الموضوع: كرســـــــــــــ ... الاعتراف ...ــــــــــــــي

ان شاء الله بعد يومين راح اجاوبهم .... تدرون عيد و مو لاقي وقت ادخل النت
و انشااله اليوم بروح الامارات و بعد بكره راجع

المشاركة الأصلية كتبت بواسطة JUVENTUS

السلام عليكم..
حبيبي معشي طيور النورس..

أبي رأيك بالأعضاء التالين.. راح اتكلم باختصار

أنا/ واحد عن عشره ما شاء الله عليك نشيط و بس لاني ما اعرفك حيل يعني و اخاف اقول شي مو فيك

أبو عزوز/ احسن صديق ... شخص عقلاني .. يستاهل مليون كلمة شكر

الوافي/ اسم على مسمى

فريدوهـ/ وحش المنتدى ... يستاهل بعد مليون <<<< مليون كلمة شكر لا تروح بعيد

مطنش/ احسه شخص مزاجي بس ليش ما ادري

ميو/ مسكين تغشمرت معاه و لزقت فيه الكلمه بس شنو يموت بخالد عبدالرحمن ... ارسل لي اغنيتين قبل سنه و ما سمعت منهم الا دقيقه يمكن ( زليت ) ( بلا ميعاد ) <<< ما اسمع عربي

ن ك د/ ما اعرفه شخصيا .. بس ماادري شقول عنه


أيش تحب البحر أو البر ؟ وليه ؟

احب البحر ... طول عمري بالبحر .. و كل عايلتي مالهم الا البحر ........ بارد بالصيف و مثلج بالشتا :d ... احب اطلع البحر مع عمامي و عيال عمامي ... سواء للسباحه .. زيارة جزيرة معينه ... حداق ( صيد )

وين ساكن بالكويت ؟ وأيش رأيك بقيادة المرأه للسيارهـ ؟

ساكن بالقرين ( 35 كيلو عن مركز مدينة الكويت ) ..... اييدها و ما اييدها ...... المراه لما تسوق توفر عليك انك تجيب سائق و توفر عليك مشاوير السوق و غيره ... بس هاذي الايام البنات بدأو يتجهون للجيبات .. علشان اذا ما لقت موقف تطق الرصيف ... و تدعم خلق الله <<< توه صادمته وحده

النساء يقودون السيارات بالكويت , هل هذا القرار من الحكومه أو كان بطلب وإلحاح الشعب ؟

لا من الحكومه و لا من الشعب ..... اول ما طلعو السيارات و الحريم يسوقون و محد قالهم لأ بس ما كانو بكثره لين جات السيارات الاوتو .... و عن قريب بتشوفون الحريم بالدوريات ... لاني اعرف واحد اختاروه بلجنة اختيار اللبس النسائي لوزارة الداخليه و بالتحديد بالمرور

ماهي مساوئ قيادة المرأه للسياره ؟ وماهي الإيجابيات ؟

افف المساوئ عد و خربط و الايجابيات بعد عد و خربط
المساوئ :

1- البنات يسوقون سيارات بطريقه العن من الشباب .. كيف ؟ انا اعطيك مثال بسيط
انا اقوم الصبح و اروح لدوامي بالجامعه ... صدفة بنت الجيران رايحه الجامعه بنفس الوقت ... طريقنا واحد ... اهي عندها التيما اربعه سلندر .... انا امشي 220 و اشوفها صافه وراي و تكبس ... شنو تعليقك ؟ ( البنات مستهترين اكثر من الشباب )

2 تم تغيير اسماء بعض الشوارع عند الشباب ... مثل شارع الحب <<< الاسم الرسمي الدائري الثاني ... ليه ؟ انا اقولك ... اذا انت فاضي و تبي تشوف بنات .. ما عليك الا تدق سيارتك سلف و تروح شارع الحب
و بتشوف البلاوي والله ... طبعا البنات بسياراتهم و مشاخط و الشباب و راهم ... ياما صارت حوادث و السبب ان الولد لاحق له بنت و البنت تنثول و تخش باقرب رصيف و لا باقرب باص

3- سامع عن بنات يفحطون ؟ ..... صارت بالكويت و كل يوم تصيرو كان هذا الشي غريب بس اللحين لأ ... لو تشوف اشكال البنات و هم يسوقون المواستنق و الكماروات تموتون من الضحك

4- البنت تركب السياره و تدق تلفون قبل لا تدق سلف و ما تصك التلفون الا بعد ما توصل المكان اللي بتروح له .. و النتيجه .. تلف عليك بالشارع و تقطع اشارات و حوادث و السبب انها ما تعرف تصكر فمها و تنتبه للشارع

5- لازم تشتري لها سياره و كشخه بعد

6- اذا صار شي بالسياره انت اللي راح تبتلش لانك انت اللي بتدور فيها من ورشه لورشه

الايجابيات :
1- ما تحتاج سواق .... ما تحتاج انك توديها و تجيبها
2- تروح دوامها بدون لا تشيل همها
بس و هاي كل الايجايبات اللي ببالي اللحين

هل ترا أن القيادة للمرأهـ عندنا بالسعوديه ستنجح ؟ وهل نجحت بالكويت ؟

نجحت بالكويت ... ماراح تنجح بالسعوديه ....اسمح لي بس كل ما اشوف سعودي بالكويت اشوفه يطرد ورا بنات و خصوصا اذا كان اعزب ... شلون عيل لو تصير البنت بروحها بالسياره عندكم بالسعوديه .. الله اعلم

لو قالولك إطلب أي طلب وراح يتنفذ , أيش هو طلبك ؟

انهم يسفرون كل الوافدين اللي بالكويت علشان نعرف نمشي بالشوارع بدون زحمه
اخر تعداد للكويت كان في 2006 و يقول
التعداد الكلي للسكان : 3 ميلون و 800 الف
الكويتيون منهم : 1 مليون و 100 الف:(
الوافدون من غير الدول الخليجيه : 2 مليون و 650 الف

اخر شارع رئيسي تم انشأه بالكويت سنه 84 و وتم انشأه لخدمه الشاحنات المتجه الى المصانع
شوارع الكويت الرئيسيه بنيت باواخر السبيعات لتستحمل 2مليون و 500 الف :o

ماهو رأيك في العراق حكومه وشعب قبل الحرب وبعد الحرب ؟ ومارأيك بالحرب هل أفادت أم أضرت ؟


ماهي أفضل دوله بالعالم ولماذا ؟

سويسرا .... بس لو يشيلون الكويت و يخلونها جمبها

أي فريق تشجع من الأنديه العالميه ؟

البرازيل كمنتخب --- برشلونه بالدوري الاسباني و الاوربي ---- العربي الكويتي بالدوري الكويتي

كم أعلى سرعة اتصال عندكم بالكويت ؟ ومارأيك فيها ؟

8 ميقا و ما يمدحونها كثير .... بس احسن شركة بالكويت توفر لك 2 ميقا بتنزيل 8 ميقا و كل شي بحسابه ( احسن شركة بالكويت اسمها فاست تلكو ) بس اهم اغلى شركه

مارأيك بالمنتدى عامة ؟

منتدى رائع و اعضائه اروع بس ناقصه قسمين ثلاثه و يصير كامل ... بس انا احتفظ بفكرتي لين اشوف ان الاعضاء يصيرون اكثر بعد

__________________________________________________ ______
أتمنى إني ماطولت عليك
وكل عام ياقلبي وأنت بأتم صحه وعافيه
ولاتكثر من الكبسه عشان ماتسمن!
لو ذقتها من ايد الوالده ودك ما تصكر حلجك و الله

اللي بعدوووووووووووووووووووووووووو :d

الوافي/ اسم على مسمى

:o

شكراً لك يا عقيل

هل ترا أن القيادة للمرأهـ عندنا بالسعوديه ستنجح ؟ وهل نجحت بالكويت ؟

نجحت بالكويت ... ماراح تنجح بالسعوديه ....اسمح لي بس كل ما اشوف سعودي بالكويت اشوفه يطرد ورا بنات و خصوصا اذا كان اعزب ... شلون عيل لو تصير البنت بروحها بالسياره عندكم بالسعوديه .. الله اعلم

جبتها على الجرح !!!
وش نسوي بعد ياخي ماشافو خير :d
بس انت كيف شفتهم يدورون ورا البنات

ماهي أفضل دوله بالعالم ولماذا ؟

سويسرا .... بس لو يشيلون الكويت و يخلونها جمبها

ماودي احطمك :d بس والله الكويتيين مو مقصرين بسويسرا ,,, في الصيف اللي راح ,, امشي فيها كأنك تمشي في السالميه :d

المشاركة الأصلية كتبت بواسطة عاشق هوندا اكورد

جبتها على الجرح !!!
وش نسوي بعد ياخي ماشافو خير :d
بس انت كيف شفتهم يدورون ورا البنات

ما يخلونا نشوف رزقنا ;)





ماودي احطمك :d بس والله الكويتيين مو مقصرين بسويسرا ,,, في الصيف اللي راح ,, امشي فيها كأنك تمشي في السالميه :d

ما شفتني هناك ؟ :d

يمكن بس والله ماعرف شكلك خخخخخخخخخخخ:d

في احد يبي يستجوب بعد و لا انزل من منصة الاعتراف ؟

وين ابو عزوز اللي حطني مكانه و حط رجله ؟

لكم يومين و نازل

نظراً لي إنشغلي .. نزلت لك نفس الأسئلة الموجهه إلى يوفنتوس ..
والجزء الآخر قريباً .. إن شاء الله



حدثنا عن .. هواياتك .. طموحاتك بالحياة ..
ماذا علمتك الحياة .. وماذا استفدت منها ..

هل تحب نفسك وتخاف عليها من المصائب ..



بيت شعر تجدة يصف قوة علاقتك بمن تحب ..




لدي رغبة جامحة لضربك حتى الموت .. ألاتبادلني نفس الشعور ..
علماًً بأنني أعمل على مقولة ( من حبك ضربك ) & ( من العشق ماقتل )



ماهو برنامجك اليومي في أيام الدراسة وإجازة نهاية الأسبوع ..






خلال سنوات عمرك الماضية .. هل وجدة الصديق الوفي والمناسب لك .. إذا كانت الإجابة نعم .. كيف تعرفت على هذا الصديق .
ما الصفات الحميدة فيه .. –الكمال لله سبحانة- ما الصفات اللتي تتمنى يغيرها صديق



هل أنت متعقد من وفاء أصدقائك لك ..هل سبق وأن قامو بخيانتك .. أو غدرو بك ..





هل سوف تحضر تجمع الشرقية الثاني



وهذهـ هدية لكـ منـ محبكـ أبو عــزوز ..

المشاركة الأصلية كتبت بواسطة أبو عــزوز ..

نظراً لي إنشغلي .. نزلت لك نفس الأسئلة الموجهه إلى يوفنتوس ..

والجزء الآخر قريباً .. إن شاء الله

ان شاء الله

حدثنا عن .. هواياتك .. طموحاتك بالحياة ..
ماذا علمتك الحياة .. وماذا استفدت منها ..

هوايتي : الحداق ( صيد السمك داخل البحر و ليش على الشاطيء )
او في حالة الظروف الجويه السيئه
الانترنت و الجلسه الفارغه عليه

طموحي اني اصير دكتور بمجال دراستي

علمتني الحياة : ان البحر غدار لو مهما امنت له لازم يغدر فيك

استفدت منها : لا تامن لاي احد لو مهما كان قريب

هل تحب نفسك وتخاف عليها من المصائب ..

اكيد و منو يحب المصايب لنفسه ؟

بيت شعر تجدة يصف قوة علاقتك بمن تحب ..

تـمـلـكتموا عقلي وطرفي ومسمعي وروحـي وأحـشائي وكلي iiبأجمعي و تـيـهـتـمـوني في بديع i iجمالكم فلم أدري في بحر الهوى اين موضعي فـلـمـا فاءني صبري وقل iiتجلدي و فـارقـني نومي وحرمت مضجعي

لدي رغبة جامحة لضربك حتى الموت .. ألاتبادلني نفس الشعور ..
علماًً بأنني أعمل على مقولة ( من حبك ضربك ) & ( من العشق ماقتل )

يعني تبي اقول اني بضربك لاني بحبك ؟
الرغبه اللي فيني اللحين اني اضربك حتى تصيح الآه و لا ينجدك احد
تدري ليه ؟ لاني جيت بكلمك بالمسنجر و فصلت انت قبل ما اضرب انا انتر بثانيه او ثانيتين

ماهو برنامجك اليومي في أيام الدراسة وإجازة نهاية الأسبوع ..

ايام الدراسه : النوم لين الساعه 11 لان اول محاظره 12 الظهر
ارجع البيت الساعه 4 و نص او 5

اقابل المسلسلات اللي كنت اخليها تنزل و انا بالمحاضره
اطالع اربع او خمس حلقات ورا بعض علما ان كل حلقه 45 دقيقه

الساعه 9 او 8 و نص اطلع من الغرفه و اروح لحديقة البيت و العاده الاقي الوالد قاعد يدخن زقاره بالحديقه ( متعود انه ما يدخن داخل البيت علشان الصغار )
اسلم عليه و يقولي مثل كل كل يوم : طلعت من قوقعتك ؟ << قصده غرفتي
اقوله اي و يقولي وين رايح و اقوله رايح الدوانيه او البحر او طالع سينما
و ارجع البيت الساعه 12 او 1
اروح غرفتي اقابل حلقتين من المسلسلات
و انام و اليوم الثاني نفس الكلام تقريبا
علما ان النظام يتغير كل كورس على حسب وقت المحاضرات
اني متخذ النظام الانقليزي : الغدا و العشا بوقت واحد اللي هو الساعه 6 و نص او 7

ايام اجازة نهاية الاسبوع : اجلس قبال النت من الساعه 12 بالليل لين الساعه 3 و نص او اربع
اقوم اليوم الثاني الساعه 11 او 12 الظهر
اتغدا على السريع مع الاهل و اطلع من البيت على الساعه 2 و نص و على البحر طوالي
اقعد بالبحر لين الساعه 6 او 7 و اذا كان الجو يساعد لين 12 بليل او لين اليوم الثاني ( على حسب الجو )
ممكن ما اروح البحر : اروح لدوانية ولد خالي من الساعه 3 العصر و العاده اني الاقي اثنين او ثلاث من الربع هناك قاعدين من اليوم اللي قبله << كأنه مالهم بيت
و نقعد نلعب دوري ياباني على البلاي ستايشن لين الليل او ندوره العاب كمبيوتر ( network games )
و طبعا كل واحد فينا يكون جايب معاه لابتوب و لا كمبيوتر
لو تدخل الدوانيه و تشوف كل واحد فينا مقابل الكمبيوتر ماله تقول هذيل يتحكمون بالاقتصاد العالمي

و طبعا ممكن يتغير هذا النمط على حسب المزاج
يعني ممكن نروح مطعم سوا

بالشتا الدوانيه تصير بمخيم ولد خالي

خلال سنوات عمرك الماضية .. هل وجدة الصديق الوفي والمناسب لك .. إذا كانت الإجابة نعم .. كيف تعرفت على هذا الصديق .
ما الصفات الحميدة فيه .. –الكمال لله سبحانة- ما الصفات اللتي تتمنى يغيرها صديق

نعم وجدت
تعرفت عليه لما كنا بالابتدائي و اسمي كان نفس اسمه - طبعا هذا شي غريب لان اسمي غريب -
و احنا كنا الوحيدين بالمدرسه اسمنا عقيل من بين اكثر من 1000 طالب
و تصير الصدف انه معاي بكل صف انا اروح له
يعني معاي من الصف الثالث ابتدائي لين وصلنا الجامعه
حتى بالجامعه مع بعض بس تفرقنا لما غيرت التخصص انا
مع ذلك بيتنا جمب بيتهم و اشوفه كل يومين بالمنطقه و الاتصال بينا ما ينقطع

الصفات الحميده فيه : انسان خلوق - مبستم للحياة و ليس متشائم ابدا
رغباته تقابل رغباتي و هاذي صفه تخلينا دايم مع بعض

ودي انه يغير شي فيه : يحب الطرب كثير - لدرجه خياليه
يعزف على كل آله موسيقيه شرقيه تقريبا
ما شاء الله عليه يسمع شي مره وحده و يروح يعزفه بالتمام مثل ما سمعه
بس هذا الشي بدا ياخذه بعيد عن الكل هاذي الايام
اخوانه حاولو انهم ينسوه الطرب ما قدرو
حاولت اني اجذبه لاشياء اخرى غير العزف و الطرب
ما قدرت
رغم انه يعرف ربه و يصلي و يصوم و يخاف ربه عدل بس مو قادر يفكر بشي غير انه يصير عازف ماهر
مو للشهره..... بس ارضاء لنفسه
يتحدى نفسه يعني

هل أنت متعقد من وفاء أصدقائك لك ..هل سبق وأن قامو بخيانتك .. أو غدرو بك ..

للاسف اي ... صارت فيني مواقف مع اشخاص كنت اظن انهم اصدقاء
و غدرو فيني
و من يومها ما اصادق الا اللي يثبت حقا انه صديق
و طبعا لازم اختار صديقي بعنايه

هل سوف تحضر تجمع الشرقية الثاني
للاسف لأ
الظروف الدراسيه ما تسمح ابدا
و خيرها بغيرها يابو عزوز

وهذهـ هدية لكـ منـ محبكـ أبو عــزوز ..

تسلم

سلااااااااااااااااااااااااااااام

انا نزلت و ارشح مكاني عاشق هوندا اكورد

تفضل على البينش ( bench ) <<<< اظنك تعرفهم بما انك ( بالممكله المتحدة )

المشاركة الأصلية كتبت بواسطة BLACK_ACCORD

انا نزلت و ارشح مكاني عاشق هوندا اكورد

تفضل على البينش ( bench ) <<<< اظنك تعرفهم بما انك ( بالممكله المتحدة )

ماهكذا كان الظن بك:d

مشكووووووووور عقيلوهـ .. ماقصرت


جاك الموت ياعاشق هوندا أكورد ..

أبشر باللي بيكسر رايك ..

المشاركة الأصلية كتبت بواسطة أبو عــزوز ..

مشكووووووووور عقيلوهـ .. ماقصرت

جاك الموت ياعاشق هوندا أكورد ..

أبشر باللي بيكسر رايك ..

ايــــــــها الخائن :d

نبدي نسأل و لا ننتظر بعد اصوات ؟؟؟؟

^^^^^^^
والله مادري ,,,

بس اذا بديتو تسألو عطوني خبر ههههههههههه

^^^^^^^
عاشئن ايش ياولد الحلال :d

ما عاد يبيلها تصويت بالعكس يستاهل الترحيب عاشق هوندا اكورد

تفضل طال عمرك
وش تحب تشرب ؟

خلاص اذا انا على الكرسي الان ههههههه:d

انا بانتظار الاسئله على احر من الجمر

وانا ماخاف