انا كنت في يوم من الايام متعصب للنوكيا وبشدة ... وبصراحة النوكيا اجهزة جبارة وسريعة وسهلة الاستخدام جدا واهم المميزات اللي تتفوق النوكيا (عامة) فيها على السوني (عامة) : اسهل في الاستخدام ... عادة الصوت يكون اقوى ... عادة الشاشة اكبر واوضح ... عندما يتعلق الامر بجهاز جبار (مثل N95 و W960) فنوكيا تكون اجهزتها دائما اسرع في الاستيعاب والتصفح في الصور والقوائم وغيرها .......
بعد التعصب للنوكيا الذي استمر من بداياتها الى ان انسرق من عندي N73 ... حولت الى السوني اريكسون وجربت منها عدة اجهزة ابرزها K850 و W960 ... الأول كان ممتاز بكل ما تحمله الكلامة من معنى وتحس وانت تستخدمه انه يجسد الكلام اللي تقراه عنه ... بس الثاني الله لا يوريك ... كان الكلا يقارنه بنوكيا ان95 لكن الله يشهد انه ما يتقارن به خير شر .... بطيء جدا جدا في الاستعمال وفتح الملفات وصوته حاد ونظامه فيه اشياء كثيرة غبية ....... على العموم اهم المميزات اللي تتفوق السوني (عامة) فيها على النوكيا (عامة) : نظامها اقوى وقليل الاخطاء ...التصوير الثابت فيها معظم الاحيان يكون افضل ... شكلها وبنائها احلى واقوى ...لما تستخدمها وتتعود عليها بصراحة تحس انها تجذبك بقوة وتستمتع في استخدامها بعكس النوكيا تحس انك تمل منه وتبغا تغيره للي اجدد منه علطول........... ادري اني طولت في السالفة ...

الخلاصة : بالنسبة ليي انا ما كرهت السوني ولا كرهت النوكيا وأحاول اكون حقاني مع الشركتين وبدون تعصب ... لكن انا خلااااااص توبة اشتري جهاز اول ما ينزل ..... ونصيحتي انتظر الجهازين ينتشروا شوي وجربهم وفصفصهم عالآخر من التصوير الى الشاشة الى الصوت الى التصفح في الجهاز الى..الى..الى .... الخ

اخر شي بأعطيك انطباعي عن الجهازين من ألحين من اللي قريته فوق
التصوير ... في الثابت سوني اريكسون تتفوق بلا منازع لكن النوكيا عودتنا بنقاء لا يضاهى في الفيديو خاصة ان الفيديو ما يعتمد على عدد البكسل

الصوت ... عادة نوكيا تمسك بزمام الامور في هالموضوع ... لكن سوني ما تستبعد عنها شي

الشاشة ...اتوقع النوكيا بيكون افضل من هالناحية لأن الشاشة فيه اكبر وشوف الفرق في عدد الالوان

الاستخدام ... السوني الله اعلم ... بس النوكيا سمعت من شخص انه سريع جدا جدا ولسه يحتفظ بطابع السهولة والعملية

وبالنسبة للاخوان اللي يقولوا تويتا ونوكيا ... هالكلام ما يأكل عيش وكلها خرابيط ... اللي يتابع منكم افلام اجنبية بيلاحظ ان 90% من الجوالات اللي تطلع فيها هي نوكيا ... ولد خالي يدرس في بريطانيا والنوكيا منتشر بشكل رهيب عندهم ........ السوني اريكسون جبار جدا لكن خليكم عقلانيين في كلامكم وتكلموا بالكلام اللي ينشرى مو بعض الهراء الفاضي

اتمنى لك التوفيق اخوي ... واحب اقول ان ترا انا بعد ناوي على واحد من هالجهازين

سلااااااااااام ..