بل بل بل .. وكل هذا تبغاني اجاوبه يا عقيل ..كنت في سيارة واحد من اصحابي سوبر بان قديم .. مال ايام الثمانينات .. ويجي واحد من شلتنا عنده كابرس تسعاوي ويبغى يفحط ويجي يصقع في السوبر من جهة الزاوية اليسرى .. ضحكت لزين ما عورني بطني ..
مشوار الألف ميل يبدأ بخطوة ويالله نبدْ بسم الله ..
-------------------
1-اسمك ؟
محمد بن خالد
2- عمرك ؟
21 سنة
3- سكنك ؟
سيهات - القطيف
4- تدرس و لا تعمل ؟ ام الاثنان معا ؟
توني متوظف في ارامكو صار لي شهر تقريباً
5- اذا تدرس ؟ شنو تدرس ؟
---
6- اذا تعمل شنو تعمل ؟
صيانة معدات .. تشكيل انابيب .. قطع صفائح حديد سميكة بالتاج .. تحميل معدات ثقيلة بشاحنة الرفع الكبيرة المسماة بالكرين .. وغيرها الكثير ..
7- تاريخ ميلادك ؟
1987 اغطسطس 14
بالهجري .. 18\12\1407
8- وزنك ؟
100 كيلو جرام
9 - طولك ؟
والله ما ادري بالضبط ولكن اتوقع 1.70 متر
10- اي ماركه رياضيه تفضل من الاتي : نايك - بوما - اديداس
نايك - اديداس - بوما
11- ما رأيك بالحب ؟
الحب شعور اما يكون جميل حقيقي او جميل كاذب .. انا كان جميل حقيقي بياخذك فوق وان كان جميل كاذب بياخك تحت
12- جربت الحب ؟
مممممم تقدر تقول :d
13- متزوج ؟ اعزب ؟ لديك اولاد ؟
اعزب ولدي اولاد :d
لا تصدق .. اعزب لين الحين
14- عدد اخوانك و ترتيبك بينهم ؟
اخواني اربعة بدوني .. وترتيبي الأول .. انا اكبر اخوتي
15- هواياتك ؟
الميكانيكا العامة .. الأعمال اليدوية .. التصوير الضوئي .. صيانة واصلاح اجهزة الكمبيوتر .. التعامل مع الأجهزة الألكترونية ..جمع الخواتم .. تصفح الأنترنت .. القومات .. و.. و .. الخ ..
16- شكثر تمارس هواياتك ؟
كل وحدة وقت حاجتها ..
17- حكمتك بالحياة ؟
مساوئ المرء تكتب على النحاس ومحاسنه تكتب على الماء ..
أذن الحبيب صماء عن معائب المحبوب وعينه عمياء عن قبح مساويه
بين الحق والباطل اربعة اصابع ..
18- نوع تلفونك النقال ؟
Nokia N95 8GB
وش استفدت من نوع جوالي
19- نغمتك ؟
موسيقى ايرانية
20- مخصص نغمه خاصه لاحد ؟ اذكرها و اذكر الشخص
الأقارب لهم نغمة خاصة ..
21- تمارس الرايضه ؟ اي نوع .؟
المشي ..
22- تحب تاكل ؟
اذا نفسي مفتوحة احب آكل واذا نفسي منسدة ما آكل شي .. وفي العادة وجبة العشاء ملغية من عندي ..
23- اكلتك المفضله ؟
سمك الهامور المقلي مع الرز الأبيض >> لازم تجوعنا يعني
ويجي في المرتبة الثانية مكرونة البشمل
بالنسبة للعشاء فاحب المشاوي ..
24- تسافر وايد ؟
مو كثير ..
25- وين سافرت ؟
سوريا - ماليزيا - ايران - البحرين - الأمارات - اندونيسيا
26- دولة تفضل زيارتها ؟
ماليزيا
27- - وش رايك بالاعضاء التاليين :
The Godfather- Honda
-الاخطبوط : مرح جداً وجاد جداً في نفس الوقت >> كيف لا تسأل
- الشاويش فريد: أخ ورجال محترم وعزيز وغالي
- ابو عزوز.. : رجال ونعم .. قابلته في تجمع الشرقية ولا توقعته مثل ما تخيلت
- يوفينتوس : عليه حركات :d
- انا : بديت ترفع ضغطي ولكن مستحملنك لين الحين :d
- عاشق هوندا اكورد : يا ريتني طنشت رسالته :p
- (حط رايك بـ 4 اعضاء من عندك ) والله مانا فاضي افكر :p
28- اذا اتصلو عليك اللحين و قالو لك انت ربحت مليون دينار .. شنو تسوي فيهم ؟
ابيع الأكورد واطق لي مرسيدس :dS600
29- انت عصبي ... هاديء .. ملقوف .... اشرح مزاجك
هادئ في العادة وما اعصب الا بصعوبة ولكن اذا عصبت بعد عني .. ممكن اطلع نار من فمي واحرقك :d
30- شنو تتابع .. رياضه .. مسلسلات .... افلام.... ؟
رياضة .. ما اتابع ومفتك من الهلال والنصر وريال مدريد وجوفنتوس >> ترى حفظتهم من كثر ما اسمعهم
مسلسلات : Prison Break , 24 , The X-Files , Medical Investigation
افلام : في العادة افلام الأكشن والرعب وشوي كوميديا واكره بشده الأفلام الرومنسية .. طبعاً كلها أجنبي ..
31- من هو :
العاقل : الذي يعرف في ماذا بتكلم واين ومتى ..
المخبول : شخص مرتاح من الدنيا ..
الغبي : شخص يتظاهر بالذكاء ..
32- من تشجع .. محليا ... اقليميا .... اوربيا ... عالميا ؟
ما اتابع رياضة
33- حادثه طريفه صارت لك ؟
34- حادثه محرجه صارت لك ؟
بصراحة مانا ذاكر حالياً اذا ذكرت بعطيك خبر ..
35- اوصف لي يومك .. ايام العمل .. ايام اجازة نهاية الاسبوع .. ايام الاجازات الطويله !
هاليومين .. انام مع اذان الفجر واجلس مع اذان الظهر .. اشغل اللابتوب واشوف وش صاير بالعالم .. وبعدها اتغدى واجلس اطالع تلفزيون وبعد سلاة المغرب اطلع الكورنيش اتمشى وبعدها اجلس مع الشباب لين ما نتفرق ..
ايام العمل : ننتظر ايام العمال .. توني متوظف ولا بعد اداوم ...
ايام اجازة نهاية الأسبوع : نروح الخبر نتعشى ونتمشى .. اما ليلة الجمعة فجلستنا في الكورنيش نتابع القومات الي تصير ..
ايام الاجازات الطويله !: زهق ملل وكله نفس المنوال ..
36- شنو مواصفات جهازك الكميوتر ؟
لا تعور راسي .. :d
هذي المواصفات ..
Qosmio F20-111
37- اي واحد من الاعضاء تفضل ؟
accord 06 , Neo Fox , 922
38- صار معاك حادث من قبل ؟ كم واحد ؟ .. تعورت ؟ كم كلفك ؟
صار حادث والغلط كان على الطرف الثاني ..
رحنا ورشة وسعرنا قيمة التصليح واعطانياها الطرف الآخر ومشى في حال سبيلة ..
كلفت 700 ريال ..
39- اي نوع من السيارات تحب ؟
Chevrolet Corvette Z06
40- امنياتك ؟
تكوين أسرة وفتح بيت والعيش مطمئن النفس ..
41- شنو من امنياتك تحقق ؟
الوظيفة .. الأكورد :d
42- الجريدة المفضلة ؟
اليوم
43- المطعم المفضل ؟
مطعم ملك الشاورما ..
44- القسم المفضل بالمنتدى ؟
المشكلات الحلول والأداء و الأنظمة الكهربائية والصوتية
45- اليوم المفضل ؟
الخميس ..
46- الرقم المفضل ؟
2
47- القناة المفضلة ؟
MBC action
48- توقعاتك لعام 2008 ؟
كذب المنجمون ولو صدقوا .. ما عندي توقعات ..
49- ليش اخترت "الهادف" كأسم لك ؟
الهادف ... قصته طويييلة جداً .. بالمختصر .. انا احب اعرف اتكلم عن ويش وفويش وعن دلائل وبراهين وليس من العقل او الهوى
50- اتعس لحظه بحياتك ؟
بصراحة ما اذكرها ..
51- ماذا تعني لك الام ؟
القلب الحنون
52- ليش اخترت الهوندا ؟
الحب من النظرة الأولى .. حبيت مشيتها وشكلها بالشارع وهم ابوي حبها
للمعلومية .. أول سيارة اشتراها ابي لنفسه كانت أكورد 1982 اخذها من الوكالة بـ 23.500 ريال دفعها كاش ولكن انقلب بها بعد فترة .. والحمد لله طلع بالسلامة ..
53- مين الصديق بنظرك ؟
من يحبك لنفسك ومن يبذل الغالي والرخيص في سبيل اسعادك ورضاك ..
54- مشروبك المفضل ؟
ليمون بالنعناع من دكتور كيف
55- شلون عرفت المنتدى ؟
الشيخ قوقل دلني عليه
56- مقلب صار فيك ؟
ما اذكر
57 - مقلب سويته لاحد ؟
هم ما اذكر
رد مع اقتباس
مواقع النشر (المفضلة)