الموضوع: سوالفxسواليف.اسدح سالفتك هنيتا..

يا شين الملل وضيقت الخلق :(

واحد وده يأخذ أجازة ونائب الرئيس رافض وش السوات

شكله الفصله قربت :(

المشاركة الأصلية كتبت بواسطة أكورداوي

اول شي الف مبروك الوظيفه الجديده ;)

ثانيا انا صار لي فيلم مرعب خلال الاسبوعين الاخيره على موضوع الاجازه ..
قدمت الاجازه طال عمرك عن طريق النظام الذاتي عندنا وعشان تتم الموافقه عليها تحتاج لموافقة 3 مدراء ( مديري ---> مديره --> مدير مديره :d )
المهم وصلت للمدير الأخير الي هو الفيصل ..

جلست عنده اسبوع ولاتمت عليها موافقه ولا شي .. والمشكله انا حاجز طيران مع كم واحد من اخوياي وفنادق وتأشيرة دخول ووو .. الخ وكلفتني مبالغ مو هينه الى الان ومابقى الا 3 ايام على الاجازه والحبيب ما رد علينا !!

كلمت سكرتير سعادته عشان يشوف الموضوع قال بشوفه لك ان شاء الله .. شوي يدق علي ويقول مالقينا اي طلب لك في صندوق الوارد حقه !!

واكلم ال it واقول تكفى اكيد فيه خلل بالنظام شوفوا اجازتي وين راحت .. والله ويدخلون على اليوزر نيم حقي ومايلقون اي اجازه !!

اتصلوا يقولون انت متأكد انك رافع اجازه ؟!!

قلت لا يمكن كنت استهبل !! اي اكيد رافع اجازه .. المهم هالكلام يوم الاثنين الماضي واجازتي تبدأ اليوم .. قلت على العموم من الحين اقولها .. فيه اجازه خير وبركه .. واذا مافيه والله يابتسمعون صوت السيفون وبروح وأفل أم أمها وسووا الي تبون تسوونه انتو ونظامكم الفاشل ..

من هنا ومن هنا رفعوا لي طلب جديد يوم الثلاثاء ودفوه بقوه الى سعادة المدير (الأخير) ووافق عليها اليوم الحمد لله ,,

الله يبارك فيك أخوي خالد

يا رجال أمورك أفضل من أنا أول ما أشتغلت عندهم يا شيخ تقول بعينوني المدير بس يوم جيت أبي إجازة رفض نائب الرئيس لأني قبل أخذت إجازة 3 أيام زعل و قوم الدنيا علي مع إني ماخذها من الموظف المسؤول عن قال إيش قال أنا المسؤول عنك ووو قلت له من الأخر بتعطيني إجازة أسبوع ولا لا قال لا أسمح لنا عندنا أشغال لازم تخلص حتى نبداء فيها برمضان قلت له خير لكن الوعد يوم الجمعه قفل الجوال وأسحب أصلن ما يقدرون يستغنون عن لأن لو فصلون راح يبلشون ومالهم إلا أنا فاهم شغلهم صح والمنشأة إلي أنا فيها توها جديدة وما فيها غيري موظف مسؤول عن كل شيء تبغاني بالصادر والوارد أشتغل فيه تبغاني مسؤول موظفين تبغاني مدير تبغاني سكرتير كل شيء بس وش نقول أنا صابر عشان إلي موظفني يقول إن شاء الله بنحسن أمورك في الشغل ونبي نريحك قلت نشوف وش تالتها ولا كلن فاتح لي بابه ما وقفت عليهم .

الكاسر
أنا بالعكس أول ما جيت عندهم يهلون ويرحبون ما عندك أحسن منهم حتى المكتب عندي نت مفتوح أجي معي جهازي الخاص اللاب توب وخذ يا فله يعني مريح ومستانس بعض الأحيان ما يصير عندي شغل أبد بس ممكن خطاب واحد باليوم أكتبه وأطبعه يعني مرتاح بس من تالي بداء يزود ضغط الدوام وبديت أمل شوي قلت أسافر مع الشباب أسبوع نفك الضيقة والملل لك زودها النائب ورفض الأجازة مع أنه الأسبوع الجاي مافيه شغل يستاهل ممكن أنه يأجله أسبوع بس وش نقول ...!

المشاركة الأصلية كتبت بواسطة ن ع ر السعودية 0005

يا شين الملل وضيقت الخلق :(

واحد وده يأخذ أجازة ونائب الرئيس رافض وش السوات

شكله الفصله قربت :(

وجهك قوي توك متوظف وتبي اجازة :d

سلاماااااااات :p

اجلس بوظيفتك اصرف لك .. ماطفشت من العطاله كلها اجازات :d

تصبري تصبري بعدين تاخذ لك اجازة جامده وقت الدراسة وتطلع لك سفره محترمه برى السعودية :d

<< يخطط لها :p