لا يأس مع الحياة و لا حياة بدون سكر ! <<< افهمها زي ما تفهمها يا ناااصح :d

يا اخي مرتفع ضفطي ... يوم الاحد عندي امتحانين .. كيميا و مهارات حاسب آلي ... المهارات مثل اللوز .. بس الكيميا مالي خلق افتح صفحه منه ... درجاتي بالارض بالمواد اللي خلصت منها .. المعدل صار بالسالب ... مالي خلق ادرس... يالتني دخلت دورة طيارين هيليكوبتر و خلصت حالي ... ست اشهر بالكويت و 3 سنين بالمملكه المتحده :d

يالله ما علينا ... محتاج لدفعة قويه علشان اصحصح حبتين ... حايشني احبااااط ... المواد اللي ماخذها الكورس هذا تجيب احبااط !
ميكروبيولوجي ... ماده غم .. بكتيريا ... لا بااارك اللله فيها
بووتاني ... علم نبات .. اكره ما عندي النباتات ... خصوصا لا صارت السالفه تعقيد في تعقيد و اسامي لاتينيه !
كيميا تطبيقيه .... احب كل الكيميا الا هاااذي ... مساااائل تجيب وجع الراس و اشياء مالها داااعي ...
مهارات حاسب آلي ... ماده مطلوبه علينا ... لزوم استهبال .. تعليم الوورد و الاكسل و البريزينيشن و كيف تبحث بالانترنت .. لما اقعد بالمحاضره يجيني النوم ... مافي شي جديد فيها ... فل مااارك على الماشي .. !
مختبر كيميا 111 ... ماده كيميا .. بس كلها تجاااارب .. مافي شي نظري الا القليل .. اخذت فيها درجه ما انزل الله فيها من سلطان .. D- .. يعني الدكتور معطيني ربع درجه فوق الحفه ... خخخ .. من بعد الحادث ما داومت عنده ابد .. ساااحب عليه و على تجاربه .. دخلت الفاينل الا ابن اللذينه حاط الامتحان كله من اليوم الاخير اللي محد داومه .. محد عرف يحل .. دخل علينا قاعة الاخبتار يقول ( ادري فيكم محد عارف شي .. لانه نسبة الغياب اخر يوم كانت 100% ... اللحين بشوف من فيكم بينجح .. و طلع و هو يضحك .. تقول انتقااام خخخخ .. ما علينا .. المهم عديناها و خلاص ..
المعدل الكورس الجاي لازم ارفعه .. لازم كل موادي A ... علشان ما يجيني انذار معدل !