انا اتفق معاك يا اكورداوي لعلمكم يا شباب ترى التجارة افضل من الوظيفة وانت حر نفسك ودخلك انت الي تحدده مو تستنا احد يزودك
وهنا في السعودية في خير لكن يبغاله الواحد الي يفكر ويعرف من فين يطلعه
والله الاجانب مستغلينها صح ويطلع في الشهر ارجل من راتب مدير وهذا الشي انا ما اتكلم فيه من فراغ الا من تجربه قدام عيني
باكستاني مستاجر تريلا ينقل بيها بضايع باسم كفيله
مره كان الشغل زحمه عندنا وفي عميل يشتري مننا دايما والتريلات حقتنا كلها مشغوله رحت جبته الباكستاني هذا عشان ينقل للعميل البضاعه وهو مستني عندي في المكتب والعمال ينقلو البضاعه قلتله كم تدخلك التريلا هذي قال اذا اشتغلت كثير اطلع منها 14000 في الشهر والله صدق يا شباب انا لو مني عارف شغلتهم كان كذبته
انتو عارفين انه يودي بضاعه لمكه في الايام العادية 1500 ريال تخيلو مكه يعني ما تاخذ منه يمكن حتى ربع يوم قول اعطيه يوم كامل
اجل هذا لو وداها للطايف كم يطلع
وانتو لكم الحسبه ولعلمك هذي الايام زحمه على التريلات بسبب رمضان بحكم تجارتنا في المواد الغذائية يعني دحين الي معاه تريلا يتكلم من خشمه
وفي اشياء ثانية كثيييير بس لو الشباب السعودي يفكر تمام ويدور حيلاقي اشياء كثير تدخله ذهب.