طيب .. اسمح لي اقول تجربتي ..

نفس الشي ،، المشوار من بيتي للدوام ياخذ ساعة كاملة صباحاً ،،!

وصبح الخميس ياخد 15 دقيقة فقط ..!

لان وسط الاسبوع امر مع العن طرقات الرياض في الزحمة .. جامعة البنات - طريق الوشم - شارع الجامعة - شارع الستين !! زحمة مالها اخر وفي النهاية ما الاقي موقف لان دوامي قريب جداً من كلية المجتمع ..! اللي مواقفها قليلة ..

لو كل صبح اسمع سفالة قنوات mbc واغاني كالمعتاد .. // لازم اسرع / اسب في العالم / اتحمس في السواقة / يقال لي مستمتع وهي ضيقة صدر .. اوصل الدوام مالي خلق اداوم .. اكيد ساهر بالمرصاد قبل كل شي وما اشوفة !

الحل ..

بما اني احرك من بيتنا 7 الصباح // افتح اذاعة القران ... برنامج بك اصبحنا ... اول شي الحق علية حركة المرور بالرياض ( حركة النصب بالرياض ) .. ثم اسمع برنامجهم ومعلومات قيمة ومفيدة ومن كل بحر قطرة .. // اكون مروق .. مستحيل اتأخر .. اوصل وانا رايق وتبقى احياناً ربع ساعة قبل 8 الصبح وانا واصل .. عاد يجيبون تلاوة من الحرم .. اما الشريم او السديس .. ان صار الشريم .. يالله .. ياللروحانية .. تحس برررراحة عجيبة على الصبح ،،

غير اوقات الدوام ..

اسمع بودكاست على طاري من الايبود ، ولا بودكاست حلم سعودي ، ولا سايوير بدوكاست ، ولا الشيخ سلمان العودة الحياة كلمة ، ولا بودكاست سعودي قيمر لمحبي ومتابعي الالعاب ، وغيرها بودكاست كثير ... متعة وفائدة وضحك ووناسة وسعة صدر وفجأة ،، وصلت مشوارك !!

والله اني استغرب من اللي حياتهم 24/24 ساعة اغاني في اغاني ...! في السيارة وكل مكان .. عط نفسك وقت تستفيد فية .. ارحم طبلة اذنك شوي .. توك صاحي من النوم وراح الدوام وتفجر اذنك بأغاني .. كل شي لة وقت حلو .. زي الحين مثلا ( مرت سنة .. ومرت سنة ومرت سنة .. والشوق باقي ما انمحى ) عبد المجيد .. ومحمد كبدة .. وقتها مناسب