الموضوع: وحــــــــده بوحـــــده (خاص لجماهير الهلال والنصر)

السلام عليكم ورحمة الله وبركاته



كتب احد المشجعين النصراويين موضوع ويظهر ويثبت ايضا الاخلاق اللتي يتمتع بها المشجع النصراوي لااريد ان امدح ولكن اترككم مع الصورة







وكتب في موضوعه ...
صورةجميلة ومعبرة لنجم المنتخب سعد الحارثي وهو يصب القهوة للكابتن ياسر القحطاني مما يعكس ولو شيئا بسيطا مما قد يسود بين هؤلا اللاعبين من روح المحبة والمرح والأخوة ونحن يلعن بعضنا بعضا ونقع في أعراض بعضنا البعض بسبب هؤلا اللاعبين وغيرهم



رد عليه احد المشجعينالهلاليين




قائلاً غصبآ عليه يصب القهوة لعمة مساكين النصراويين دائمآ يحاولون التقرب لنا




ولكن هل تعتقد ان المشجع النصرواي سكت عنه ؟امهـله؟


وإنما رد عـليه الصاع صاعيـن
في هـذي الصورة













ومن ثم توقفت الردود الهـلالـيه



فأن بصراحة جدا مستاء لهذي المواقف التي تصدر من الجماهير الفريقين صحيح ان فـيه منافسة ما بين الفرق ولكن ما توصل الى هذي المواقف. فاتشجيع فن وذوق بـعيد عن التعصب الرياضي.


وسلامتكم

الرياضه والكوره وجدة لتسليه ورح الحماس والمنافسه الشريفه ولا متوجد لتعصب وقلة الحياء

مازاد عن حده ينقلب ضده

وفي الاخير الاعبين يمثلون وطنهم

والمشجع الصحيح ينتهي حماسه مع صفارة الحكم

اما يكون فايز او خاسر لان هو راح يكون الواقع

ويتقبل النتيجه

المشاركة الأصلية كتبت بواسطة يامطنش

الرياضه والكوره وجدة لتسليه ورح الحماس والمنافسه الشريفه ولا متوجد لتعصب وقلة الحياء

مازاد عن حده ينقلب ضده

وفي الاخير الاعبين يمثلون وطنهم

والمشجع الصحيح ينتهي حماسه مع صفارة الحكم

اما يكون فايز او خاسر لان هو راح يكون الواقع

ويتقبل النتيجه

كـلام سـليم يا منطش

كان زيــن لو اغلب المشجعين عندهم الفكرية هذي

لكن وش نسوي لهم ويا تعصبهم اذا راسهم جامد

ابو الريش؟!!

لا يكون انت العضو اللي بشبكة الهلال

المشاركة الأصلية كتبت بواسطة king accord 2008

ابو الريش؟!!

لا يكون انت العضو اللي بشبكة الهلال

انا موجود في منتدى نادي الزعـيم لكن اسمي ليس ابو الريش:p
اسمي ابو محمد

لكن تقريبا بطلت المشاركة فـيه بعد قضاء فترة فـيه مدة زمنية تقارب 3 سنوات ونصف

انا الآن عندي منتدى مفضل واحد لا غير وهو نادي محبي الهوندا
-------------------------------------------------------------------------------------------------------


ومشكورين عـلى المرور الحمـيل و الروعة يا اكورد

الله يحفظك على الموضوع الروووعه انا تجمعت مع شباب وسالوني وش تشجع قلت لهم الهلال ...

تعال شوف الابتسامات الساخره والحركات وبعد ما حلفت واحد يتكلم قال يقولون انك تشجع فريق نيفيااا و طووووووووووووووووووووووووووووووووط

قلت طيب مافي شي يضحك قال هذا يدل على انك مثل الي تشجع وهو يضحك ....
انصدمت من هذي الحركات البايخه الي ماتتعلق بشباب عاقلين يشجع ويصايح وقت المباراة بعدها صفط وجهك وبلا سب ..

المتعصبين حتى في اعادة المباراة يتجمعون ويصايحووون >>>>فكرو شوي فيه عقل والا بححح

مشكووور على الموضوع وتقبل مروري

والله انا هلالي ومتعصب جداً جداً جداً

لكن لي حكمة بالحياة

--

اني أخذ هالتعصب بطريقه فكاهيه لاتصل الى الزعل أو حتى المزح البايخ
يعني بيني وبينك هو شي حلو ..
وكمثال لكلامي :-
انا بإستراحة مع اخوياي مجموعة هلاليين ومجموعة شباب والنصر والأهلي

لكن الي يجمعنا ان بيننا روح الفكاهه والمزح والضحك صدق نعاير بعض وقت الهزيمه لكن بطريقة لائقة

واذا كان هناك اعتراض

(( فأنا أعترض فقط على المزح الثقيل البايخ ,,
وطبعاً الزعل والتعدي المباشر والتهجم بالكلام الغير لائق ))

مشكور أبو الريش على موضوعك

تقبل مروري

وعليكم السلام ورحمة الله وبركاته .. بالبدايه اشكرك على هذا الموضوع الخطير والصور القويه

بس عندي كم مداخله من بعد اذنك يا ابو الريش وهي عباره عن عدة امثله شفتها اليوم عند الاستاذ وقت العصر قبل المبارات ( الهلال والنصر)

اغلب الي يدورون على الشارع نصراويه معلقين الاعلام مر واحد هلالي حدووه 4 سيارات والله شوي وينقزونه الرصيف .. >> صراحه لا تعليق

ددسن محمل بالحوض درزن مشجعين مرت سياره هلالي جمبهم الي يحط رجوله عليهم والي يحذفهم بالنعال ( وانتوا بكرامه) >> يعني فرحان ليش انه معك عالم والمسيكين لحاله ؟؟

اثنين يمشون رايحين للملعب كافين خيرهم وشرهم بس اللهم لابسين شال الهلال طلع واحد من القزازه ياهلالي يا خكري نيفيا وقال كلام ماله داعي ؟؟؟


واخيراً كنت مطلع علم من الفتحه وجمبي سيارتين مطلعين علم مغطين السياره كلها طبعاً هم نصراويه كان ورانا دوريه خلا النصراويه وجاني صفطني وبهذلني ؟؟ وش معنى ترك السيارتين وجاني مع العلم انهم مغطين السياره كامله هنا احب انوه لنقطه مهمه لاحظتها كثير جمهور النصر الكثير منه متعصب لدرجة الحقد خصوصاً على نادي الهلال ؟؟ الكثير منهم الا من رحم الله وهذا اقرب مثال حتى تشوفهم لا صارت مبارات الهلال مع الاتحاد ولا مع اي فريق يشجعون الاتحاد ويسوون زحمه ؟


والي يروح الملعب يشوف بعينه اشياء اكبر من كذا ...

الى متى وحنا نشوف مثل هالتصرفات ؟؟

كل الي ذكرته شفته اليوم بعيوني لا ازيد ولا انقص ...

آسف على الاطاله

8888888888888

ياخوي هذا اسمه تخلف

ان على طاري التعصب في زميل لي نصراوي بحت يوم انتها الشوط الثاني ويمسك البيالة :dويسفها على التلفزيون اشوى انها راحة يسار والاكان راحة الشاشة في خبر كان
والمشكلة بكل صراحة معليش لمشجعي النصر داااااااااااااااااااااااااااااااااااااااااااااايم خسارة لية التعصب وضيقت الصدر وتنفعل وووووووووووووووووووووووووووووووووووووووووووووووووو ووووسع صدرك كلها كوره
واذكر واحد يوم اني ادرس بالثانوية اخر سنة طبعاً كان يلعب في نادي النصر مجرد مايخسر النصر مبارة تلقاه يغيب ويشلة
هم الخسارة كنة هو الحارس في المبارة :( وهاذا الي عندي والله يعوض الجميع

جمهور النصر الكثير منه متعصب

قصدك جمهور الهلال

وش رايك في واحد يحدك وينشبك في صبات شارع الأبراج البديعه وبعدين يقول (تدري ليش حديتك؟؟ عشانك نصراوي)) يلعن أم التخلف اللي زي كذا..

الله يشفيه

أتمنى معظمكم ما يصير زي ذالبقره

الحمد الله انا اشجع الهلال لكن لو تسالني عن المباراة والله ما ادري متى بدت وانتهت وكم النتيجه ما عرفت النتيجه الى من المنتدى :d

يا شييييييييخ

ما يهم

انا هلالي صمييم

واحنا حبايب

وما يهمنا الجمهور المراهقين

<<< مشجع خلوق جداً :d