ
وصكه العسكري مخالفه مكتوب سرعه 160 :d
___________________________________

ومره ولد خالتي مسيكين رايح للدمام يوم الاربعاء والله ياجماعت الخير على كلامه انه 135 ماتعداها او يمكن اقل ويوم وقف للتفتيش يالله الحجز انت مسرع وجلس ناشبلهم بالمطر نص ساعه ولا فاد معهم وقالهم لازم تجيبون الرادار والرادار مايعرف الا اخر رقمين من اللوحه
وحجزوه وحجزوا السياره وش هالظلم السياره طلعت الخميس اظن او الجمعه بواسطه
_____________________________________

يوم كانت معي مكسيما كل تفتيش على خط الرياض اقعد اتناشب معهم انت مسرع لا ما اسرعت وعلى هالموال وانا اظن ياجماعه انهم على حسب السياره (كامري_اكورد _ لومينا _ مكسيما ) لازم يتوقفون كل تفتيش انا خويي معه فولفو يمشي 200 على خط رياض محد يوقفه ولا احد يعرف موتره من التخلف والله اول كانت عندنا فولكس واجن بورا صغيره ولا مره دوريه عرفها كله وقف ياراعي الكوريلا وقف ياراعي البيجوو انواع التخلف ياشيخ