انا صارت لي مشكلة أكبر يا أنمار كل مامسكت خط للجامعة وانا راعي سرعة ابنشر ثلاث مرات على الاكورد وكلها كنت ماشي فوق 180 بس ربك ستر وكل البنشر بلوف حقت الكفرات مقطوعة استغربت اول مرة البلوف حقت الكفرات تخرب بالطريقة هذي المهم صرت اروح على السوناتا وشوي وانا ماشي 140 الا الكفرين قدام كلهم بنشروا واوقف واحمد ربي على السلامة المهم رحت وغيرت كل البلوف حقت الكفرات للاكورد والسوناتا ...وبعد اسبوعين...الا الكفر مبنشر ونفس الشي بلف يا ولد وش السالفة وكله مقطوعةالمشكلة المهم واطلع مرة من المرات بالليل الا احصل واحد عند كفر السيارة بزر عمره 12 سنة معه سكين ويشقق في البلوف وامسكه والعن خير الي جابوه كمخته الين قال بس وطلع واحد من الجيران وفكه مني وربي كنت بذبحه بغى يموتني عدة مرات والمشكلة ابوه يقول بزر يلعب....! بعقلك انت مجنون ولا صاحي وش الي بزر طيب لو مت من البنشر تدري وش قال ...؟ ما احد قال لك اسرع....! واقسم بالله ما اشوف نفسي الا برقبته اول مرة امد يدي على واحد كبير في السن بس قسم بالله قهرني ومن بعدها لا سياراتي تتمخش ولا كفراتي تبنشر ولا بزارين تلعب غميضة تحت السيارة ...
وقبلها كنت كل ايوم يا ابو محمد الله يرضى عليك يا ابو محمد ترانا جيران عيالك مخشوا السيارة واعدموهاولا فاد معه الكلام ...كان بيروح يشتكيني على الشرطة بس قلت له انا مصور ولدك وهو قاعد يقطع بلوف الكفرات <<< لعبت عليه :d
وسكت ولا عاد شفته ...
طبعا انا ما أحرض على أي مشكلة تصير على طول تكفخ :d
بس أحب أقول لك إن فيه ناس ما ينفع فيها الطيب والهرج اما تشكيه على الشرطة واذا مانفع كفخه عاد :d
أدري كثرت هرج ومصختها شوي لكن كان بقلبي كلام ولقيت موضوعك وقلت خلني افضفض شوي...ويا شباب ترى المقصد من الرد ما هو يعنني شوفوني قوي :d
لا والله بس هذا الي صار وحبيت اسولف فيه شوي...
رد مع اقتباس
مواقع النشر (المفضلة)