الحمد لله اللي انعم علينا بهالامطار الجو البارد نسبيا اليوم

لكن الصراحه طلعت الفضائح اليوم

نسمع عن مشاريع تصريف مياة الامطار ولكن ماشفنا لها اي فاعليه في اول اختبار لها

الدائري الشرقي والدائري الشمالي مقفل مقفل معقوله 6 سيارات واقفه جنب بعض تقول واقفين عند اشارة وهو طريق سريع مافيه ولا اشاره

طريق خريص وطريق الملك فهد اصلا بدون امطار وهي زحمة فما بالك مع المطر اليوم

طريق خالد بن الوليد صار بحيره تصدقون خفت يطلعلي سمك قرش منه :d

طريق الشيخ جابر انسى انك تجيه بايام المطر >>> يسمعون بنظام الاولويه لمن بداخل الدوار :d

امتداد مخرج 9 قدام جامعة البنات ومخرج 12 غرقانين والناس تطامر الرصفان هربا من الغرق

زميلي مدرس طلع من دوامه الساعه 12:30 الظهر ولا وصل البيت الا بعد ساعتين وخمسين دقيقه والمسافه هي 37 كيلومتر :d

يعني كل كيلو بـ 4 دقايق ونص :p

الله يعين على هالزحمه اللي كل يوم تزيد